Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

«Մասնագիտությունը` բժիշկ» շարքից` բ.գ.դ, վիրաբույժ-ուռուցքաբան Գագիկ Համբարձումյան. բժշկի համար ամենաբարձր պարգևատրումը հիվանդների գնահատանքն է. armeniamedicalcenter.am

«Մասնագիտությունը` բժիշկ» շարքից` բ.գ.դ, վիրաբույժ-ուռուցքաբան Գագիկ Համբարձումյան. բժշկի համար ամենաբարձր պարգևատրումը հիվանդների գնահատանքն է. armeniamedicalcenter.am

Վիրաբույժ-ուռուցքաբան Գագիկ Համբարձումյանը բժշկի երկար և պատվաբեր ուղի է անցել և իր մեծ ավանդն ունի բժշկագիտության վիրաբուժության ոլորտում: Նա տարբեր վիրաբուժական մեթոդների, վիրահատությունների ներդրողն է եղել հանրապետությունում, բազմաթիվ հրապարակումների հեղինակ է, մասնակցել է բազում գիտաժողովների:

Իր աշխատանքային պրակտիկան, սկսելով պատերազմական տարիներին` սահմանամերձ Մեղրիում, հետո այն շարունակելով Երևանի «Էրեբունի» բժշկական կենտրոնում, ապա Ուռուցքաբանության ազգային կենտրոնում, այժմ հրավիրվել է «Արմենիա» հանրապետական բժշկական կենտրոն և ղեկավարում է վիրաբուժական կլինիկան:

Ուռուցքաբանության ազգային կենտրոնում աշխատելու տարիներին շատ վիրահատություններ է իրականացրել. կերակրափողի լրիվ և մասնակի հեռացում ՝ վերականգնումով, ստամոքսի ամբողջական և մասնակի հեռացում, լյարդի տարբեր ծավալների բլթային մասնահատումներ, ենթաստամոքսային գեղձի տարբեր հատվածների ուռուցքային ախտահարումների դեպքում գեղձի մասնահատումներ՝ ռեկոնստրուկցիայով, կոլոպրոկտոլոգիական վիրահատություններ իրենց ամբողջ ծավալով:

Խոսենք Ձեր անցած ճանապարհի մասին:

Ծնվել եմ և սովորել Երևանում, ավարտել եմ Երևանի պետական բժշկական ինստիտուտը, որից հետո 1988-1991 թվականներին, որպես երիտասարդ մասնագետ, գործուղվել և աշխատել եմ Մեղրու մարզում, սահմանամերձ գոտում: Դրանք ծանր տարիներն էին, երբ բոլորս Արցախյան հարցով էինք անհանգիստ: Նախարար էմիլ Գաբրիելյանին խնդրեցի, որ ինձ Արցախ ուղարկեն: Նա ասաց, որ բոլորն Արցախին օգնում են, բայց Հայաստանում կա մոռացված մարզ, որտեղ վիրաբույժի կարիք կա. «Եթե այդքան հայրենասեր ես, գնա այնտեղ»:

Մեկնեցի Մեղրի և պատերազմի ու երկրաշարժի թոհուբոհի տարիներին աշխատել եմ այնտեղ որպես վիրաբույժ` զուգահեռ ապահովելով նաև անեսթեզիոլոգիական և վերակենդանացման ծառայությունները: 1992-ից` արդեն «Էրեբունի» բժշկական կենտրոնում էի, որտեղ անցա կլինիկական օրդինատուրա` պրոֆեսոր Հովհաննես Վազգենի Սարուխանյանի ղեկավարած ամբիոնում, և շարունակեցի աշխատել նույն կենտրոնում` որպես վիրաբույժ:

Դրանք բեղմնավոր տարիներ էին:  Պրոֆեսոր Սարուխանյանի հետ աշխատելը մասնագիտական աճ էր:  Պատերազմական տարիներին մեծ քանակի վիրավորներ էինք ընդունում և ապահովում նրանց առողջացումը: 2000 թվականից աշխատանքի անցա Ուռուցքաբանության ազգային կենտրոնում` որպես վիրաբույժ, իսկ 2002 թվականի հոկտեմբերից ստանձնեցի այդ ինստիտուտի որովայնային ուռուցքաբանության բաժնի վարիչի պարտականությունները` մինչև 2019-ի սեպտեմբերը:

Պրոֆեսոր Հայրո Գալստյանի ղեկավարությամբ պաշտպանել եմ թեկնածուական և դոկտորական թեզեր` նվիրված ստամոքսի քաղցկեղի բուժման արդիականացմանը, մոտակա և հեռակա արդյունքների բարե լավմանը: Ստամոքսի քաղցկեղի բոլոր ասպեկտները ուսումնասիրվեցին կուտակված փորձի, կատարված արդեն ավելի քան 600 վիրահատությունների արդյունքում: Արդյունքները ներկայացրել եմ ԱՊՀ երկրների ուռուցքաբանների մի շարք գիտաժողովներում:

Ինչո՞ւ ընտրեցիք բժշկի մասնագիտությունը:

Ծնողներս բժիշկներ չեն եղել` մայրս ուսուցչուհի էր, հայրս` ինժեներ: Ծնողներիս ծնողներն են եղել բժիշկներ: Բժիշկ դառնալու որոշմանը նպաստեց մորաքրոջս հետ կապված խնդիրը: Այդ ժամանակ 8-րդ դասարանում էի, մտածեցի, որ մարդկանց օգնելու համար պետք է բժիշկ դառնալ:

Ըստ Ձեզ, ի՞նչ հատկանիշներ են անհրաժեշտ բժշկին:

Բժիշկը պետք է լինի բարի, մարդասեր, սիրի հիվանդին, մասնագիտորեն լինի պատրաստված, պետք է ունենա բավականին մեծ գիտելիքներ` թե՛ տեսական և թե՛ գործնական, ու մշտապես կատարելագործի այդ գիտելիքները:

Բժիշկը պետք է լինի համբերատար, ամեն օր կարողանա հաստատել բժշկի իր կոչումը: Նա չպետք է տարվի աստղային հիվանդությամբ, և մեկանգամյա հաջողությունը չընդունի որպես ապահովվածություն ամբողջ կյանքում: Բժիշկ, մասնավորապես` վիրաբույժ դառնալ, նշանակում է ամբողջ կյանքում պատրաստ և ունակ լինել էքստրեմալ պայմաններում ճշգրիտ որոշումներ կայացնելու, որոշումներ, որոնցից կախված են մարդկային կյանքեր:  Վիրաբույժը պետք է ունենա լիդերի հատկություններ և առաջնորդի իր վիրաբուժական թիմին թե՛ վիրահատարանում` վիրահատության պահին, թե՛ նախա և հետվիրահատական գործունեության ամբողջ ընթացքում:
 
Ինչպիսի՞ գնահատանքների եք արժանացել:

Պարգևատրումներ ունեցել եմ նախարարության կողմից: Սակայն բժշկի համար ամենամեծ և ամենաբարձր պարգևատրումը հիվանդների գնահատանքն է:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

«Մասնագիտությունը՝ բժիշկ» շարքից. հնդիկ հայ բժիշկը` ինտերվենցիոն սրտաբան Արու Տամբա. armeniamedicalcenter.am
«Մասնագիտությունը՝ բժիշկ» շարքից. հնդիկ հայ բժիշկը` ինտերվենցիոն սրտաբան Արու Տամբա. armeniamedicalcenter.am

«…արդեն 20 տարի է՝ այստեղ եմ ապրում, և այդ տարիների ընթացքում ես արդեն կարծես հայ եմ դարձել»
Հնդիկ բժիշկ Արու Տամբան ընտրել է բարդ, բայց չափազանց կարևոր` ինտերվենցիոն սրտաբանի...

Բժշկի ընդունարանում
Կյանքը ինքնին հրաշք է. հարցազրույց Ակսել Լեոնիդի Իսկանդարյանի հետ. armeniamedicalcenter.am
Կյանքը ինքնին հրաշք է. հարցազրույց Ակսել Լեոնիդի Իսկանդարյանի հետ. armeniamedicalcenter.am

«Կյանքի ամբողջ վայրիվերումներում՝ հաջողություններում, անհաջողություններում, միայն մի բան է իմ մեջ միշտ ներկա եղել. ցանկացած իրավիճակում պետք է մարդ մնալ»,- սա է Կրթության միջազգային ակադեմիայի...

Բժշկի ընդունարանում
Զրույց «Արմենիա» ԲԿ վիրաբուժության փոխտնօրեն Աշոտ Կուրղինյանի հետ. armeniamedicalcenter.am
Զրույց «Արմենիա» ԲԿ վիրաբուժության փոխտնօրեն Աշոտ Կուրղինյանի հետ. armeniamedicalcenter.am

«Եթե մեր երկիրը, մեր պետությունը, մեր համակարգը կարողանար մարզերը  հետաքրքիր դարձնել երիտասարդների համար,  հսկայական քայլ արած կլինեինք առողջապահական խնդիրները լուծելու ճանապարհին»...

Բժշկի ընդունարանում
ՀՀ ԱՆ. Առաջին բժիշկ ազգային հերոսը
ՀՀ ԱՆ. Առաջին բժիշկ ազգային հերոսը

Տարեսկզբին առողջապահության նախարար Արսեն Թորոսյանը խնդրել էր վարչապետին առաջարկել նախագահին առողջապահության զարգացման գործում Հայաստանի Հանրապետությանը...

Այն երիտասարդը, որ հայկական անձնագիր կը կրէ, պէտք է ծառայէ Հայոց բանակին մէջ. Տօքթ. Ռաֆֆի Ճանէցեանղ arevelk.am
Այն երիտասարդը, որ հայկական անձնագիր կը կրէ, պէտք է ծառայէ Հայոց բանակին մէջ. Տօքթ. Ռաֆֆի Ճանէցեանղ arevelk.am

«Արեւելք»ի հարցումներուն կը պատասխանէ հալէպահայ եւ երկար ժամանակէ ի վեր Հայաստան հաստատուած բժիշկ Ռաֆֆի Ճանէցեան...

ԼՂՀ ԱՆ. Հրաժեշտից առաջ
ԼՂՀ ԱՆ. Հրաժեշտից առաջ

Սիրելի  հայրենակիցներ,

Այսօրվանից դադարեցնում եմ Արցախի Հանրապետության առողջապահության նախարարի լիազորությունների կատարումը...

Հայազգի պրոֆեսորը ԱՄՆ-ում բժշկության մեջ ունեցած ներդման համար պատվավոր մրցանակ է ստացել
Հայազգի պրոֆեսորը ԱՄՆ-ում բժշկության մեջ ունեցած ներդման համար պատվավոր մրցանակ է ստացել

Հայաստանի Օստեոպորոզի կենտրոնի հիմնադիր պրոֆ. Ջոն Բիլեզիկյանը ԱՄՆ-ում ստացել է Վիլյամ Ֆ. Նեյմանի անվան պատվավոր մրցանակը: Այս մրցանակը շնորհվում է ոսկրամկանային համակարգի  դիագնոստիկայի և բուժման...

ԵՊԲՀ. Մի՛ վախեցեք տարբերվել, մի՛ խուսափեք պատասխանատվությունից, մի՛ ընկճվեք դժվարություններից. հորդորում է ԵՊԲՀ երիտասարդ գիտնականը
ԵՊԲՀ. Մի՛ վախեցեք տարբերվել, մի՛ խուսափեք պատասխանատվությունից, մի՛ ընկճվեք դժվարություններից. հորդորում է ԵՊԲՀ երիտասարդ գիտնականը

Գիտությունը բժշկական համալսարանի առանցքային և ամենակարևոր ուղղություններից է, առանց որի հնարավոր չէ պատկերացնել որևէ բարձրագույն կրթական հաստատության առաջընթացը։ ԵՊԲՀ գիտական ոլորտում տասնամյակներ շարունակ...

ԵՊԲՀ. Համավարակի առաջին օրվանից առաջնագծում պայքարող հոգով զինվորական, մասնագիտությամբ բժիշկ Կառլեն Սարգսյանը
ԵՊԲՀ. Համավարակի առաջին օրվանից առաջնագծում պայքարող հոգով զինվորական, մասնագիտությամբ բժիշկ Կառլեն Սարգսյանը

ԵՊԲՀ ինֆեկցիոն հիվանդությունների ամբիոնի օրդինատոր Կառլեն Սարգսյանն այսօր էլ առաջնագծում է: Ապրիլյան պատերազմին պատվով իր առաքելությունը  կատարած բժիշկը կորոնավիրուսային համավարակի առաջին օրվանից բժշկի իր...

Եվրոպայում ամենամեծ Բիոբանկի հիմնադիր ԵՊԲՀ շրջանավարտի խորհուրդը՝ «Երբեք չհանձնվել եվ միշտ սովորել»
Եվրոպայում ամենամեծ Բիոբանկի հիմնադիր ԵՊԲՀ շրջանավարտի խորհուրդը՝ «Երբեք չհանձնվել եվ միշտ սովորել»

Երևանի Մխիթար Հերացու անվան պետական բժշկական համալսարանի շրջանավարտ Կարինե Սարգսյանը Եվրոպայում ամենամեծ Բիոբանկի հիմնադիրն է, որտեղ կան 20 միլիոնից ավելի նմուշներ: Եվ սա 44-ամյա մանկաբույժի, հետազոտող բժշկի...

«Մասնագիտությունը՝ բժիշկ» շարքից` Դավիթ Պատրիկյան. «Ուզում եմ, որ ժողովուրդը բժշկին ճիշտ հասկանա. նա իր բարեկամը, իր ընկերն է». armeniamedicalcenter.am
«Մասնագիտությունը՝ բժիշկ» շարքից` Դավիթ Պատրիկյան. «Ուզում եմ, որ ժողովուրդը բժշկին ճիշտ հասկանա. նա իր բարեկամը, իր ընկերն է». armeniamedicalcenter.am

Գիտության նվաճումները վերջին տարիներին մեծ հնարավորություններ են տվել բժշկին: Ինչպես եք գնահատում բժշկության վիճակը նախկինում և հիմա...

Բժշկի ընդունարանում
«Մասնագիտությունը` բժիշկ» շարքից` Վիրաբ Մանուկի Աղաբեկյան. armeniamedicalcenter.am
«Մասնագիտությունը` բժիշկ» շարքից` Վիրաբ Մանուկի Աղաբեկյան. armeniamedicalcenter.am

Մեր զրուցակիցն է «Արմենիա» հանրապետական բժշկական կենտրոնի անոթային վիրաբուժության կենտրոնի ղեկավար Վիրաբ Աղաբեկյանը:

- Բժիշկ դառնալը մանկության օրերի երազանք էր` հատկապես վնասվածք ստացած մարդկանց օգնելու մեծ ցանկությունը...

Բժշկի ընդունարանում
Նյարդավիրաբուժական ծառայությունը «Արմենիա» ՀԲԿ-ում. հարցազրույց նյարդավիրաբուժական բաժանմունքի վարիչ, բ.գ.թ., դոցենտ Դավիթ Պատրիկյանի հետ. armeniamedicalcenter.am
Նյարդավիրաբուժական ծառայությունը «Արմենիա» ՀԲԿ-ում. հարցազրույց նյարդավիրաբուժական բաժանմունքի վարիչ, բ.գ.թ., դոցենտ Դավիթ Պատրիկյանի հետ. armeniamedicalcenter.am

Ի՞նչ հիվանդություններ են բուժում բաժանմունքում:

«Արմենիա» ՀԲԿ-ի նյարդավիրաբուժական բաժանմունքը այդ մասնագիտության գծով հանրապետության ամենահին...

Բժշկի ընդունարանում Բժշկական կազմակերպություններ և կենտրոններ
«Պետք էր, գնացինք»․ հիշում են Արցախյան պատերազմի մասնակից բժիշկները. oncology.am
«Պետք էր, գնացինք»․ հիշում են Արցախյան պատերազմի մասնակից բժիշկները. oncology.am

«Եթե կորոնավիրուսը չլիներ, մենք այսօր Երևանում չէինք լինի։ Ամեն տարի այս օրը մենք անցկացնում էինք Արցախում, այցելում մեր կորցրած ընկերների շիրիմները, անհայտ զինվորի գերեզմանը», - ասում է Ուռուցքաբանության ազգային կենտրոնի...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ