Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

ՀՀ ԱՆ. «Կոչումով բժիշկ». Աղաջանյաններ

ՀՀ ԱՆ. «Կոչումով բժիշկ». Աղաջանյաններ

Կոչումով բժիշկների մի քանի սերունդ, որոնք իրենց նպաստն են բերել հայաստանյան առողջապահական համակարգի զարգացմանն ու առաջընթացին: Աղաջանյանների բժշկական առաջին ճյուղը սկիզբ է առնում Մակիչ Մանվելի և Նատալյա Մանվելի Աղաջանյաններից, որոնց երեխաները ևս ընտրել էին բժշկի մասնագիտությունը: Բժշկական տոհմիկ ազգանունն այնուհետև փոխանցվեց Մակիչ և ՆատալյաԱղաջանյանների եղբորորդուն՝ Գերասիմ Իվանի Աղաջանյանին, որը հետագայում պետք է դառնար նշանավոր գիտնական ու բժիշկ՝ «Աղաջանյան» ազգանունը հանրահռչակելով բժշկական մեծ աշխարհում՝ թե Հայաստանում, թե դրա սահմաններից դուրս:

 

«Պապիկս չորս զավակ է ունեցել, որոնցից երեքը բժիշկներ են: Հայրս` Գերասիմ ԱղաջանյանըՀՀ ԱՆ. «Կոչումով բժիշկ». Աղաջանյաններ, երկրորդ զավակն էր: Մեր ընտանիքում առաջին բժշկուհին հորաքույրս էր՝ Թամարա Աղաջանյանը: Նա թերապևտ էր, իսկ մյուս հորաքույրս` Գալինա Աղաջանյանը, բժիշկ-ատամնաբույժ էր: Ես հպարտ եմ հայրիկիս անցած ճանապարհով»,-բժշկական իրենց դինաստիայի պատմությունը ներկայացնում է Իվան Աղաջանյանը:


Գերասիմ Աղաջանյանը ծնվել է 1911թ. օգոստոսի 2-ին Ադրբեջանի Ելիզավետապոլ քաղաքում: 1933-ին Երևանի բժշկական ինստիտուտն ավարտելուց հետո մի քանի տարի աշխատել է Բասարգեչարի/Վարդենիս/ և Երևանի 2-րդ կլինիկական հիվանդանոցներում: Մի քանի տարի անց նրան ուղարկել են Կիև, որտեղ Գերասիմ Աղաջանյանը ակադեմիկոս Վ.Խ. Վասիլենկոյի ղեկավարությամբ զբաղվում է սրտաբանությամբ:

 

1938-ին նա տեղափոխվել է Արզնի առողջարան՝ ղեկավարելու սրտաբանության բաժանմունքը: Միևնույն ժամանակ նա հաջողությամբ ծավալել է իր գիտական գործունեությունը, որն ընդհատվում է պատերազմով: Մեծ հայրենականի սկզբից մինչև նրա հաղթական ավարտը, աշխատելով նախ որպես բաժանմունքի, իսկ հետո՝ դաշտային շարժական հոսպիտալի պետի պաշտոնում, Գերասիմ Աղաջանյանը անցել է մարտական ուղի՝ Կովկասից մինչև Չեխոսլովակիա: Խորհրդային բանակի շարքերից զորացրվելուց հետո նա նշանակվել է Արզնի առողջարանի գլխավոր բժիշկ, այնուհետև՝ ՀՍՍՀ առողջապահության նախարարության առողջարանների վարչության պետ, իսկ 1949 թվականին՝ ՀՍՍՀ առողջապահության նախարարի առաջին տեղակալ:

 

ՀՀ ԱՆ. «Կոչումով բժիշկ». Աղաջանյաններ1950 թվականին Գ. Աղաջանյանը նշանակվել է Ջերմուկ առողջարանի տնօրեն: Նա 1954-ին պաշտպանել է թեկնածուական ատենախոսություն, անցել աշխատանքի Երևանի բժշկական ինստիտուտի ֆակուլտետային թերապիայի ամբիոնում: 1960 թվականին Գ. Աղաջանյանը նշանակվում է կուրորտոլոգիայի և ֆիզիոթերապիայի գիտահետազոտական ինստիտուտի տնօրեն, որը ղեկավարել է 19 տարի շարունակ:

 

1965-ին Գերասիմ Աղաջանյանը պաշտպանել է դոկտորական ատենախոսություն: Երկու տարի անց նրան շնորհվել է պրոֆեսորի կոչում: Գ. Աղաջանյանի գրչին են պատկանում 100-ից ավելի գիտական աշխատություններ, այդ թվում՝ 4 մենագրություն, 10 բրոշյուր՝ նվիրված ներքին հիվանդությունների բուժման և կուրորտոլոգիայի հարցերին:

 

ՀՀ ԱՆ. «Կոչումով բժիշկ». ԱղաջանյաններԳերասիմ Աղաջանյանի աշխատանքային և գիտական ուղին զուգակցված էր հասարակական գործունեությամբ: Երկար տարիներ նա առողջապահության նախարարության գլխավոր թերապևտն էր, կուրորտոլոգը, կուրորտոլոգների և ֆիզիոթերապևտների համամիութենական վարչության անդամ, «Կուրորտոլոգիայի, ֆիզիոթերապիայի և բուժական ֆիզկուլտուրայի հարցեր» հանդեսի խմբագրական խորհրդի անդամ:

 

Բարձր են գնահատվել Գ. Աղաջանյանի ծառայությունները, նա պարգևատրվել է Աշխատանքային կարմիր դրոշի, Հայրենական պատերազմի երկրորդ աստիճանի, Կարմիր աստղի շքանշաններով, մեդալներով և Հայկական ՍՍՀ գերագույն սովետի նախագահության պատվոգրերով: Գերասիմ Աղաջանյանը կյանքից հեռացել է 1980-ին:

 

ՀՀ ԱՆ. «Կոչումով բժիշկ». ԱղաջանյաններԱղաջանյանների երկրորդ սերնդի ներկայացուցիչներից է նաև Գերասիմ Աղաջանյանի քույրը՝ Թամարա Աղաջանյանը, որի երկու դուստրերը, ինչպես նաև երկու թոռնիկները ևս ընտրել են բժշկի մասնագիտական ուղին:

 

Աղաջանյանների բժշկական գերդաստանի երրորդ սերունդը ներկայացնում են Գերասիմ Աղաջանյանի զավակները: Որդին՝ Իվան Աղաջանյանը, բժշկական գիտությունների դոկտոր է, պրոֆեսոր: Նա ծնվել է 1939թ. օգոստոսի 8-ին, Երևանում: 1978-ից ԱԱԻ ուրոլոգիայի ամբիոնի, 1990-ից, միաժամանակ՝ Ա. Միքայելյանի անվան վիրաբուժության ինստիտուտի ուրոլոգիական բաժանմունքի վարիչն է:

 

«Ես ցանկանում էի բուսաբան դառնալ, սակայն ընտրեցի բժշկի մասնագիտությունը: Իմ ցանկությունն էր նաև ընտրել զինվորական ուղին, բայց հանագամանքների բերումով ես շարունակեցի կոչումով բժիշկների տոհմիկ ավանդույթը»,-ասում է Իվան Աղաջանյանը:

 

Երդմանը հավատարիմ բժիշկ-գիտնականին առողջապահության ոլորտի ներկայացուցիչները, բոլոր նրանք, ովքեր շփվում ու ճանաչում են Իվան Աղաջանյանին, նրան կոչում են «ուրոլոգայի մաեստրոն»: Եվ դա պատահական չէ, քանի որ նա բժշկական գործունեության առաջին իսկ օրվանից զբաղվում է բժշկական այդ ճյուղի զարգացմամբ՝ գրանցելով փայլուն արդյունքներ:

 

ՀՀ ԱՆ. «Կոչումով բժիշկ». ԱղաջանյաններԵրևանի պետական բժշկական ինստիտուտն ավարտելուց հետո Իվան Աղաջանյանը աշխատանքի է անցնում Վանաձորում/Կիրովական/՝ որպես շտապօգնության բժիշկ: Երկու տարի անց Ի. Աղաջանյանը Լեինինգրադի բժշկական ինստիտուտի ուռոլոգիական կլինիկայում, որը ղեկավարում էր պրոֆեսոր Աշոտ Գասպարյանը, ընդունվում է ասպիրանտուրա: 1967-ին Իվան Աղաջանյանը պաշտպանում է թեկնածուական ատաենախոսությունը և վերադառնում Հայաստան՝ աշխատանքի անցնելով Բժիշկների կատարելագործման ինստիտուտի ուրոլոգիայի կլինկայում: 1978 թ. այստեղ հիմնվում է ուրոլոգիայի ամբիոնը, որը ճանաչում ուներ ամբողջ Խորհրդային միությունում: Հետագայում ևս շարունակվում են Ի. Աղաջանյանի գիտական նվաճումները: 1983-ին նա պաշտպանում է դոկտորական ատենախոսությունը՝ նվիրված Ջերմուկի բուժական ազդեցությանը, ինչից հետո Խորհրդային միության բարձրագույն որակավորման խորհուրդը բժշկական գիտությունների դոկտորին շնորհում է պրոֆեսորի գիտական աստիճան: Իվան Աղաջանյանը 1992-ին Երևանում առաջինն է ստեղծել ուրոլոգիայի համալսարանային կլինիկան և ներդրել ուրոլոգիայի գծով եռամյա ռեզիդենտուրան:

 

ՀՀ ԱՆ. «Կոչումով բժիշկ». ԱղաջանյաններԻվան Աղաջանյանը Հայաստանում առաջինն է ուրոլոգներից (1987) կատարել երիկամի փոխպատվաստում, ներդրել միգուկաերիկամադիտումը, հեռակառավարվող քարջարդումը, միզուկափոխակրիչ մասնահատումը, մաշկային ուղիով երիկամի վիրահատման և այլ եղանակներ: 1981-99 թվականներին Առողջապահության նախարարության գլխավոր ուրոլոգն էր, 1988-ից 2013թ. Իվան Աղաջանյանը Հայկական ուրոլոգիական ասոցիացիայի նախագահն էր:Նա վիրաբուժական ակադեմիաների միջագգային ֆեդերացիայի, եվրոպական, ամերիկյան, վրացական ուրոլոգիական ընկերակցությունների անդամ է: 2014-ի սեպտեմբերի 26-ից 27-ը «Իզմիրլյան բժշկական կենտրոն»-ում Հայկական ուրոլոգիական ասոցիացիայի 16-րդ տարեկան գիտաժողովի շրջանակում հանդիսավորությամբ նշվեց պրոֆեսոր Իվան Աղաջանյանի ծննդյան 75-րդ հոբելյանը: Նրան շնորհվեց «Ուրոլոգիայի նահապետ» պատվավոր կոչումը` Հայաստանում ուրոլոգիայի զարգացման գործում մեծ ավանդի համար:

 

ՀՀ ԱՆ. «Կոչումով բժիշկ». Աղաջանյաններ«Ամենամեծ նվաճումներից մեկը համալսարանական կլինիկայի ստեղծումն էր: Այդ բժշկական կառույցում աշխատում են ուսուցիչներն ու նրանց աշակերտները՝ տեսական գիտելիքները համադրելով գործնական հմտությունների զարգացման հետ: Այդտեղ չեն կարող լինել մարդիկ, որոնք անտարբեր են գիտական հետազոտությունների և դասավանդման հանդեպ: Իմ ղեկավարած կլինիկան ստացել է ակադեմիական կոչում: Բժշկական բուհերը, կարծում եմ, պետք է առաջնորդվեն ուսումնամեթոդական այդ սկզբունքով, ինչը կնպաստի բժշկական հաստատությունների առաջընթացին»,-նշում է անվանի բժիշկը:

 

Հայկական ուրոլոգիական ասոցիացիայի 16-րդ տարեկան գիտաժողովի շրջանակում ՀՀ առողջապահության նախարար Արմեն Մուրադյանը Իվան Աղաջանյանին խնդրեց ստանձնել նաև ՀՀ առողջապահության գլխավոր ուրոլոգի՝ իր պարտավորությունները: Իվան Աղաջանյանը վերապատրաստվել է Ռուսաստանում, Ֆրանսիայում, Իտալիայում, ԱՄՆ-ում, Սերբիայում, Վրաստանում: Նա 250 գիտական հոդվածի, 2 մենագրության հեղինակ է, 3 հայտնագործության՝ համահեղինակ: Նշանավոր գիտնականը Եվրոպական ասոցիացիայի, Պրոֆեսիոնալների միության, 8 տարբեր ակադեմիաների անդամ է, Հայաստանի բժշկական և վիրաբուժական ակադեմիայի իսկական անդամ: Անվանի բժիշկը պարգևատրվել է «Արցախի երախտագիտության, ՀՀ ԱԺ պատվո մեդալներով, նրան շնորհվել է «Վաստակավոր բժշկի» կոչում:

 

ՀՀ ԱՆ. «Կոչումով բժիշկ». ԱղաջանյաններԲժշկական տոհմի երրորդ ճյուղը ներկայացնում է նաև Գերասիմ Աղաջանյանի դուստրը՝ Մարինա Աղաջանյանը: Նա բժշկական գիտությունների դոկտոր, պրոֆեսոր է: Մարինա Աղաջանյանը սրտաբան է, զբաղվում է մարզական բժշկությամբ:

 

«Դպրոցական տարիքում դեռևս չէի որոշել, որ բժիշկ եմ դառնալու, թեև շատ էի սիրում կենսաբանություն առարկան: Բայց քանի որ մեծացել եմ բժիշկների ընտանքիում և բժշկական միջավայրում, ես որոշեցի բժիշկ դառնալ: Աշխատել եմ սրտաբանության ինստիտուտում՝ միաժամանակ զբաղվելով գիտությամբ: Հայրս արդեն հիվանդ էր, երբ գրում էի թեկնածուական ատենախոսություն, տանում էի հիվանդանոց, գլուխ առ գլուխ նա կարդում էր և հավանություն տալիս: 1981-ին պաշտպանեցի թեկնածուական թեզը, որը նվիրված էր միտրալ փականի արատների ֆունկցիոնալ ախտորոշմանը: Այնուհետև որոշեցի զբաղվել մարզական բժշկությամբ»,-նշում է Մարինա Աղաջանյանը: Նա 2002-ին պաշտպանել է դոկտորական ատենախոսություն՝ մարզիկների սրտի կառուցվածքաֆունկցիոնալ առանձնահատկությունների մասին թեմայով` դառնալով առաջին բժշկագիտության դոկտորը սպորտային բժշկության և սպորտային սրտաբանության ոլորտում:

 

ՀՀ ԱՆ. «Կոչումով բժիշկ». ԱղաջանյաններԱնվանի գիտնականը Ֆիզիկական կուլտուրայի Հայկական Պետական ինստիտուտի (ՖԿՀՊԻ) Ֆիզիոլոգիայի և սպորտային բժշկության ամբիոնի պրոֆեսոր է, ՀՀ ֆիզիկական կուլտուրայի և սպորտի վաստակավոր աշխատող: Նա դասավանդում է սպորտային բժշկություն առարկան ՖԿՀՊԻ-ում և Հայկական Բժշկական ինստիտուտում:

 

Մ.Աղաջանյանը ընդգծում է հատկապես հայրիկի՝ Գերասիմ Աղաջանյանի և եղբոր՝ Իվան Աղաջանյանի վաստակն ու ներդրումը Հայաստանի առողջապահության տարբեր ճյուղերի զարգացման գործում: 

 

«Դեռևս փոքր տարիքում եղբայրս՝ Իվանը, խնդրել էր մայրիկիս, որ իր համար բժշկական խալաթ կարի: Նա շատ շնորհալի էր, ձեռքի շնորհք ուներ, ինչը շատ կարևոր է վիրաբույժի համար: Ցանկանում եմ նշել, որ նա մշտապես սիրել է իր մասնագիությունը, ինչը ցանկացած մարդու համար կարևոր հանգամանք է: Ինչպես ասում են՝ եղբայրս Աստծո կողմից տրված վիրաբույժ է: Վիրահատությունների ժամանակ Իվան Աղաջանյանը ավանդական վիրաբուժական մեթոդները համադրել է նորարական բժշկական տեխնոլոգիաների հետ»,-հիշում է Մարինա Աղաջանյանը: 

 

Իվան Աղաջանյանն ունի երկու որդի՝ Գերասիմը և Մանվելը, որոնցից միայն Մանվելը որոշեց շարունակել ընտանիքի բժշկական գիծը՝ ներկայացնելով Աղաջանյանների չորրորդ սերունդը: «Տղաս շատ սրտացավ բժիշկ է, կարող եմ ասել, որ նա հոգեբան է, քանի որ հիվանդների հետ հոգեբանական մեծ աշխատանք է տանում, ինչը շատ կարևոր է»,-նշում է հայրը՝ Իվան Աղաջանյանը:

 

ՀՀ ԱՆ. «Կոչումով բժիշկ». ԱղաջանյաններԲժշկի մասնագիտությունն են ընտրել նաև Գերասիմ Աղաջանյանի քրոջ և եղբոր դստրերը և թոռները: Մեծ քրոջ դուստրը՝ Կարինե Սարգսյանը, ճանաչված գաստրոէնտերոլոգ էր, բժշկական գիտությունների դոկտոր, պրոֆեսոր: Գ. Աղաջանյանի եղբոր դուստրը՝ Սիրանուշ Աղաջանյանը, նույնպես բժշկական գիտությունների դոկտոր, պրոֆեսոր էր համաճարակաբանության ասպարեզում:

 

Առողջապահության ոլորտի անունների շարքը շարունակում են նաև Գերասիմ Աղաջանյանի մայրական կողմի բարեկամները: Նրա մորեղբայրը՝ Ռաֆայել Լևոնի Մանվելյանը բժշկական գիտությունների դոկտոր, պրոֆեսոր էր, որի զավակները և թոռները ևս շարունակում են ծնողների բժշկական մասնագիտական ճյուղը:

 

Սկզբնաղբյուր. Հայաստանի Հանրապետության առողջապահության նախարարություն
Լուսանկարը. moh.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Գիրք բժիշկ-գրողների մասին կամ ինչ է բժշկական տրուենտիզմը
Գիրք բժիշկ-գրողների մասին կամ ինչ է բժշկական տրուենտիզմը

Որպես հասարակության մշակույթի և զարգացման կարևոր երևույթ «տրուենտիզմ» հասկացությունը ի հայտ է եկել 1936 թ., երբ բրիտանացի անվանի վիրաբույժ լորդ Բյորկլի Մոյնիգանը (1865-1936) Քեմբրիջի համալսարանում կարդացած...

Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության կազմակերպիչ Լեո Բոկերիան
Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության  կազմակերպիչ Լեո Բոկերիան

Բոկերիան աշխարհի այն քիչ սրտավիրաբույժների շարքին է դասվում, ովքեր կատարում են սրտի հետ կապված վիրահատությունների հայտնի արսենալ՝ ամենատարբեր ախտահարումների դեպքում: Վիրահատություններից շատերն այսօր աշխարհում չունեն...

Հանրահռչակ բժիշկերի կյանքից Հիշարժան օրեր, տարեթվեր, տոներ
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»...

Բժշկի ընդունարանում
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժշկի ընդունարանում Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժշկի ընդունարանում Սալուտեմ 3.2021
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Բժշկի ընդունարանում
Իմ պացիենտներն իմ հարազատներն են. Հայկ Բալայան. «Արամյանց» ԲԿ
Իմ պացիենտներն իմ հարազատներն են. Հայկ Բալայան. «Արամյանց» ԲԿ

Վիրաբուժությունը երկար ու դժվար ուղի է: Բժշկական գիտելիքներից ու վիրաբուժական ունակություններից բացի այստեղ պահանջվում են ուժեղ կամային հատկություններ, համբերություն ու սեր մասնագիտության հանդեպ...

Սրտաբանի մոտ խորհրդատվության ժամանակ. nairimed.com
Սրտաբանի մոտ խորհրդատվության ժամանակ. nairimed.com

«Նաիրի» բժշկական կենտրոնի սրտաբանների կողմից մշտապես հսկվում են ամենատարբեր սրտաբանական խնդիրներ ունեցող պացիենտներ (առիթմիաներ, զարկերակային գերճնշման խնդիրներ, սրտամկանի կաթված...

Սրտանոթաբանություն Բժշկի ընդունարանում
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2

Մեր զրուցակիցն է ԵՊԲՀ Ընտանեկան բժշկության ամբիոնի վարիչ, բժշկագիտության դոկտոր, պրոֆեսոր Միքայել Նարիմանյանը...

Բժշկի ընդունարանում Սալուտեմ 2.2021
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2

Մեր զրուցակիցն է ՀՀ ԱՆ նյարդաբանության գծով խորհրդատու, Առողջապահության ազգային ինստիտուտի Նյարդաբանության և նեյրովիրաբուժության ամբիոնի վարիչ, նյարդաբան, սոմնոլոգ Սամսոն Խաչատրյանը.:...

Բժշկի ընդունարանում Սալուտեմ 2.2021
Աշխատանքային գործընկերներից՝ մարտական ընկերներ. Սալուտեմ ամսագիր №2
Աշխատանքային գործընկերներից՝ մարտական ընկերներ. Սալուտեմ ամսագիր №2

«Ավագյան» բժշկական կենտրոնի 4 բժիշկ պատահաբար գործընկերներ դարձան նաև հոսպիտալում:
Արցախյան 44-օրյա պատերազմի ընթացքում գրեթե բոլոր բուժհաստատությունները և բուժաշխատողների...

Բժշկի ընդունարանում Սալուտեմ 2.2021
«Տեսնելով մահը՝ մենք ավելի շատ ենք գնահատում և սիրում կյանքը, որի համար պայքարում ենք անվերապահորեն». Անատոլի Գնունի. Սալուտեմ ամսագիր №2
«Տեսնելով մահը՝ մենք ավելի շատ ենք գնահատում և սիրում կյանքը, որի համար պայքարում ենք անվերապահորեն». Անատոլի Գնունի. Սալուտեմ ամսագիր  №2

Բժշկի առաքելությունը, նրա գերխնդիրը միշտ եղել և մնում է կյանքեր փրկելը։


Պատերազմի ժամանակ սակայն, սպիտակ բանակի ներկայացուցիչները, կյանքեր փրկելու իրենց առաքելությունն...

Բժշկի ընդունարանում Սալուտեմ 2.2021
Ուրույն հետք հայկական ակնաբուժության ոլորտում. Ալեքսանդր Մալայան
Ուրույն հետք հայկական ակնաբուժության ոլորտում. Ալեքսանդր Մալայան

Հուլիսի 16-ին Ս.Վ. Մալայանի անվան ակնաբուժական կենտրոնի հիմնադիր, բժշկական գիտությունների դոկտոր, պրոֆեսոր, Հայկական ժամանակակից ակնաբուժության հիմնադիր Ալեքսանդր Մալայանի ծննդյան օրն է...

«Մեր բոլորի գործը մեկ էր ու փոխկապակցված». Գևորգ Գրիգորյան. Սալուտեմ ամսագիր № 1
«Մեր բոլորի գործը մեկ էր ու փոխկապակցված». Գևորգ Գրիգորյան. Սալուտեմ ամսագիր № 1

«Շրջադարձի վրա անակնկալ հառնեց լեռան համայնապատկերը: Ես մեխվեցի տեղում, բարեգո՛ւթ Արարիչ, երբեք այսքան հստակված չէի ընկալել՝ ուրեմն ա՛յս է Արարատի երկիրը, և ժողովուրդը` Արարատի, մենք ենք…

Բժշկի ընդունարանում Սալուտեմ 1.2021
Հուշեր պատերազմի դաշտից. Տիգրան Քամալյան, Երևանի գլխավոր անոթային վիրաբույժ
Հուշեր պատերազմի դաշտից. Տիգրան Քամալյան, Երևանի գլխավոր անոթային վիրաբույժ

Տիգրան Քամալյանն անոթային վիրաբույժ է, «Վլ․Ավագյանի անվ․» բժշկական կենտրոնում է աշխատում, մի քանի գործընկեր բժիշկների հետ մասնակցել է Արցախյան  44-օրյա պատերազմին. պատմում է պատերազմում...

Բժշկի ընդունարանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ