Sony-ն կթողարկի տեսանյութ նկարահանող կոնտակտային լինզաներ. 1in.am

Ճապոնիայում առաջիկայում կսկսեն թողարկել կոնտակտային լինզաներ, որոնց օգնությամբ հնարավոր կլինի լուսանկարել, ինչպես նաև նկարահանել տեսանյութ: Ինչպես հայտնել են IFLScience.com պորտալում, Sony կորպորացիան ձևակերպում է այդպիսի լինզաների արտադրման արտոնագիր:

Մշակողների մտահղացմամբ՝ լինզաները կկարողանան կատարել հրամանները աչքերը միտումնավոր փակելու ազդեցության ներքո: Աչքերը փակելը տևողությամբ պետք է տարբերվի ակամա թարթելու պրոցեսից: Նոր լինզաները հնարավորություն կունենան կենտրոնացնել, հեռացնել և մոտեցնել պատկերը, սակայն սկզբում նկարահանման որակը բարձր չի լինի:

IFLScience.com պորտալում հայտնում են, որ նոր կոնտակտային լինզաները կունենան սմարթֆոնին անլար միանալու գործառույթ: Sony-ն առայժմ չի ստացել արտոնագիրը, քանի որ այն քննարկման փուլում է, և հնարավոր է, որ հավանության արժանանա առաջիկայում:

Հարցեր, պատասխաններ, մեկնաբանություններ