Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկներ

Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության կազմակերպիչ Լեո Բոկերիան

Դեկտեմբերի 22-ին ծնվել է ռուս սրտային վիրաբույժ, գիտնական և բժշկական գիտության  կազմակերպիչ Լեո Բոկերիան

Բոկերիան աշխարհի այն քիչ սրտավիրաբույժների շարքին է դասվում, ովքեր կատարում են սրտի հետ կապված վիրահատությունների հայտնի արսենալ՝ ամենատարբեր ախտահարումների դեպքում: Վիրահատություններից շատերն այսօր աշխարհում չունեն իրենց նմանակները:

 

Լեո Անտոնովիչ Բոկերիան ծնվել է 1939 թ. դեկտեմբերի 22-ին Օչամչիրա քաղաքում (Աբխազիա): 1965 թ. ավարտել է Ի. Մ. Սեչենովի անվան առաջին Մոսկովյան բժշկական ինստիտուտը և ընդունվել  ասպիրանտուրա՝ տեղագրական անատոմիայի և օպերատիվ վիրաբուժության ամբիոն:

 

Ուսումն ավարտելով 1968 թ.՝ Բոկերիան գործուղվել Բակուլևի անվան Սրտանոթային ինստիտուտ, որպես ավագ գիտաշխատող: Այստեղ 1974-1977 թթ. ղեկավարել է հիբերբարիկ օքսիգենացիայի լաբորատորիան, ապա գիտության գծով նշանակվել տնօրենի տեղակալ և սրտի ռիթմի խանգարումների վիրաբուժական բաժանմունքի ղեկավար:

 

1994 թ. Լեո Անտոնովիչը ղեկավարել է Ա. Ն. Բակուլևի անվան Բժշկական գիտությունների ռուսաստանյան ակադեմիայի (ԲԳՌԱ) Սրտանոթային վիրաբուժության գիտական կենտրոնը (ՍՎԳԿ):

 

Բոկերիայի գիտական գործունեության հիմնական ուղղությունը սրտի տարբեր հիվանդությունների վիրաբուժությունն է՝ կիրառելով ախտորոշման և բուժման նոր մեթոդներ: Նա անձամբ կատարել է ավելի քան 200 սրտի վիրահատություններ, որոնցից շատերը բացառապես նորամուծություններ են վիրաբուժական պրակտիկայում:

 

Լեո Անտոնովիչը մեծ ներդրում է կատարել սրտի ռիթմի խանգարումների վիրաբուժության և իշեմիական հիվանդությունների բուժման հարցում: Նրա կողմից կատարվել են առաջին բարեհաջող վիրահատությունները, որոնք զգալիորեն ընդլայնել են ավելի վաղ շրջանում ոչ վիրահատական համարվող հիվանդների բուժման հնարավորությունները: Նա նաև նվազագույն ինվազիվ վիրաբուժության նախաձեռնողն է:

 

Սրտային վիրաբույժի հատուկ ծառայությունն առաջինն աշխարհում կատարել է սրտի արհեստական փորոքների և կարդիովերտեր-դեֆիբրիլյատոր իմպլանտացիան: Նրա կողմից բազմաթիվ նման վիրահատություններ են կատարվել, այդ թվում` առաջին անգամ նաև երեխաների մոտ: Իր գործունեության ողջ ընթացքում ակտիվորեն կիրառել է փորձարարական մեթոդը: Մի շարք վիրահատություններ և մեթոդներ փորձարկումից հետո շարունակել են իրականացվել կլինիկայում, իսկ այժմ լայնորեն կիրառվում են ոչ միայն Ռուսաստանում, այլև արտասահմանում: Նա բազմիցս մեկնել է արտասահման` կատարելու ցուցադրական վիրահատություններ:

 

Լեո Անտոնովիչի նախաձեռնությամբ Բակուլեվի անվան ԲԳՌԱ ՍԱՎԳԿ բացվել են մի շարք նոր կլինիկական բաժանմունքներ, որոնք ունեն բարձրագույն ախտորոշիչ և բուժական պոտենցիալ: Ինտենսիվ վիրահատական գործունեության և ծավալուն վարչական աշխատանքին համատեղ` կենտրոնի տնօրեն Բոկերիան նաև ակտիվ դասավանդում է:

 

Լեո Բոկերիան Ռուսաստանում խոշորագույն սրտային վիրաբուժական դպրոցի հիմնադիրն է, Ի.Մ. Սեչենովի անվան Մոսկովյան բժշկական ակադեմիայի սրտանոթային վիրաբուժության ամբիոնի վարիչը, Ռուսաստանի ակադեմիայի հետդիպլոմային կրթության և Դեղա-ստոմատոլոգիական համալսարանի հետբուհական կրթության ֆակուլտետի ղեկավարը, այսպիսով՝ դաստիարակելով բժիշկների այդ ոլորտի մի ողջ սերունդ:

 

Բոկերիան Ռուսական ակադեմիայի բժշկական գիտությունների պրեզիդիումի անդամ և ակադեմիկոս է, վիրաբույժների մի շարք միջազգային ասոցիացիաների իրական անդամ, Համառուսաստանյան հասարակական կազմակերպության նախագահ, ՌԴ Հասարակական պալատի անդամ, Բակուլեվի անվան ԲԳՌԱ ՍԱՎԳԿ տնօրեն, Առողջապահության նախարարության գլխավոր սրտային վիրաբույժը, բժշկական գիտությունների դոկտոր, պրոֆեսոր:

 

Լեո Անտոնովիչին են պատկանում ավելի քան 150 պատենտներ՝ գյուտեր, օգտակար մոդելներ, ռացիոնալ առաջարկություններ, նրա կողմից հրապարակվել են հազարավոր հոդվածներ, ավելի քան հարյուրը` արտասահմանում: Նա մի շարք խնդրահարույց մենագրությունների հեղինակ է և Ռուսաստանի սրտանոթային վիրաբուժության ղեկավարը: Նա նաև «Ա. Ն. Բակուլեվի անվան ԲԳՌԱ ՍԱՎԳԿ բյուլետեն» («Бюллетень НЦССХ им. А.Н. Бакулева РАМН») և «Կրծքային և սրտանոթային վիրաբուժություն» («Грудная и сердечно-сосудистая хирургия») պարբերականների գլխավոր խմբագիրն է, «Վիրաբուժության տարեգիրք» («Анналы хирургии») և «Դոկտոր» («Доктор») պարբերականների հիմնադիրը:

 

Լենինյան և Պետական մրցանակների դափնեկիր, ՌԴ գիտության վաստակավոր գործիչ Բոկերիան պարգևատրվել է «Հայրենիքի հանդեպ կատարած պարտքի» («За заслуги перед Отечеством») 2-րդ և 3-րդ աստիճանի շքանշանով, Պատվո շքանշանով (Վրաստան), Ռուսական Ուղղափառ Եկեղեցու պատվելի Սերգեյ Ռադոնեժսկու 2-րդ աստիճանի շքանշանով և այլ մրցանակներով, ինչպես Ռուսաստանի, այնպես էլ այլ երկրների մի շարք միջազգային և հայրենական հասարակական մրցանակներով: Լեո Բոկերիան Փոթի և Թբիլիսի քաղաքների պատվավոր քաղաքացի է:

 

Բոկերիան ամուսնացած է: Կնոջ` Օլգայի հետ, նա ծանոթացել էր դեռևս ինստիտուտում սովորելու տարիներին: Նրանց դուստրերը՝ Եկատերինան և Օլգան նույնպես բժիշկներ են: Արդեն պապիկ է...

Սկզբնաղբյուր. Calend.ru
Աղբյուր. med-practic.com
Թարգմանությունը. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ. Արեգ Սեփյան
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ. Արեգ Սեփյան

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը

Վալենտին Իվանովիչ Դիկուլը ծնվել է 1948 թ. ապրիլի 3-ին Կաունաս (Լիտվա) քաղաքում: Ծնողների մահվան պատճառով տղան ապրել է մանկատանը: Այնտեղ նա սովորել է ձեռնածություն և ակրոբատիկա...

Հիշարժան օրեր, տարեթվեր, տոներ
Հայաստանում բժշկական ապահովագրության ներդրումը` արդի պահանջ. հարցազրույց ՀԲԱ նախագահ Արմեն Սողոյանի հետ
Հայաստանում բժշկական ապահովագրության ներդրումը` արդի պահանջ. հարցազրույց ՀԲԱ նախագահ Արմեն Սողոյանի հետ

Դեռևս 2019 թ. դեկտեմբերին կայացած Հայկական բժշկական ասոցիացիայի և առողջապահության ոլորտի մասնագիտական ասոցիացիաների համատեղ կազմակերպված խորհրդաժողովի ընթացքում քննարկվեց...

Հրատապ թեմա Հայաստանում
Հայրենի Բազմավաստակ Բժիշկ Հոգեբոյժ՝ Յարութիւն Մինասեան. hairenikweekly.com
Հայրենի Բազմավաստակ Բժիշկ Հոգեբոյժ՝ Յարութիւն Մինասեան. hairenikweekly.com

Առաջին հանդիպումս բժիշկ հոգեբոյժ Յարութիւն Մինասեանին հետ եղաւ 2017-ի վերջաւորութեան դիմատետրի բարիքներուն շնորհիւ, երբ «Հայ բժիշկներուն, ատամնաբուժներուն եւ դեղագործներուն ոդիսականը հայկական ցեղասպանութեան ընթացքին»...

Գիրք բժիշկ-գրողների մասին կամ ինչ է բժշկական տրուենտիզմը
Գիրք բժիշկ-գրողների մասին կամ ինչ է բժշկական տրուենտիզմը

Որպես հասարակության մշակույթի և զարգացման կարևոր երևույթ «տրուենտիզմ» հասկացությունը ի հայտ է եկել 1936 թ., երբ բրիտանացի անվանի վիրաբույժ լորդ Բյորկլի Մոյնիգանը (1865-1936) Քեմբրիջի համալսարանում կարդացած...

«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»...

Բժշկի ընդունարանում
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժշկի ընդունարանում Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժշկի ընդունարանում Սալուտեմ 3.2021
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Բժշկի ընդունարանում
Իմ պացիենտներն իմ հարազատներն են. Հայկ Բալայան. «Արամյանց» ԲԿ
Իմ պացիենտներն իմ հարազատներն են. Հայկ Բալայան. «Արամյանց» ԲԿ

Վիրաբուժությունը երկար ու դժվար ուղի է: Բժշկական գիտելիքներից ու վիրաբուժական ունակություններից բացի այստեղ պահանջվում են ուժեղ կամային հատկություններ, համբերություն ու սեր մասնագիտության հանդեպ...

Սրտաբանի մոտ խորհրդատվության ժամանակ. nairimed.com
Սրտաբանի մոտ խորհրդատվության ժամանակ. nairimed.com

«Նաիրի» բժշկական կենտրոնի սրտաբանների կողմից մշտապես հսկվում են ամենատարբեր սրտաբանական խնդիրներ ունեցող պացիենտներ (առիթմիաներ, զարկերակային գերճնշման խնդիրներ, սրտամկանի կաթված...

Սրտանոթաբանություն Բժշկի ընդունարանում
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2
«Մի՛ վնասիր» սկզբունքը բժշկի համար պետք է լինի առաջնային». Միքայել Նարիմանյան. Սալուտեմ ամսագիր №2

Մեր զրուցակիցն է ԵՊԲՀ Ընտանեկան բժշկության ամբիոնի վարիչ, բժշկագիտության դոկտոր, պրոֆեսոր Միքայել Նարիմանյանը...

Բժշկի ընդունարանում Սալուտեմ 2.2021
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2
«Բժշկի ուղին սրտի կանչով եմ ընտրել». Սամսոն Խաչատրյան. Սալուտեմ ամսագիր №2

Մեր զրուցակիցն է ՀՀ ԱՆ նյարդաբանության գծով խորհրդատու, Առողջապահության ազգային ինստիտուտի Նյարդաբանության և նեյրովիրաբուժության ամբիոնի վարիչ, նյարդաբան, սոմնոլոգ Սամսոն Խաչատրյանը.:...

Բժշկի ընդունարանում Սալուտեմ 2.2021
Աշխատանքային գործընկերներից՝ մարտական ընկերներ. Սալուտեմ ամսագիր №2
Աշխատանքային գործընկերներից՝ մարտական ընկերներ. Սալուտեմ ամսագիր №2

«Ավագյան» բժշկական կենտրոնի 4 բժիշկ պատահաբար գործընկերներ դարձան նաև հոսպիտալում:
Արցախյան 44-օրյա պատերազմի ընթացքում գրեթե բոլոր բուժհաստատությունները և բուժաշխատողների...

Բժշկի ընդունարանում Սալուտեմ 2.2021

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ