Խոսք` ուղղված բժիշկ-ուռուցքաբան Մհեր Դավիթի Կոստանյանին

Ցանկանում եմ իմ խորհին շնորհակալությունը հայտնել Վ․Ա Ֆանարջյանի անվան ուռուցքաբանության ազգային ինստիտուտի բժիշկ-ուռուցքաբան Մհեր Դավիթի Կոստանյանին, ում հետ առաջին իսկ հանդիպումը բավականին խոստումնալից էր։

Ի սկզբանե մեզ համար պարզեցինք, որ հանդիպել ենք բարի, գրագետ, հսկայական գիտելիքներով, հմտություններով, ինչպես նաև մարդկային մեծ արժանիքներով օժտված բժշկի։ Բժիշկ, ով կարողացավ արագ ու ճիշտ որոշում կայացնել, ով իմ անընդհատ կրկնվող հարցերին պատասխանում էր ավելի քան համբերատար։

Շնորհակալ եմ Ձեր հուսադրող խոսքերի համար, որոնք մեզ ուժ տվեցին պայքարել այդ չարաբաստիկ հիվանդության դեմ։

Մաղթում եմ Ձեզ քաջ առողջություն, երջանկություն, մասնագիտական հաջողություններ եւ անձնական բարեկեցություն։ 

Թագուհի Մելիքյան
Երևանի պետական համալսարան

Հարցեր, պատասխաններ, մեկնաբանություններ