Անթառամ ծաղկակիցավոր - Гелихризум прицветниковый - Helichrysum Bracteatum

Անթառամի բազմաթիվ տեսակներ կան, որոնցից մի քանիսն էլ աճում են մեր հանրապետությունում (ալիքանման (ունդուլաթում), հայկական):

Պատկանում է աստղածաղկազգիների ընտանիքին:Մշակության մեջ ամենուրեք հանդիպում է ծաղկակիցավոր անթառամը լիածաղիկ սպիտակ, բրոնզադեղին, նարնջագույն, վարդագույն, մուգ մանուշակագույն, երբեմն`դարչնագույն և այլ նրբերանգներով ծաղիկներ: Առատորեն ծաղկում է հուլիսից մինչև ուշ աշուն: Իր հայրենիքում` Ավստրալիայում բազմամյա բույս է, սակայն մեր կլիմայական պայմաններում մշակվում է որպես միամյա:

Ծաղիկների անթառամությունը բարձր է գնահատվում, քանի որ կարծր, գեղեցիկ ծաղկապսակը պահպանվում է երկար տարիներ:

Սերմերը ցանում են կիսատաք ջերմոցներում` մարտին կամ ապրիլի սկզբին: Դրանք ծլում են 1-2 շաբաթում: Սերմնաբույսերը վերատնկում են արկղերում կամ ջերմոցներում, որից հետո հունիսին տեղափոխում են դաշտ:

Անթառամ  ծաղկակիցավոր - Гелихризум прицветниковый - Helichrysum Bracteatum

Անթառամը լուսասեր է, բավականին ջերմասեր և չորադիմացկուն:

Պահանջկոտ է հողի նկատմամբ:   

Մեր հանրապետությունում տարածված ալիքանման (ունդուլաթում) անթառամի ծաղիկները կարմրավարդագույն են, երբեմն՝ բաց վարդագույն: Ծաղկում է հունիս-օգոստոսին: Աճում է կիսաանապատային գոտու քարքարոտ լանջերին (Երևան,Գառնի, Գողթ, Ուրցի լեռներ): Հայկական անթառամի ծաղիկները բաց դեղնավուն են կամ սպիտակավուն` կանաչ շերտիկներով: Աճում է նույն վայրերում: Երկուսն էլ ունեն մանրէասպան և բուժիչ նշանակություն:

Հարցեր, պատասխաններ, մեկնաբանություններ