Ճշգրիտ ախտորոշումը` արդյունավետ բուժման գրավական. «ԷԿՈՍԵՆՍ» կենտրոնների ցանցի հիմնադիր տնօրեն Ինեսսա Նազարյան

«ԷԿՈՍԵՆՍ» ախտորոշիչ կենտրոնն առաջարկում է հետազոտությունների լայն շրջանակ: Լաբորատոր հետազոտություններից զատ այստեղ իրականացվում են նաև գործիքային հետազոտություններ: Այդ մասին մեզ հետ զրույցում ներկայացրեց «ԷԿՈՍԵՆՍ» կենտրոնների ցանցի հիմնադիր տնօրեն Ինեսսա Նազարյանը:  

 «Կոմիտաս 37/1 հասցեում գործում է ևս մեկ կենտրոն, որտեղ ներկայացված են նաև գործիքային հետազոտությունները: Այստեղ կատարում են ՈՒՁՀ, դոպլեր, դուպլեքս անոթների հետազոտություններ և  ֆիբրոսքան, որն ապահովում է եզակի հետազոտություն Հայաստանում: Այս սարքի միջոցով որոշվում է լյարդի ֆիբրոզի աստիճանը: Նախկինում նման հետազոտություն իրականացնելու համար հարկ էր կատարել բիոփսիա, որը ցավոտ վիրահակատան միջամտություն է: Ֆիբրոսքանը ձայնային հետազոտություն է և բացարձակ անցավ է պացիենտի համար:  Րոպեների ընթացքում կարող ենք ստանալ մեծածավալ տեղեկատվություն»:

Տիկին Նազարյանը նշեց, որ կենտրոնում գործում է նաև գինեկոլոգի, ռևմատոլոգի ինչպես նաև սրտաբանի կաբինետ` հագեցած նորագույն սարքավորումներով: Սրտաբանի ծառայությունները ներառում է էլեկտրասրտագրություն (ԷՍԳ), էխոսրտագրություն, ծանրաբեռնվածության թեստ (թրեդմիլ), Հոլտեր մոնիտորավորում (ԷՍԳ շարունակական գրանցում հատուկ սարքի միջոցով), որը հնարավորություն է տալիս հայտնաբերել սրտի ռիթմի խանգարումները»:

Զրուցակցի փոխանցմամբ՝ ախտորոշիչ կենտրոնում ընդլայնվել է նաև լաբորատոր հետազոտությունների ծավալը. «Սովորական հետազոտություններից զատ, որոնք ներառում են կլինիկական, կենսաքիմիական, սերոլոգիական, իմունոլոգիական հետազոտությունները, հղիության սքրինինգը, մանրէաբանական և ճիճվակրության նկատմամբ հետազոտությունը, կատարվում են նաև յուրահատուկ գենետիկական հետազոտություններ, ինչպես օրինակ` թրոմբոֆիլիաների հայտնաբերումը հղիության ժամանակ, ինչը լուրջ խնդիր է»: 

Տիկին Նազարյանը փաստում է, որ ազգաբնակչությունը սկսել է ուշադրություն դարձնել սեփական առողջությանը. «Ի ուրախություն նշեմ, որ մեր ազգաբնակչության կողմից կանխարգելիչ հետազոտությունների ակտիվությունն է բարձրացել: Կարծում եմ պատճառներից են առողջ ապրելակերպի և կանխարգելիչ հետազոտությունների քարոզչական տեղակատվության ակտիվությունը և առողջ մրցակցային ֆոնին ազգաբնակչության համար հետազոտությունների մատչելիությունը: Կանխարգելիչ նպատակների համար հետազոտության դիմողների թիվն արդեն գերազանցում է հիվանդությունների ախտորոշման համար դիմած պացիենտներին: Բոլորիս է հայտնի, որ ավելի հեշտ է կանխարգելել հիվանդությունը, քան բուժել այն»:

Խոսելով նոր հետազոտության մեթոդների ներդրման մասին, ախտորոշիչ կենտրոնի տնօրենը կարևորեց. «Մի համոզմունք ունեմ, որ բարձրորակ բժշկության և ճշգրիտ հետազոտության հասնելու համար բուժկենտրոնը պետք է ապահովված լինի առաջատար լավագույն արտադրողների կողմից առաջարկվող սարքավորումներով, ընդ որում` վերջին սերնդի: Եթե նախկինում ունեինք ՈՒՁՀ սարք, որը ցույց էր տալիս ընդամենը մեկ պատկեր, ապա այսօր մենք ստանում ենք 3D և 4D հետազոտության պատկեր, ինչը հնարավորություն է տալիս առավել ճշգրիտ հետազոտությունների արդյունք ստանալ: Իհարկե, միայն ժամանակակից սարքավորումը չէ, որ կարևորվում է, միանշանակ, մասնագետի դերակատարումն անփոխարինելի է: Միայն այդ համադրությունը կարող է ապահովել բարձրորակ, ճշգրիտ հետազոտության արդյունքներ, և, հաջորդիվ` արդյունավետ բուժման կազմակերպում»: 

Ինեսսա Նազարյանը զրույցի ընթացքում նշեց, որ կենտրոնի մասնագետները տարին մեկ կամ երկու անգամ արտերկրում անցնում են վերապարտում. «Մեր կենտրոնի նեղ մասնագետներն աշխատել կամ վերապատրաստվել են արտերկրի լավագույն առաջատար կլինիկաներում: Բաց չենք թողնում նաև հնարավոր բոլոր սեմինարներն ու կոնֆերանսները, որպեսզի տեղեկացված լինենք բոլոր նորություններին: Մենք որդեգրել ենք սկզբունք. արտերկրում բոլոր նորամուծություններն ինտեգրել և պահպանել «ԷԿՈՍԵՆՍ-ն առաջատարն է Հայաստանում» նշանաբանը»: 

Զրույցի վերջում տիկին Նազարյանը պատմեց բոլորովին վերջերս կենտրոնում ներդրված  Check Up  ծրագրի մասին: Այն կանխարգելիչ հետազոտությունների փաթեթ է` ցուցված երկու տարին մեկ անգամ 30-նն անց և տարին մեկ անգամ` 40-նն անց անձանց համար: Այն թույլ է տալիս գնահատել ռիսկերը, հայտնաբերել դեռևս աննկատելի առողջական խնդիրները և կանխարգելիչ քայլեր ձեռնարկել:

Նախկինում նման ծառայություն չկար, ինչի համար արտերկիր էին մեկնում: Ներկայում մենք առաջարկում ենք Check Up  տարբեր փաթեթներ` մրցունակ գներով, ինչն իրականացվում է երկու օրվա ընթացքում: Առաջին օրը թերապևտի խորհրդատվությունից հետո անհատական պլան է մշակվում և կատարվում բոլոր  անհրաժեշտ հետազոտությունները: Երկրորդ օրվա ընթացքում այցելուն ստանում է տեղեկատվություն արդյունքների մասին` վիճակի գնահատմամբ և մասնագետի խորհուրդներով, ընդ որում, նաև` առցանց»:

Հարցեր, պատասխաններ, մեկնաբանություններ