«Գոյության պարկուճ». ամերիկացիները մարդուն բոլոր տեսակի բնական աղետներից պաշտպանող հարմարանք են ստեղծել. tert.am

Ամերիկացի ինժեներները ստեղծել են պարկուճ, որը նախատեսված է մարդու կյանքն ամեն տեսակի բնական աղետներից` ցունամիներից, փոթորիկներից, պտտահողմերից, երկրաշարժերից ու ջրհեղեղներից պաշտպանելու համար:
 
Ինչպես նշում է The Daily Mail-ը, «Գոյության պարկուճն» արտաքնապես գնդաձև է, ունի փոքրիկ պատուհաններ, որոնց միջոցով ներսում գտնվողը կարող է հետևել, թե ինչ է կատարվում դրսում:

Երկու հոգու համար նախատեսված պարկուճը պատրաստված է ալյումինից, իսկ ներսից այն պատված է այնպիսի նյութերով, որոնք թույլ չեն տա մարդուն մրսել:

Ինժեներների խոսքերով՝ «Գոյության պարկուճը» նախատեսված է բնական աղետի ժամանակ  ապահով պատսպարվելու ու փրկարարների գալուն սպասելու համար:

Թեև նորույթի գինը չի հրապարակվել, այնուհանդերձ` դրա նախնական պատվերներն արդեն ընդունվում են:

Հարցեր, պատասխաններ, մեկնաբանություններ