Գիտնականները կաթիլներին ստիպել են «պարել» երաժշտության ներքո

Մեքսիկացի գիտնականները ներկայացրել են հեղուկի կաթիլների «պարի» տեսանյութը: Հոդվածի նախնական տարբերակը հասանելի է arXiv.org կայքում: Նոր աշխատանքի շրջանակներում գիտնականներն օճառաջուր են օգտագործել:

Թրթռոց ստեղծելու համար գիտնականները հեղուկով լի անոթը տեղավորել են սովորական երաժշտական բարձրախոսների վրա: Դրանցից եկող ձայնը անհրաժեշտ թրթռոցներ է ստեղծել: Թե ինչու կաթիլները չեն լուծվում` գիտնականները ճշգրիտ բացատրություն չունեն: Նրանք կարծում են, որ պատճառը կաթիլների տակ մնացած օդը կարող է լինել:

Գիտնականները նաև պարզել են, որ դրանք հավաքվում են յուրահատուկ համույթում: Նրանք հույս ունեն ապագայում սովորելու ղեկավարել կաթիլների շարժումը:

Հարցեր, պատասխաններ, մեկնաբանություններ