Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

ՀՀ ԱՆ. «Կոչումով բժիշկ». Հովհաննիսյան-Եղիկյաններ

ՀՀ ԱՆ. «Կոչումով բժիշկ». Հովհաննիսյան-Եղիկյաններ

Հովհաննիսյանների ընտանիքը Հայաստանի բժշկական ամենամեծ գերդաստաններից մեկն է: Մեր երկրի առողջապահական համակարգի տարբեր ճյուղերի զարգացումը մեծապես կապված է նաև այս նշանավոր գերդաստանի անդամներից յուրաքանչյուրի անվան հետ: Բժշկական ընտանիքը Հայաստանին տվել է բժիշկների մի քանի սերունդ:

 

Հովհաննսիյանների բժշկական առաջին ճյուղը սկիզբ է առնում Սուրեն Զաքարի Հովհաննիսյանից: Նա ծնվել է 1920թ. սեպտեմբերի 1-ին Լենինականում (Գյումրի): Այնուհետև նրանց ընտանիքը տեղափոխվել է Թբիլիսի, որտեղ և 1938թ. ավարտել է միջնակարգ դպրոցը: Նույն տարում Սուրեն Հովհաննիսյանը ընդունվել է Երևանի պետական բժշկական համալսարան: Ավարտելով բարձրագույն բժշկական կրթությունը` 1942թ. Սուրեն Հովհանիսյանը, որպես պրակտիկ բժիշկ, գործուղվել է Խորհրդային բանակ` սկզբում որպես 320-րդ հրաձգային դիվիզիայի 478-րդ գնդի կրտսեր բժիշկ: 1943 թ. նա նշանակվել է գլխավոր հրամանատարության 44-րդ ականանետային դիվիզիայի 158-րդ գնդի ավագ բժիշկ:

 

1946թ. անվանի բժիշկը զորացրվել է Խորհրդային բանակի շարքերից և սկսել է աշխատել որպես ֆակուլտետային օրդինատոր ԵՊԲԻ վիրաբուժական կլինիկայում, որը գործում էր 3-րդ քաղաքային հիվանդանոցի բազայի վրա` Խորհրդային միության անվանի վիրաբույժ, ՍՍՀՄ ԲԳԱ թղթակից անդամ Ռուբեն Յոլյանի ղեկավարությամբ:

 

1952 թ. փետրվարից Սուրեն Հովհաննիսյանը միաժամանակ աշխատել է 3-րդ բուժմիավորման բժշկական բաժնի գլխավոր բժշկի տեղակալ, իսկ 1953թ. մարտից մինչև 1954թ. սեպտեմբերը ղեկավարել է Ռենտգենաբանության և ուռուցքաբանության գիտահետազոտական ինստիտուտի վիրաբուժական բաժանմունքը: 1952թ. Սուրեն Հովհաննիսյանը պաշտպանել է թեկնածուական ատենախոսությունը` «Թարախային հետվիրահատական հիվանդությունների ժամանակ ոսկրուղեղի արյունաստեղծ ֆունկցիայի վերաբերյալ» թեմայով:

 

1954-1958թթ. բժշկագիտության նվիրյալը եղել է ԵՊԲԻ ֆակուլտետային վիրաբուժության ասիստենտ, ապա նաև` Բժիշկների վերապատրաստման պետական ինստիտուտի վիրաբուժության ամբիոնի դոցենտ: 1965թ. պաշտպանել է դոկտորոկան թեզը:

 

1971-1988թթ. պրոֆեսոր Սուրեն Հովհաննիսյանը ԵՊԲԻ ֆակուլտետային վիրաբուժության ամբիոնի ղեկավարն էր: Պրոֆեսորը 108 գիտական աշխատանքի, այդ թվում մեթոդական խորհրդատվությունների, առաջարկների և մենագրությունների հեղինակ է: Նրա հետազոտություններում գերակշռում են արյունաբանությանը, որովայնի և կրծքային վիրաբուժությանը, պրոկտոլոգիային, ուռուցքաբանությանը, վիրաբուժության մեթոդների կատարելագործմանը վերաբերող հարցերը:

 

1965-1969թթ. Սուրեն Հովհաննիսյանը եղել է ՀՍՍՀ առողջապահության նախարարության գլխավոր վիրաբույժը: Անվանի պրոֆեսորը իրականացրել է հազարավոր վիրահատություններ, փրկել` հազարավոր կյանքեր: Նրա մասնագիտական բարձր գիտելիքների ու փորձի, մարդկային ջերմ հոգատարության ու ուշադրության շնորհիվ հազարավոր մարդիկ նորից կյանք են առել: Սուրեն Հովհաննիսյանի կյանքի ու աշխատանքային գործունեության լավագույն ժամանակները նվիրվել են բժիշկների մասնագիտական պատրաստության ազնիվ գործին: Նա կրթել ու պրակտիկ աշխատանքի է գործուղել բժիշկների բազմաթիվ սերունդների:


«Դեռևս մանկուց հիշում եմ՝ պատմում էին, որ պապիկիս հերթապահության ժամանակ հիվանդանոց են տեղափոխում սիրտը դանակահարած մի երիտասարդի, պապիկս նրան վիրահատում, փրկում է: Անցնում է 30, 40, 50 տարի, այդ ընտանիքը իր բժշկին չի մոռանում: Յուրաքանչյուր տարի Ամանորին առավոտյան 08:30-ին մեր տան դռան զանգն էր լսվում, այդ անձը գալիս էր՝ առաջինը շնորհավորելու իր կյանքը փրկած բժշկին: Հիմա արդեն նրա որդին է ամեն հունվարի մեկին այցելում մեզ: Ուզում եմ ընդգծել, որ բժիշկ-հիվանդ կապը հետագայում վերածվել է բարեկամական հարաբերության, պապիկիս ապաքինած մարդկանցից շատերը դարձել են մեր ընտանիքի հարազատ անձինք, ընկերները: Հպարտ եմ, որ առաջին ուսումնական պրակտիկաս անցել եմ պապիկիս մոտ, դեռևս 2-րդ կուրսի ուսանող էի, երբ նրա հետ մտա վիրահատարան, ինչպես բժշկական «լեզվով» են ասում՝ «լվացվել եմ» նրա հետ: Բոլորին է հայտնի, թե որքան դժվար է ստամոքսի ռեզեկցիան, բայց պապիկս այդ միջամտությունը նստած էր կատարում, մոտ մեկ ժամում: «Հայրենիքին մատուցած ծառայությունների համար» Սուրեն Հովհաննիսյանը պարգևատրվել է Աշխատանքի կարմիր շքանշանով, Մեծ Հայրենական պատերազմին մասնակցելու համար արժանացել է «Կարմիր աստղի» շքանշանի, ինչպես նաև բազմաթիվ պարգևների:


Բժիշկ էր նաև Սուրեն Հովհաննիսյանի կինը՝ Հայկանուշ Պողոսյանը: Նա եղել է Հայաստանում արյունաբանական կենտրոնի համահիմնադիրը: Մեծ է անվանի բժշկուհու ներդրումը արյունաբանական ծառայության զարգացման գործում: Բժշկական պրակտիկ գործունեությանը զուգահեռ, Հայկանուշ Պողոսյանը զբաղվել է նաև գիտական գործունեությամբ` պատրաստելով բժիշկների մի քանի սերունդների:


Հովհաննիսյանների բժշկական ընտանիքի երկրորդ սերնդի ներկայացուցիչը Ստեփան Սուրենի Հովհաննիսյանն է: Նա ծնվել է 1944թ. հոկտեմբերի 26-ին: Դպրոցն ավարտելուց հետո ընդունվել է Երևանի պետական բժշկական համալսարանի բուժական ֆակուլտետ:

 

1967թ. գործուղվել է Աշտարակի շրջանային կենտրոնական հիվանդանոց, որտեղ նա համատեղել է շտապօգնության ծառայության ղեկավարի և բժիշկ-վիրաբույժի աշխատանքը:

 

1969թ. Ստեփան Հովհաննիսյանը ընդունվել է ասպիրանտուրա Մոսկվայի առաջին բժշկական ինստիտուտում: 1972 թ. երիտասարդ ասպիրանտը պաշտպանել է թեկնածուական ատենախոսությունը՝ «Շաքարային դիաբետի դեպքում փափուկ հյուսվածքների թարախային հիվանդությունները և ստորին վերջույթների փտախտը» թեմայով: Վերադառնալով Երևան՝ Ստեփան Հովհաննիսյանը սկսել է աշխատել շտապօգնության հիվանդանոցում որպես բժիշկ-օրդինատոր:

 

1979-82 թ.թ. նա գործուղվել է Ալժիր: Բժիշկն աշխատել է նաև Փարիզում և Մարսելում: «Առաջին» բառը անքակտելիորեն կապված է Ստեփան Հովհաննիսյանի անվան հետ: 1976 թ. նա եղել է հանրապետության առաջին ներստամոքսային PH –չափագրման լաբորատորիայի հիմնադիրը: 1987թ. ընտանիքի վառ ներկայացուցիչը «Էրեբունի» բժշկական կենտրոնում հիմնադրել է Հայաստանում առաջին մասնագիտացված վիրաբուժական ինֆեկցիաների բաժանմունքը:

«Ուսանողական սկզբնական տարիներին գնում էի 1-ին հիվանդանոց, ապա նաև հանրապետական, ինքը այնտեղ էր լինում: Երբ ավարտեցի համալսարանը, իմ ՝ օրդինատուրա ընդունվելը համընկավ այն ժամանակահատվածի հետ, երբ հայրս դարձավ ամբիոնի վարիչ, չափազանց խիստ էր իմ նկատմամբ, ինչ համար շնորհակալ եմ»,- բժշկական իրենց մեծ ընտանիքի պատմությունը ներկայացնելով՝ նշում է Ստեփան Հովհաննիսյանի որդին`Սուրեն Հովհաննիսյանը:

Ստեփան Հովհաննիսյանը դոկտորոկան թեզը պաշտպանել է 1989թ.: 1991թ.-ից Ստեփան Հովհաննիսյանը ԵՊԲՀ վիրաբուժական հիվանդությունների Թիվ 1 ամբիոնի պրոֆեսոր էր:

 

1998 թ. մինչև կյանքի վերջին օրերը նա Երևանի պետական բժշկական համալսարանի վիրաբուժական հիվանդությունների Թիվ 2 ամբիոնի վարիչն էր: 2000թ. նրան շնորհվել է Ռուսաստանի Դաշնության Բժշկատեխնիկական գիտությունների ակադեմիայի իսկական անդամի կարգավիճակ: Ստեփան Հովհաննիսյանի ուսանողները մշտապես կհիշեն իրենց սիրելի պրոֆեսորի պատգամը՝ «հիվանդին պետք է ոչ թե ուժեղ, այլ խելացի վիրաբույժ»:

 

Ստեփան Հովհաննիսյանի աշխատանքային օրակարգը մշտապես հագեցած էր: Նա ղեկավարել է մասնագիտական բազմաթիվ հանձնաժողովների աշխատանքները, մասնակցել՝ մասնագիտական խորհուրդների աշխատանքներին: Անվանի պրոֆեսորը չի սահմանափակվել միայն մասնագիտական գործունեությամբ: Բազմակողմանի զարգացած գիտնականը սիրում էր երաժշտություն, գրականություն, իսկ նրա ստեղծագործական տաղանդը դրսևորվել է ձեռագիր ստեղծագործություններում, որոնցով զբաղվել է ազատ ժամերին:

 

Պրոֆեսոր Հովհաննիսյանի կենսուրախ լիցքերն ու դրական էներգետիկան փոխանցվում էին հիվանդներին, նրանց համար դառնում բուժման հանդեպ հավատի լրացուցիչ աղբյուր: Պատմում են, որ նա հիվանդին փրկելու համար անգամ իր արյունն էր տալիս: Ստեփան Հովհաննիսյանը կյանքից հեռացավ 2008թ.: Նրա հանկարծակի մահը ծանր հարված էր ընտանիքի անդամների համար:

 

Բժշկական այս ընտանիքում սակայն բժշկական տոհմիկ ավանդույթը շարունակվում է, բժիշկ են Ստեփան Հովհաննիսյանի այրին՝ Իվետա Եղիկյանը, որդին՝ Սուրեն Հովհաննիսյանը, որն էլ ներկայացնում է այս մեծ բժշկական գերդաստանի երրորդ ճյուղը:

 

Հովհաննիսյանների բժշկական երկրորդ սերնդի ներկայացուցիչներից է նաև Ստեփան Հովհաննիսյանի քույրը՝ Գայանե Հովհաննիսյանը: Նա բժշկական ինստիտուտն ավարտել է 1973թ., ինչից հետո ամուսնու հետ ծառայության է մեկնել Չինաստանի սահման: Նա քիթ-կոկորդի մասնագետ է: «Աշխատել եմ պոլիկլինկայում, այնուհետև՝ հանրապետական հիվանդանոցում: Ուզում եմ հպարտությամբ նշել, որ դեռևս ուսումնական շրջանում ևս հայրիկիս հետ «լվացվել» եմ, մասնակցել նրա ղեկավարությամբ իրականացվող վիրահատություններին»,-հիշելով հայրիկին՝ Սուրեն Զաքարի Հովհաննիսյանին, պատմում է տիկին Գայանեն: Մայրս հեմոտոլոգիայի մասնագետ էր, հայրս գլխավոր վիրաբույժն էր, եղբայրս էր միշտ մեզ ուրախացնում, այժմ իր որդին՝ Սուրեն Հովհաննիսյանն է շարունակում բժշկական այս մեծ ընտանիքի ավանդական, միաժամանակ` նվիրական գործը»,-ասում է Գայանե Հովհաննիսյանը:

 

Բժշկուհի է նաև Ստեփան Հովհաննիսյանի կինը` Իվետա Եղիկյանը: Նա ևս ավարտել է Մ. Հերացու անվան պետական բժշկական ինստիտուտը: «Մայրս, հայրս եղել են բժիշկներ, սկեսուրս, սկեսրայրս միասին են սովորել բժշկականում: Մայրս գինեկոլոգ էր, նաև այդ բաժնի վարիչը: 20 տարի աշխատել եմ Քանաքեռ-Զեյթունի սրտաբանական հիվանդանոցում»,-պատմում է տիկին Իվետան:

Հովհաննիսյանների բժշկական տոհմի երրորդ սերունդը ներկայացնում է Սուրեն Ստեփանի Հովհաննիսյանը: Նա ծնվել է 1974թ. մարտի 7-ին, Երևանում: 1997թ. Սուրեն Հովհաննիսյանը գերազանցությամբավարտել է Երևանի պետական բժշկական համալսարանը, ապա ընդունվել կլինիկական օրդինատուրա, ԵՊԲՀ թիվ 2 վիրաբուժության ամբիոնի բազայում, ավարտել՝ գերազանցությամբ: 2000թ. աշխատել է վիրաբույժ-օրդինատոր «Արմենիա» ՀԲԿ-ում: Նույն թվականին միաժամանակ ընդունվել ասպիրանտուրա Ս. Խ. Ավդալբեկյանի անվան ՀՀ ԱԱԻ-ի լապարասկոպիկ վիրաբուժության ամբիոնում: Սուրեն Հովհաննիսյանը թեկնածուական թեզը պաշտպանել է 2003թ. «Լյարդի էխինակոկոզի էնդովիրաբուժական բուժում» թեմայով:

 

2004-2006 թթ. ծառայության է անցել ՀՀ ԶՈՒ ԿԿԶՀ-ում և զինածառայության ընթացքում գործուղվել էվերապատրաստման Հունաստան, վերադարձել՝ գերազանց բնութագրով: 2008թ. ՀՀ ԱԱԻ գիտխորհրդի նիստում հաստատվել է նրա դոկտորական թեզը՝ «Մակերիկամի ուռուցքների ախտորոշման և վիրաբուժական բուժման եղանակների օպտիմիզացում» թեմայով: Վիրաբուժություն մասնագիտության Սուրեն Հովհաննիսյանը վերապատրաստվել է ՌԴ մայրաքաղաք Մոսկվայում: Բժշկական գիտությունների դոկտորի կոչումը ՍուրենՀովհաննիսյանին շնորհվել է 2010 թ.: Մեկ տարի անց Սուրեն Հովհաննիսյանը նշանակվել է ԵՊԲՀ-ի ՌԴՎ ամբիոնի պետի պաշտոնում և միաժամանակ ԿԿԶՀ վիրաբուժության կլինիկայի ղեկավար:

 

2014 թ. նա նշանակվել է ԵՊԲՀ Սիմուլյացիոն կենտրոնի ղեկավար: Սուրեն Հովհաննիսյանը Հայկական, Ռուսական և Եվրոպական էնդովիրաբուժական ասոցիացիաների և հայ վիրաբույժների ասոցիացիայի անդամ է: Մասնակցել է 20-ից ավելի հանրապետական և միջազգային համաժողովների և կոնգրեսների: Սուրեն Հովհաննիսյանը հեղինակ և համահեղինակ է 51 գիտական հոդվածների, մեկ նորարարական առաջարկի և մեկ ուսումնամեթոդականձեռնարկի: Բժշկական գիտությունների դոկտորը պարգևատրվել է ՀՀ վարչապետի շնորհակալագրով, Պաշտպանության նախարարության պատվոգրերով, ՀՀ ԶՈՒ 20-ամյակին նվիրված մեդալով:


Բժիշկ է նաև Սուրեն Հովհաննիսյանի կինը` Կարինե Մանուկյանը: Նա ավարտել է Երևանի պետական բժշկական համալսարանը, աշխատում է «Արմենիա» բժշկական կենտրոնում:

Ուշագրավն այն է, որ հայ նշանավոր բժշկական ընտանիքներից շատերը ստեղծվել են` միավորելով երկու տարբեր բժշկական «ազգանուններ»` այդպիսով դնելով բժշկական մեծ գերդաստանի հիմքը: Այդ կերպ է ստեղծվել նաև Հովհաննիսյան-Եղիկյան «մեծ ընտանիքը»:

 

Ստեփան Հովհաննիսյանի կինը` Իվետա Եղիկյանը, սերել է բժշկական մեծ ընտանիքից: Նրա հայրը` Արմիկ Մելիքի Եղիկյանը, ևս բժիշկ էր: Նա ծնվել է 1918թ. Թիֆլիսում: 1937թ. ընդունվել է Երևանի պետական բժշկական ինստիտուտ, որն ավարտելուց հետո անցել է աշխատանքի Նոյեմբերյանի շրջանի գյուղերից մեկում: 1942թ. զորակոչվել է բանակ, որտեղ ևս աշխատել է որպես կրտսեր բժիշկ, այնուհետև նա աշխատանիք է անցել Ալավերդիում:

 

Ի թիվս բազմաթիվ պարգևների, Արմիկ Եղիկյանին շնորհվել է ՀՀ վաստակավոր բժշկի կոչումը: Անվանի բժիշկը թեկնածուական թեզը պաշտպանել է Մոսկվայի մանկաբուժական ինստիտուտում: 1972թ. նշանակվել է Արյան փոխներարկման ինստիտուտի տնօրեն: «Պապիկս եղել է անչափ բարի մարդ, իրեն անհրաժեշտ էր տեսնել, շփվել նրա հետ, շատ շնորհակալ ենք նրան՝ մեզ ազնիվ, շիտակ դաստիարակելու, օրինակելի ընտանիքի հիմքը դնելու համար»,-պատմում է Եղիկյանների բժշկական ընտանիքի երրորդ սերնդի ներկայացուցիչ Լիլիթ Եղիկյանը: Արմիկ Եղիկյանը Բժշկական մայր բուհի ատամնաբուժական ֆակուլտետի հիմնադիրն է:

 

Բժիշկ էր նաև Արմիկ Եղիկյանի կինը՝ Սեդա Սուջյանը: Նա մասնագիտությամբ գինեկոլոգ էր: «Տատիկս քաղաքում հայտնի սիրված բժիշկ էր: Ես որքան հիշում եմ՝ գիշերը նրան զանգահարում էին, կանչում՝ աշխատանքի, քնից արթնանում էր, շտապում՝ վիրահատության: Նա էր, որ ինձ խորհուրդ տվեց ընտրել ատամնաբուժությունը, ոչ թե գինեկոլոգիան: Տատիկս կոչումով էր բժիշկ, ուներ հիվանդների հետ շփվելու բացառիկ հատկություն, չափազանց հոգատար էր նրանց նկատմամբ: Մասնագիտական և մարդկային բարձր հատկանիշները մեկտեղված էին բարի այդ կնոջ մեջ: Նա աշխատել է Երրորդ հիվանդանոցում՝ որպես բժիշկ մանկաբարձ»,-ներկայացնում է Լիլիթ Եղիկյանը: Բժշկական տոհմիկ այս ընտանիքի երկրորդ ճյուղը ներկայացնում է Արմիկ Եղիկյանի որդին՝ Էդգար Եղիկյանը:

«Հայրս նույնպես ատամնաբույժ էր, աշխատել է Երևանի պետական բժշկական համալսարանի օրթոպեդիայի ամբիոնում: Մայրս երաժշիտ էր: Եղբայրս` Արմենը, որը մասնագիությամբ դարձյալ ատամնաբույժ է, գործունեություն է ծավալում Ռուսաստանում: Եղիկյանների երրորդ սերնդի ներկայացուցիչներից Լիլիթ Եղիկյանը նշում է իր որդուն` Վահե Վանցյանին, որը ընտրել է ատամնաբույժի մասնագիտությունը: Կոչումով բժիշկների մեծ գերդաստանի չորրորդ սերնդի ներկայացուցիչն առայժմ այս մեծ ընտանիքի ամենակրտսեր բժիշկն է:

Սկզբնաղբյուր. Հայաստանի Հանրապետության Առողջապահության Նախարարություն
Լուսանկարը. moh.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Գիրք բժիշկ-գրողների մասին կամ ինչ է բժշկական տրուենտիզմը
Գիրք բժիշկ-գրողների մասին կամ ինչ է բժշկական տրուենտիզմը

Որպես հասարակության մշակույթի և զարգացման կարևոր երևույթ «տրուենտիզմ» հասկացությունը ի հայտ է եկել 1936 թ., երբ բրիտանացի անվանի վիրաբույժ լորդ Բյորկլի Մոյնիգանը (1865-1936) Քեմբրիջի համալսարանում կարդացած...

Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության կազմակերպիչ Լեո Բոկերիան
Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության  կազմակերպիչ Լեո Բոկերիան

Բոկերիան աշխարհի այն քիչ սրտավիրաբույժների շարքին է դասվում, ովքեր կատարում են սրտի հետ կապված վիրահատությունների հայտնի արսենալ՝ ամենատարբեր ախտահարումների դեպքում: Վիրահատություններից շատերն այսօր աշխարհում չունեն...

Հանրահռչակ բժիշկերի կյանքից Հիշարժան օրեր, տարեթվեր, տոներ
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»...

Բժշկի ընդունարանում
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժշկի ընդունարանում Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժշկի ընդունարանում Սալուտեմ 3.2021
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Բժշկի ընդունարանում
Իմ պացիենտներն իմ հարազատներն են. Հայկ Բալայան. «Արամյանց» ԲԿ
Իմ պացիենտներն իմ հարազատներն են. Հայկ Բալայան. «Արամյանց» ԲԿ

Վիրաբուժությունը երկար ու դժվար ուղի է: Բժշկական գիտելիքներից ու վիրաբուժական ունակություններից բացի այստեղ պահանջվում են ուժեղ կամային հատկություններ, համբերություն ու սեր մասնագիտության հանդեպ...

Սրտաբանի մոտ խորհրդատվության ժամանակ. nairimed.com
Սրտաբանի մոտ խորհրդատվության ժամանակ. nairimed.com

«Նաիրի» բժշկական կենտրոնի սրտաբանների կողմից մշտապես հսկվում են ամենատարբեր սրտաբանական խնդիրներ ունեցող պացիենտներ (առիթմիաներ, զարկերակային գերճնշման խնդիրներ, սրտամկանի կաթված...

Սրտանոթաբանություն Բժշկի ընդունարանում
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2

Մեր զրուցակիցն է ԵՊԲՀ Ընտանեկան բժշկության ամբիոնի վարիչ, բժշկագիտության դոկտոր, պրոֆեսոր Միքայել Նարիմանյանը...

Բժշկի ընդունարանում Սալուտեմ 2.2021
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2

Մեր զրուցակիցն է ՀՀ ԱՆ նյարդաբանության գծով խորհրդատու, Առողջապահության ազգային ինստիտուտի Նյարդաբանության և նեյրովիրաբուժության ամբիոնի վարիչ, նյարդաբան, սոմնոլոգ Սամսոն Խաչատրյանը.:...

Բժշկի ընդունարանում Սալուտեմ 2.2021
Աշխատանքային գործընկերներից՝ մարտական ընկերներ. Սալուտեմ ամսագիր №2
Աշխատանքային գործընկերներից՝ մարտական ընկերներ. Սալուտեմ ամսագիր №2

«Ավագյան» բժշկական կենտրոնի 4 բժիշկ պատահաբար գործընկերներ դարձան նաև հոսպիտալում:
Արցախյան 44-օրյա պատերազմի ընթացքում գրեթե բոլոր բուժհաստատությունները և բուժաշխատողների...

Բժշկի ընդունարանում Սալուտեմ 2.2021
«Տեսնելով մահը՝ մենք ավելի շատ ենք գնահատում և սիրում կյանքը, որի համար պայքարում ենք անվերապահորեն». Անատոլի Գնունի. Սալուտեմ ամսագիր №2
«Տեսնելով մահը՝ մենք ավելի շատ ենք գնահատում և սիրում կյանքը, որի համար պայքարում ենք անվերապահորեն». Անատոլի Գնունի. Սալուտեմ ամսագիր  №2

Բժշկի առաքելությունը, նրա գերխնդիրը միշտ եղել և մնում է կյանքեր փրկելը։


Պատերազմի ժամանակ սակայն, սպիտակ բանակի ներկայացուցիչները, կյանքեր փրկելու իրենց առաքելությունն...

Բժշկի ընդունարանում Սալուտեմ 2.2021
Ուրույն հետք հայկական ակնաբուժության ոլորտում. Ալեքսանդր Մալայան
Ուրույն հետք հայկական ակնաբուժության ոլորտում. Ալեքսանդր Մալայան

Հուլիսի 16-ին Ս.Վ. Մալայանի անվան ակնաբուժական կենտրոնի հիմնադիր, բժշկական գիտությունների դոկտոր, պրոֆեսոր, Հայկական ժամանակակից ակնաբուժության հիմնադիր Ալեքսանդր Մալայանի ծննդյան օրն է...

«Մեր բոլորի գործը մեկ էր ու փոխկապակցված». Գևորգ Գրիգորյան. Սալուտեմ ամսագիր № 1
«Մեր բոլորի գործը մեկ էր ու փոխկապակցված». Գևորգ Գրիգորյան. Սալուտեմ ամսագիր № 1

«Շրջադարձի վրա անակնկալ հառնեց լեռան համայնապատկերը: Ես մեխվեցի տեղում, բարեգո՛ւթ Արարիչ, երբեք այսքան հստակված չէի ընկալել՝ ուրեմն ա՛յս է Արարատի երկիրը, և ժողովուրդը` Արարատի, մենք ենք…

Բժշկի ընդունարանում Սալուտեմ 1.2021
Հուշեր պատերազմի դաշտից. Տիգրան Քամալյան, Երևանի գլխավոր անոթային վիրաբույժ
Հուշեր պատերազմի դաշտից. Տիգրան Քամալյան, Երևանի գլխավոր անոթային վիրաբույժ

Տիգրան Քամալյանն անոթային վիրաբույժ է, «Վլ․Ավագյանի անվ․» բժշկական կենտրոնում է աշխատում, մի քանի գործընկեր բժիշկների հետ մասնակցել է Արցախյան  44-օրյա պատերազմին. պատմում է պատերազմում...

Բժշկի ընդունարանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ