Ինչո՞ւ են արյունահոսում լնդերը. ատամնաբույժ Արմեն Կոտիկյան (տեսանյութ)

Լնդային արյունահոսության պատճառները տարբեր են լինում: Ըստ մասնագետի՝ կան ընդհանուր պատճառներ եւ հիմնական: Թիվ 2 բուժմիավորման ատամնաբուժական բաժանմունքի վարիչ Արմեն Կոտիկյանն ընդհանուր պատճառներից առանձնացրեց օրգանիզմի նյութափոխանակության խանգարումները, ինչպես նաեւ օրգանիզմում որոշ տարրերի բացակայությունը՝ հատկապես վիտամին C-ի պակասը: 

Աղեստամոքսային տրակտի խանգարումների հետեւանքով՝ ըստ Կոտիկյանի, նույնպես կարող են լնդային արյունահոսություններ լինել: 

Հիմնական պատճառներից նա մատնանշեց ոչ ճիշտ տեղադրված պլոմբները, օրթոպեդիկ կառույցները, ինչպես նաեւ օրթոդոնտիկ շինաները, որոնք բերանի խոռոչում կարող են առաջացնել բորբոքային գործընթացներ:

Երբեմն լնդային արյունահոսության պատճառ կարող են լինել մեխանիկական վնասվածքները. կան մարդիկ, ովքեր սիրում են ատամի խոզանակով կոշտորեն մաքրել ատամները, որը նույնպես հնարավոր է առաջացնի լնդային արյունահոսություն: Ուստի, խորհուրդ է տրվում խոզանակի ճիշտ ընտրություն կատարել: 

Ա. Կոտիկյանը հորդորեց չանտեսել լնդային արյունահոսությունն ու ժամանակին կանխել այն՝ հեռացնելով ատամնափառը, ատամնաքարերը: 

Հարցեր, պատասխաններ, մեկնաբանություններ