Աստղածաղիկներ բազմամյա - Астры многолетние - Aster Novae - Angliae, A. Novoe - Belgiae - A. Amellus - A. Alpinus

Բազմամյա դեկորատիվ ծաղկային բույսերի շարքում խիստ կարևոր դեր են խաղում: Ստացվել են հիմնականւմ եվրոպական ծագում ունեցող մի շարք վայրի աստղածաղկավորներից (ամելուս, Նոր – Անգլիա, Նոր – Բելգիա և այլն): Պատկանում են աստղածաղկազգիների ընտանիքին:

Կուլտուրական սորտերի թփերը խիստ ճյուղավորված են, հասնում են 1,5 մ բարձրության, տերևները մանր են, երկարավուն, նշտարաձև: Եզրային ծաղիկները  և ծաղկաբույլերը մանուշակագույն են, երկնագույն, եղրևանագույն, կապույտ, միջինները` դեղնավուն: Ծաղկաբույլերը հավաքված են վահանիկներում: Ծաղկում է օգոստոսից մինչև սառնամանիքների վրա հասնելը: Լավ է աճում փխրուն ավազակավային, բավականին խոնավ հողերում: Հայաստանի պայմաններում միանգամայն ձմեռադիմացկուն է: Բազմանում է թփի բաժանման միջոցով  (աշնանը կամ գարնանը)` կտրոններով և սերմերով: Կտրոններով բազմացնում են գարնանը` ջերմոցներում: Սերմերով բազմացնելու դեպքում ստացվում են որակով խիստ բազմազան բույսեր: Սերմերը շատ շուտ են կորցնում ծլունակությունը:

Աստղածաղիկներ բազմամյա - Астры многолетние - Aster  Novae  - Angliae, A. Novoe -  Belgiae - A. Amellus - A. Alpinus

Ալպիական աստղածաղիկը վայրի վիճակում հանդիպում է Ալթայում: Թփի բարձրությունը հասնում է 25 սմ-ի: Լուսասեր է, չափավոր խոնավասեր, ցրտադիմացկուն: Ծաղկում է մայիսի վերջերից մինչև ուշ աշուն: Բազմանում է սերմերով` թփի բաժանմամբ և կոճղարմատներով: Սերմերը ցանում են աշնանը: Ծիլերը վերատնկում են արկղերում և դաշտ տեղափոխում ամռան վերջում: Լայն կիրառում ունեն հատկապես լանդշաֆտային ոճի ձևավորումներում:  

Հարցեր, պատասխաններ, մեկնաբանություններ