ԵՊԲՀ. Բժշկագիտության մեջ մեծ ավանդ ունեցած հայ կանայք (մաս 2)

Սիրելի՛ համալսարանականներ, ձեր ուշադրությանն ենք ներկայացնում բժշկագիտության մեջ մեծ ավանդ ունեցած ևս 10 հայ կին գիտնականի անուն:

Նախորդ դարում ապրած և մասնագիտական լայն գործունեություն ծավալած կանայք Հայաստանում բժշկագիտության տարբեր ճյուղերի զարգացման գործում կարևոր նշանակություն ունեն:

Ստորև կարող եք կարդալ նրանց անցած ուղու, ձեռքբերումների և այլ կարևոր  փաստերի մասին:

Ստելլա Վարդանյան, բժիշկ-պատմաբան, բժշկական գիտությունների դոկտոր, պրոֆեսոր:

1958թ. ավարտել է Երևանի բժշկական ինստիտուտը:

Գիտական գործունեությունը նվիրված է ուռուցքաբանության և Հայաստանի բժշկության պատմության տարբեր հարցերի, ինչպես նաև հայկական ավանդական բժշկության փորձի արդի կիրառման հեռանկարներին:

Լիլիա Վարդանյան, անատոմ, բժշկական գիտություների դոկտոր, պրոֆեսոր:  1944թ. ավարտել է Երևանի բժշկական ինստիտուտը:

Գիտական գործունեությունը նվիրված է նորմայում և պաթոլոգիայում ուղեղի անոթների և պատյանների հետազոտությանը:  Լիլիա Վարդանյանն առաջին անգամ օգտագործել է ուղեղի անոթների  և պատյանների ուսումնասիրության համար պոլիքրոմ ներկման յուրօրինակ մեթոդը իր մոդիֆիկացիայով:

Դիանա Գևորգյան, բժիշկ-կենսաքիմիկոս, կենսաբանական գիտությունների դոկտոր, պրոֆեսոր:

Բժշկական ինստիտուտի 1959թ. շրջանավարտ է:

Գիտական գործունեությունը նվիրված է շաքարախտի և հիպոգլիկեմիայի ժամանակ նյութափոխանակության պաթոքիմիայի, լիպիդների գերօքսիդացման և հակաօքսիդային դերի ուսումնասիրությանը:

Վալենտինա Ներսիսյան, իմունոլոգ, բժշկական գիտությունների դոկտոր:

1949թ. ավարտել է Երևանի բժշկական ինստիտուտը:

Իմունոտրանսֆուզիոլոգիային, իմունոռեպրոդուկցիայի, իմունոգենետիկայի, անտրոպոլոգիայի հարցերի ուսումնասիրության է ուղղել իր գիտական աշխատանքները:

Ալլա Հովհաննիսյան,  ակնաբույժ, բժշկական գիտությունների դոկտոր:

1978թ. ավարտել է Երևանի բժշկական ինստիտուտը:

Գիտական ուղին նվիրված է աչքի ներսի անոթների ռեակտիվության հարցերին հակագլաուկոմային վիրահատությունների արդյունքների կանխատեսմանն և դեղամիջոցային շտկմանը:

Վարդուհի Կարապետյան ինֆեկցիոնիստ, բժշկական գիտությունների դոկտոր, պրոֆեսոր, ՀԽՍՀ վաստակավոր բժիշկ:

1935թ. է ավարտել է բժշկական բուհը:

Հայսատանում երկրամասային ախտաբանության ուսումնասիրություններ է կատարել` մալարիայի, որովայնային տիֆի, վիրուսային հեպատիտի, լեյշմանիոզի և այլ հիվանդությունների պաթոգենեզի, կլինիկայի, բուժման, կանխարգելման հարցերին:

Հայկանուշ Մարգարյան միջատաբան, բժշկական գիտությունների դոկտոր:

ԵՊՀ բժշկական ֆակուլտետի շրջանավարտ է: Գործունեությունը նվիրված է երեխայի մոտ լյամբլիոզի ախտածագման, բուժման, կանխարգելման, ինչպես նաև հանրապետության տարբեր կլիմայաաշխարհագրկան շրջաններում ասկարիդոզի տարածվածության ուսումնասիրությանը:

Անահիտ Միրզաբեկյան  միկրոկենսաբան, բժշկական գիտությունների դոկտոր, պրոֆեսոր, ՀԽՍՀ վաստակավոր բժիշկ:

Ծնվել է Սիսիանի շրջանի Բնունիս գյուղում: 1929թ.  ավարտել է Երևանի բժշկական ինստիտուտը:

Աշխատանքներում անդրադարձել է երկրամասային ախտաբանության հարցերին: Ուսումասիրել է չափահասների և երեխաների շրջանում առավել տարածված և քիչ ուսումնասիրված ինֆեկցիոն հիվանդություններից որովայնային տիֆը, պարոտիտը, բակտերիալ դիզենթերիան, սալմոնելոզը, բրուցելյոզը, դիֆթերիան, ստաֆիլոկոկային ինֆեկցիաները:

Արուսյակ Մնացականյան հիգիենիստ, բժշկական գիտությունների դոկտոր, պրոֆեսոր, ՀԽՍՀ վաստակավոր բժիշկ:

Երևանի բժշկական ինստիտուտն ավարտել է 1944 թվականին:

Արդյունաբերական ձեռնարկությունների արտանետումներով կենսոլորտի աղտոտման և բնակչության առողջության և կյանքի սանիտարական պայմանների վրա դրանց ազդեցության ու կենսոլորտի աղտոտումների նորմավորման հարցերի  ուսումնասիրությանն են ուղղված եղել մասնագիտական:

Աստղիկ Բադալյան (1896-1977), համաճարակաբան, բժշկական գիտությունների դոկտոր, պրոֆեսոր, ՀԽՍՀ վաստակավոր բժիշկ:

Ծնվել է Նախիջևան քաղաքում: 1927թ. ավարտել է ԵՊՀ բժշկական ֆակուլտետը:

Հետազոտել է համաճարակաբանության և հելմինտոլոգիայի ընդհանուր հարցերը:

Հարցեր, պատասխաններ, մեկնաբանություններ