Զրույց «ԱՌԻԳ-ՄԵԴ» բժշկական կենտրոնի տնօրեն Դավիթ Ասմարյան հետ(տեսագրություն)

«ԱՌԻԳ-ՄԵԴ» բժշկական կենտրոնը հիմնադրվել է 2011թ.՝ բարձրակագ և փորձառու բժիշկների ջանասիրության արդյունքում: Կենտրոնի տնօրեն,  հիմնադիր Դավիթ Ասմարյանը Մեդ Պրակտիկի  հետ զրույցում խոսեց, թե ինչ ծառայություններ են գործում իրենց կենտրոնում. 

–   «ԱՌԻԳ-ՄԵԴ» բժշկական կենտրոնում գործում են մաշկավեներաբանի, ստոմատոլոգի, սոնոգրաֆիստի, հոգեբանի, կոսմետոլոգի ծառայություններ:  2014թ. կենտրոնը համալրվել է վերջին սերնդի` ֆոտոէպիլյացիայի և ատամների լազերային սպիտակեցման սարքավորումներով: Ֆոտոէպիլյացիա իրականացնող սարքը նախատեսված է ցանկացած տիպի մաշկի համար: Ֆոտոէպիլյացիայից բացի, այս սարքավորման միջոցով հնարավոր է հեռացնել նաև մաշկի վրա առկա պիգմենտները, թարախաբշտերն ու վասկուլիտները:

Դ.Ասմարյանն ընդգծեց, որ «ԱՌԻԳ-ՄԵԴ» բժշկական կենտրոնի մասնագետները վերապատրաստվում են արտերկրում, ունեն համապատասխան հավաստագրեր, ակտիվ մասնակցում են միջազգային գիտաժողովներին: Խոսելով կենտրոնում առկա գնային քաղաքականությունից,  «ԱՌԻԳ-ՄԵԴ» բժշկական կենտրոնի տնօրենը նշեց, որ այստեղ գործում է զեղչային ճկուն համակարգ:

–   Երկու տարի է, ինչ կլինիկան համագործակցում է բոլոր ապահովագրական ընկերությունների հետ: «ԱՌԻԳ-ՄԵԴ»-ում հատուկ զեղչեր են արվում նաև Կիլիկիա թաղամասի բնակիչների համար. կենտրոնը գտնվում է Կիլիկիա թաղամասում (Կիլիկիա թաղամաս, Բարձրաբերդի փող., 7/7 շենք):

Զրույցի վերջում Դ. Ասմարյանը հավելեց. «Սիրով սպասում ենք Ձեզ. Ձեր առողջությունը մեր անձնակազմի գրավականն է»: 

 ԱՌԻԳ-ՄԵԴ բժշկական կենտրոն

Հարցեր, պատասխաններ, մեկնաբանություններ