Ավլաբույս (Կոխիա) մազատերևավոր - Кохия волосолистная - Kochia Trichophylla

Թելուկազգիների ընտանիքին պատկանող միամյա դեկորատիվ բույս է: Արագ աճման շնորհիվ արդեն գարնան վերջում առաջացնում է մինչև 1 մ բարձրության և 0.75 մ լայնության գեղեցիկ, սյունաձև, սաղարթ, որի շնորհիվ հաճախ այս բույսը անվանում են ամառային նոճի: Տերևները խիստ կտրտված են, թելանման, զմրուխտականաչավուն, որոնք աշնանը մուգ կարմրավուն գունավորում են ստանում: Վայրի վիճակում տարածված է Չինաստանում: Մեր հանրապետությունում տարածված են ավլաբույսի մի քանի տեսակներ (պրոստրատա, սկոպարիա և այլն), որոնք նույնպես ունեն դեկորատիվ նշանակություն:

Ցանքը կատարում են մարտին` արկղերում, ընդ որում հավասարաչափ ծլելու համար նախօրոք սերմերը հատուկ սառեցման են ենթարկում: Տասն օրից հետո հայտնվում են ծիլերը: Սերմերը իրենց ծլունակությունը պահպանում են 1-2 տարի: Երբ կազմավորվում են առաջին 1-2 զույգ տերևները, սերմնաբույսերը վերատնկում են թաղարներում՝ դրանք տեղավորելով կիսատաք ջերմեցներում: Արմատակալելուց հետո բույսերը վերատնկում են ավելի խոշոր թաղարներում՝ դրանք ջերմոցներում տեղավորելով ավելի ազատ:

Ավլաբույս  (Կոխիա) մազատերևավոր - Кохия волосолистная - Kochia Trichophylla

Ավլաբույսը վատ է դիմանում ուշ գարնանային ցրտահարություններին: Երիտասարդ բույսերը գրեթե իսպառ ոչնչանում են արդեն 3-4օ սառնամանիքների դեպքում: Սովորաբար ցածր ջերմաստիճանի տակ բույսի տերևները կարմրավուն երանգ են ստանում: Հիմնական տեղում տնկելու դեպքում  բույսերի միջև  թողնում են 60-100 սմ տարածություն: Գերադասում է տաք, արևոտ լանջերը, սննդանյութերով հարուստ, փուխր, լավ մշակված չափավոր խոնավ հողերը: Առատ պարարտացում է պահանջում:

Հարցեր, պատասխաններ, մեկնաբանություններ