Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

Շարունակական մասնագիտական զարգացման գործընթացը Հայաստանում. Սամվել Սողոմոնյան. Սալուտեմ ամսագիր

Շարունակական մասնագիտական զարգացման գործընթացը Հայաստանում. Սամվել Սողոմոնյան. Սալուտեմ ամսագիր

Բժշկության ոլորտում ամենաքննարկվող թեմաներից մեկի` շարունակական մասնագիտական զարգացման ընթացքի, խնդիրների, ձեռքբերումների մասին «ՍԱԼՈՒՏԵՄ» պարբերականը զրուցել է Առողջապահական իրավունքի միջազգային կենտրոնի ղեկավար Սամվել Սողոմոնյանի հետ։


Դեռևս 2015 թվականին ՀՀ առողջապահության նախարարությունը (ԱՆ) որոշում կայացրեց, որ խորհրդային տարիներից ժառանգություն մնացած բուժաշխատողների կատարելագործման, վերապատրաստուման մոդելից անցնենք շարունակական մասնագիտական զարգացման (ՇՄԶ) կրեդիտային համակարգին, որը գործում էր և շարունակում է գործել աշխարհի զարգացած բժշկական համակարգ ունեցող գրեթե բոլոր երկրներում։ Չունենալով կրեդիտային համակարգ` մենք պարզապես դուրս էինք մնում բուժաշխատողների մասնագիտական զարգացման եվրոպական և հյուսիսամերիկյան միջավայրից, իսկ այդ ոլորտում արմատական փոփոխություններ նախաձեռնելը ժամանակի հրամայականն էր:  Ի վերջո,  առողջապահության նախարարությունը նախաձեռնեց օրենսդրական փոփոխություններ, որոնք ուժի մեջ մտան 2015-ից:


«Բնակչության բժշկական օգնության և սպասարկման մասին» օրենքում կատարվեցին համապատասխան փոփոխություններ, սահմանվեցին բուժաշխատողների ՇՄԶ)սկզբունքները, և առաջին անգամ ներդրվեց բուժաշխատողների հավաստագրումը։ Տեսլականն էր, որ ամենաուշը 2021-ի հունվարի 1-ից Հայաստանի բոլոր բուժաշխատողները լինեին հավաստագրված, ինչը փաստացի կփոխարիներ բուժաշխատողների լիցենզավորմանը: Հաջորդիվ` հինգ տարին մեկ անգամ, բժիշկներն ու բուժքույրերը կրկին պետք է հավաստագրվեին, հակառակ դեպքում աշխատել չէին կարողանա։


Եկավ 2021-ը, և պարզ դարձավ, որ, ցավոք, նախարարությունը չի հաստատել բուժաշխատողների հավաստագրման կարգը և չկա հավաստագրված որևէ բուժաշխատող։ Ուստի օրենսդրական նոր փոփոխությունների արդյունքում գործընթացը հետաձգեց մինչև 2023-ի հունվարի 1-ը։


- Խոսենք ձեռք բերված արդյունքներից:


- Կրեդիտային համակարգն, առաջին հերթին, բուժաշխատողներին տվեց նոր հնարավորություններ. իրենց մասնագիտական վերապատրաստումները կազմակերպելու` առանց հինգ տարին մեկ անգամ յոթշաբաթյա վերապատրաստում անցնելու, որի պարագայում որակը, մեղմ ասած, կասկածելի էր, երբեմն նույնիսկ` ձևական բնույթի։ Կրեդիտային համակարգը ներդնելով՝ բուժաշխատողներին հնարավորություն տրվեց զերծ մնալ նման վերապատրաստումներից, հաճախել տեղական և միջազգային կոնգրեսների, կոնֆերանսների, զբաղվել բժշկագիտությամբ, հրապարակել հոդվածներ, հաճախել առցանց սեմինարների և իրենց կրթական ակտիվության համար ստանալ կրեդիտներ։ Բժիշկները հինգ տարվա ընթացքում պետք է 220 կրեդիտ հավաքեին հաջորդ հինգ տարվա գործունեությունը ծավալելու հավաստագիր ստանալու համար: Մինչև օրենքի ընդունումը մեր բուժաշխատողները, որոնք արտասահմանում վերապատրաստվում էին, մասնակցում էին տարբեր միջոցառումների և կրեդիտներ ստանում, փաստացի չէին կարողանում այդ կրեդիտներն օգտագործել Հայաստանում: Անգամ, եթե, օրինակ, Վիեննայի համալսարանական հիվանդանոցում վերապատրաստվեր բժիշկը, միևնույն է, նրան պարտադրում էին կրկին վերապատրաստում անցնել Հայաստանում: Ներկայում բուժաշխատողներն ավելի ու ավելի են կարևորում կրեդիտներ հավաքելու գործընթացը։ Շատ բժիշկներ, որոնք արդեն հասցրել են հավաքել 220 կրեդիտ, զերծ են մնացել յոթշաբաթյա վերապատրաստման հաճախելու պարտադրանքից։


- Ինչպե՞ս է իրականացվում բժշկի շարունակական կրթությունը ներկայում:


- Քանի որ, համավարակով պայմանավորված, մեկուսացման միջոցառումները մեղմվել են, արդեն հնարավորություն կա մասնակցելու օֆլայն սեմինարների և կոնգրեսների` չբացառելով նաև օնլայն միջոցառումները։


- Ինչպե՞ս են կազմակերպիչները կրեդիտավորում իրենց միջոցառումները:


- Գործընթացը հետևյալն է: Օրենքով սահմանվել են, թե որ կազմակերպություններն իրավունք ունեն կրեդիտավորվող միջոցառումներ անցկացնել։ Մասնավորապես, դրանք բժշկական հասարակական, գիտակրթական կազմակերպություններն են` բժշկական համալսարանը, ԱՆ Առողջապահության ազգային ինստիտուտը և այլն։ Օրենքն արգելում է շահույթ հետապնդող (դեղագործական, բժշկական սարքեր ներկրող ու վաճառքով զբաղվող) ընկերությունների կողմից կազմակերպվող միջոցառումներին ՇՄԶ տրամադրել։ Մեր կրեդիտավորման ամբողջ համակարգը գրեթե նույնությամբ կրկնում է Եվրամիության համանուն կարգավորումները, որովհետև մեր տեսլականը եվրոպական կըրթական համակարգին ինտեգրվելն է։


- Գործո՞ւմ է հավաստագրման կենտրոնացված համակարգ:


- Այո։ ՇՄԶ ամբողջ գործընթացն իրականացվում է Առողջապահության ազգային ինստիտուտում գործող Մասնագիտական գնահատման և հավաստագրման ազգային կենտրոնում։ Կառույցն ունի ղեկավար, մասնագիտական թիմ, որոնք ընդունում են կրեդիտավորման հայտերը: Յուրաքանչյուր հայտի անհրաժեշտ փաստաթղթերն ուսումնասիրելիս որոշում են, թե տվյալ միջոցառմանը մասնակցելու համար քանի կրեդիտ է շնորհվում։ Կրեդիտների շնորհման հրամանը հաստատվում է ԱՆ կողմից, և հաստատման պահից կրեդիտը համարվում է հավաստի։ Կրեդիտավորման համար հաշվարկվում է միջոցառման այն ժամանակահատվածը, որի ընթացքում հմտություն ու գիտելիք են ստացել` բացառելով սուրճի ընդմիջումները, բացման խոսքերը և այլն։ Ժամանակի հաշվարկումից զատ, օրենքով և նախարարի հրամանով կարգավորված են նաև այլ սկզբունքներ` միջոցառումներին վերաբերող նվազագույն պահանջներին բավարարելը, բանախոսների գիտական աստիճանը, կոչումը, ստաժը և այլն։


- Հայաստանում մասնագետների կրեդիտներ հավաքելու ի՞նչ տարբերակներ կան, և տարբերակներն այլընտրանքայի՞ն են:


- Հավաստագրման գործընթացում հաշվարկվում են բժշկի հիմնական մասնագիտությանը վերաբերող գիտելիքները` բնավ չարգելելով ստանալ նաև գիտելիքներ հարակից մասնագիտությունների ոլորտում։ Կրեդիտները հավաքվում են բժշկագիտական հեռավար և օֆլայն միջոցառումների մասնակցությունից, գիտական հոդվածների հրապարակումից, վարպետաց դասերի, սեմինարների մասնակցությունից և այլն: Անհրաժեշտ է հավաքագրել երեք տեսակի կրեդիտներ ՝ տեսական, գործնական և ինքնակրթության:


 - Շարունակական մասնագիտական զարգացմանն առնչվող խնդիրներն անընդհատ քննարկվում են: Եթե քննարկումները շատ են, ուրեմն գործընթացը դեռ հստակեցման կարի՞ք ունի:


- Քննարկումները շատ են մի քանի պատճառով: Ցավոք, առ այսօր պետական որոշ կառույցներ` հատկապես Առողջապահական և աշխատանքի տեսչական մարմինը, որը առողջապահության համակարգում վերահսկողություն է իրականացնում, երբեմն ամբողջությամբ ծանոթ չեն այս դաշտում Հայաստանում գործող օրենսդրությանը։ Նրանք անհիմն տարբեր պահանջներ են ներկայացնում ավագ և միջին բուժանձնակազմին, մասնավորապես` վերապատրաստումների ժամկետներին վերաբերող։ Ոմանք երբեմն հայտարարում են, որ կրեդիտները դեռ չեն գործում Հայաստանում, ինչը հեռու է իրականությունից։ Ցավով եմ նշում, որ բուժաշխատողների մոտ ՇՄԶ մոդելի հանդեպ թերահավատության պատճառներից մեկը ոչ կոմպետենտ պետական ծառայողներն են։


- Ի՞նչը կփոխեիք մեր երկրում գործող ՇՄԶ համակարգում:


- Համակարգն ավելի ակտիվ կդարձնեի: Կփորձեի ուժեղացնել բժշկական մասնագիտական ասոցիացիաների դերը, քանի որ ամբողջ աշխարհում մասնագիտական միջոցառումների թիվ մեկ կազմակերպիչը հենց ասոցիացիաներն են։ Այդ դերը ուժեղացնելու հստակ մեկ ճանապարհ կա. անհրաժեշտ է բժշկական մասնագիտական ասոցիացիաներին պատվիրել պետական որոշ գործառույթներ: ԱՄՆ-ում նույնիսկ բուժաշխատողների լիցենզավորումը և շատ այլ գործառույթներ վերապահված է նրանց։


Հուսանք, որ շուտով տեսլականը կիրականանա:


«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
magazinesalutem@gmail.com
+(374) 91 64 10 15
+(374) 98 79 15 15

Սկզբնաղբյուր. «Սալուտեմ» առողջ ապրելակերպի ամսագիր, N1
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Իմ պացիենտներն իմ հարազատներն են. Հայկ Բալայան. «Արամյանց» ԲԿ
Իմ պացիենտներն իմ հարազատներն են. Հայկ Բալայան. «Արամյանց» ԲԿ

Վիրաբուժությունը երկար ու դժվար ուղի է: Բժշկական գիտելիքներից ու վիրաբուժական ունակություններից բացի այստեղ պահանջվում են ուժեղ կամային հատկություններ, համբերություն ու սեր մասնագիտության հանդեպ...

Սրտաբանի մոտ խորհրդատվության ժամանակ. nairimed.com
Սրտաբանի մոտ խորհրդատվության ժամանակ. nairimed.com

«Նաիրի» բժշկական կենտրոնի սրտաբանների կողմից մշտապես հսկվում են ամենատարբեր սրտաբանական խնդիրներ ունեցող պացիենտներ (առիթմիաներ, զարկերակային գերճնշման խնդիրներ, սրտամկանի կաթված...

Սրտանոթաբանություն Բժշկի ընդունարանում
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2

Մեր զրուցակիցն է ԵՊԲՀ Ընտանեկան բժշկության ամբիոնի վարիչ, բժշկագիտության դոկտոր, պրոֆեսոր Միքայել Նարիմանյանը...

Բժշկի ընդունարանում Սալուտեմ 2.2021
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2

Մեր զրուցակիցն է ՀՀ ԱՆ նյարդաբանության գծով խորհրդատու, Առողջապահության ազգային ինստիտուտի Նյարդաբանության և նեյրովիրաբուժության ամբիոնի վարիչ, նյարդաբան, սոմնոլոգ Սամսոն Խաչատրյանը.:...

Բժշկի ընդունարանում Սալուտեմ 2.2021
Աշխատանքային գործընկերներից՝ մարտական ընկերներ. Սալուտեմ ամսագիր №2
Աշխատանքային գործընկերներից՝ մարտական ընկերներ. Սալուտեմ ամսագիր №2

«Ավագյան» բժշկական կենտրոնի 4 բժիշկ պատահաբար գործընկերներ դարձան նաև հոսպիտալում:
Արցախյան 44-օրյա պատերազմի ընթացքում գրեթե բոլոր բուժհաստատությունները և բուժաշխատողների...

Բժշկի ընդունարանում Սալուտեմ 2.2021
«Տեսնելով մահը՝ մենք ավելի շատ ենք գնահատում և սիրում կյանքը, որի համար պայքարում ենք անվերապահորեն». Անատոլի Գնունի. Սալուտեմ ամսագիր №2
«Տեսնելով մահը՝ մենք ավելի շատ ենք գնահատում և սիրում կյանքը, որի համար պայքարում ենք անվերապահորեն». Անատոլի Գնունի. Սալուտեմ ամսագիր  №2

Բժշկի առաքելությունը, նրա գերխնդիրը միշտ եղել և մնում է կյանքեր փրկելը։


Պատերազմի ժամանակ սակայն, սպիտակ բանակի ներկայացուցիչները, կյանքեր փրկելու իրենց առաքելությունն...

Բժշկի ընդունարանում Սալուտեմ 2.2021
Ուրույն հետք հայկական ակնաբուժության ոլորտում. Ալեքսանդր Մալայան
Ուրույն հետք հայկական ակնաբուժության ոլորտում. Ալեքսանդր Մալայան

Հուլիսի 16-ին Ս.Վ. Մալայանի անվան ակնաբուժական կենտրոնի հիմնադիր, բժշկական գիտությունների դոկտոր, պրոֆեսոր, Հայկական ժամանակակից ակնաբուժության հիմնադիր Ալեքսանդր Մալայանի ծննդյան օրն է...

«Մեր բոլորի գործը մեկ էր ու փոխկապակցված». Գևորգ Գրիգորյան. Սալուտեմ ամսագիր № 1
«Մեր բոլորի գործը մեկ էր ու փոխկապակցված». Գևորգ Գրիգորյան. Սալուտեմ ամսագիր № 1

«Շրջադարձի վրա անակնկալ հառնեց լեռան համայնապատկերը: Ես մեխվեցի տեղում, բարեգո՛ւթ Արարիչ, երբեք այսքան հստակված չէի ընկալել՝ ուրեմն ա՛յս է Արարատի երկիրը, և ժողովուրդը` Արարատի, մենք ենք…

Բժշկի ընդունարանում Սալուտեմ 1.2021
Հուշեր պատերազմի դաշտից. Տիգրան Քամալյան, Երևանի գլխավոր անոթային վիրաբույժ
Հուշեր պատերազմի դաշտից. Տիգրան Քամալյան, Երևանի գլխավոր անոթային վիրաբույժ

Տիգրան Քամալյանն անոթային վիրաբույժ է, «Վլ․Ավագյանի անվ․» բժշկական կենտրոնում է աշխատում, մի քանի գործընկեր բժիշկների հետ մասնակցել է Արցախյան  44-օրյա պատերազմին. պատմում է պատերազմում...

Բժշկի ընդունարանում
ԵՊԲՀ. Լևոն Մկրտչյանը՝ վեց տասնամյակ բժշկական համալսարանում
ԵՊԲՀ. Լևոն Մկրտչյանը՝ վեց տասնամյակ բժշկական համալսարանում

Ախտաբանական անատոմիայի և կլինիկական մորֆոլոգիայի ամբիոնի պրոֆեսոր, ՀՀ գիտության վաստակավոր գործիչ Լևոն Մկրտչյանը Հայաստանում և հայրենիքի սահմաններից դուրս հեղինակություն վայելող գիտնական է, որին ճանաչում են բժիշկների...

«…Ու փոխվեց ամեն ինչ». «Վաստակավոր բժիշկ» շարքից` Վիլեն Հակոբյան. Սալուտեմ ամսագիր
«…Ու փոխվեց ամեն ինչ». «Վաստակավոր բժիշկ» շարքից` Վիլեն Հակոբյան. Սալուտեմ ամսագիր

«Ես բնավորությամբ հանգիստ մարդ եմ ու խենթ անակնկալների սիրահար չեմ։ Բայց օրերս անակնկալի եկա...»
Մեր զրուցակիցը վաստակաշատ գիտնական ու կրթության հմուտ կազմակերպիչ, ակադեմիկոս...

Բժշկի ընդունարանում Սալուտեմ 1.2021
«Ցանկացած մարդ ամեն ինչի էլ կարող է հասնել, եթե իր առջև ունի նպատակ». Գևորգ Թամամյան. Սալուտեմ ամսագիր
«Ցանկացած մարդ ամեն ինչի էլ կարող է հասնել, եթե իր առջև ունի նպատակ». Գևորգ Թամամյան. Սալուտեմ ամսագիր

«Բժշկի մասնագիտությունն այնպիսինն է, որ մենք միշտ մահվան ու կյանքի արանքով ենք քայլում՝ բառի բուն իմաստով»։


- Բժիշկ լինելը ճակատագի՞ր է, թե կոչում...

Բժշկի ընդունարանում Սալուտեմ 1.2021
Ալեն Հովնանյան. Սալուտեմ ամսագիր
Ալեն Հովնանյան. Սալուտեմ ամսագիր

2021 թ. Հազվադեպ հիվանդությունների ուսումնասիրության եվրոպական կազմակերպության (EURORDIS) «Սև մարգարիտ» մրցանակաբաշխության մրցանակակիր...

Սալուտեմ 1.2021
«Հայ եմ՝ ոտքից գլուխ, ամբողջովին հայ եմ…» «Մասնագիտությունը՝ բժիշկ» շարքից. Հովհաննես Երոյան. armeniamedicalcenter.am
«Հայ եմ՝ ոտքից գլուխ, ամբողջովին հայ եմ…» «Մասնագիտությունը՝ բժիշկ» շարքից. Հովհաննես Երոյան. armeniamedicalcenter.am

Բժիշկ-անեսթեզիոլոգ, ներկայում «Արմենիա» ՀԲԿ անեսթեզիոլոգիայի բաժանմունքի ղեկավար Հովհաննես Մելիքի Երոյանն ինչ-ինչ հանգամանքների արդյունքում է ընտրել բժիշկ-անեսթեզիոլոգի ծանր, պատասխանատու աշխատանքը...

Բժշկի ընդունարանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ