Բուդապեշտ

Բուդապեշտը` Հունգարիայի մայրաքաղաքը, որն ունի 2 մլն-ից ավել բնակչություն, իրավամբ համարվում է աշխարհի ամենագեղեցիկ քաղաքներից մեկը: Բուդայի լեռները, արևմուտքից գրկելով քաղաքը, հոյակապ տեսք են տալիս նրան:

Այդ վայրերի բարենպաստ աշխարհագրական դիրքը դեռևս նկատելի են եղել հին կելտերին: Հնադարյան գրավոր արձանագրությունների համաձայն` հունգարական Բելա IV թագավորի ուշադրությունը գրավել է Դնեպրի աջ ափին տեղակայված լեռը, և նա 1255թ. որոշում է կայացրել այդ լեռան վրա ամրոց կառուցել:

Բուդայի լեռները, արևմուտքից գրկելով քաղաքը, հոյակապ տեսք են տալիս նրան: Այդ վայրերի բարենպաստ աշխարհագրական դիրքը դեռևս նկատելի են եղել հին կելտերին: Հնադարյան գրավոր արձանագրությունների համաձայն` հունգարական Բելա IV թագավորի ուշադրությունը գրավել է Դնեպրի աջ ափին տեղակայված լեռը, և նա 1255թ. որոշում է կայացրել այդ լեռան վրա ամրոց կառուցել:

ԱՄՐՈՑԻ ՇՐՋԱԿԱՅՔԸ

Ով տեսել է Բուդապեշտը, երևի թե ենթադրել է, որ մինչև իր գեղեցկությամբ փառաբանված քաղաքի վերածվելը այն հարյուրամյակներ շարունակ կառուցապատվել է: Իրոք, դարեր շարունակ գոյություն է ունեցել միայն կենտրոնական մասը` Բուդայի ամրոցն ու մի քանի փողոց: Կարճ ժամանակահատվածում բնակեցվել է Ամրոցի շրջակայքը և շատ արագ սկսելառաջատար դեր խաղալ երկրի կյանքում: Ամրոցի պատմության ոսկեդարը համընկնում է Մաթյուշ թագավորի գահակալության տարիներին: Այդ ժամանակների մասին են հիշատակում և' թագավորական պալատը, և' նրան շրջապատող կառույցները: Բավական է մի հայացք նետել տներից մեկի բակին ու անմիջապես զգալ «պատմության շունչը»: 1988թ. ՅՈՒՆԵՍԿՈ-ի կողմից Բուդայի ամրոցն իր շրջակայքով հայտարարվել է համաշխարհային պատմական ժառանգության մաս:

ԴԱՆՈՒԲԻ ԱՌԱՓՆՅԱ ՓՈՂՈՑՆԵՐԸ

Քաղաքի երկու մասերն էլ` Բուդան և Պեշտը, նայում են Կենտրոնական Եվրոպայի ամենաերկար գետին` Դանուբին: Գետի շնորհիվ հունգարական մայրաքաղաքը ընդգրկված է 8 երկրների ջրային համակարգի մեջ և համարվում է խոշոր նավահանգիստ:

Պեշտում է գտնվում հայտնի Դունակորզո առափնյան, որտեղից չքնաղ տեսարան է բացվում: Շղթայական և Էրջեբեթ կամուրջների միջև ընկած առափնյա հատվածը փակ է երթևեկության համար և նախատեսված է բացառապես անցորդների համար:

Դանուբի Պեշտ առափնյան զարդարում էր շքեղատես հյուրանոցների մի շարք, որն ավերվել է երկու համաշխարհային պատերազմների տարիներին: Այսօր կառուցվել են նոր շենքեր: Բուդայում, Դանուբի վրա բարձրանում են Բուդայի ամրոցն ու Հելլերտ լեռը: Բուժիչ աղբյուրների ջրերն օգտագործելու նպատակով լեռան ստորոտի և գետի միջև հնուց կառուցված լողարան-ջրաբուժարանները այսօր էլ բաց են այցելուների առաջ:

ՔԱՂԱՔ-ԱՌՈՂՋԱՐԱՆ

Երկրի ընդերքում` քաղաքի տակ, գտնվում է թեքված դոլոմիտի շերտ, որի խոռոչներում կուտակվում են ստորերկրյա տաք բուժիչ ջրեր: Այս առանձնահատկությունը ևս չի վրիպել կելտերի ուշադրությունից: Ավելի ուշ հռոմեացիներն այստեղ կառուցել են իսկական քաղաք-առողջարան` 10 ընտիր լողարաններով:

Այսօր լողարաններին կից ստեղծվել են բուժարաններ, որտեղ աշխատում են մասնագետ-հանքաջրաբույժներ: Ստորերկրյա տաք ջրերը պարունակում են մեծ քանակությամբ կրաքար, ծծումբ, մագնեզիում և ռադիում, որոնք օգտագործվում են հոդացավային, սիրտ-անոթային, գինեկոլոգիական և այլ հիվանդությունների բուժման ժամանակ: Ոչ միայն հունգար պատմաբանները, այլև զբոսաշրջիկներն իրենց ճանապարհորդական նոթերում հիացմունքով են հիշում քաղաքի մասին:

Բուդապեշտն առասպելական քաղաք է, և մեկ անգամ տեսնողն այլևս այն չի մոռանա...

Հարցեր, պատասխաններ, մեկնաբանություններ