Մարդիկ ունակ չեն օբյեկտիվորեն գնահատել իրենց արտաքինը. գիտնականներ. 1in.am

Gazeta.ru-ի փոխանցմամբ՝ հետազոտողները պարզել են, որ մարդն իր սեփական արտաքինն ընկալում է ոչ այնպես, ինչպես՝ շրջապատը: Գիտնականների այդ եզրակացության հետ կարելի է ծանոթանալ Тhe British Journal of Psychology-ում:

Հետազոտությանը մասնակցել է 130 մարդ, որոնց խնդրել են ընտրել 10 սեփական լուսանկար և դրանք դնել ըստ հերթականության՝ հաշվի առնելով դրանց նմանությունն իր արտաքին տեսքին: Ապա հետազոտողները վեբ-տեսախիցկների օգնությամբ կատարել են ևս երկու լուսանկար և 1 րոպե տևողությամբ տեսանյութ, որոնցում պատկերված է փորձի մասնակիցը:

Դրանից հետո բոլոր 12 լուսանկարներն ու տեսանյութը ցուցադրվել են 73 անծանոթ մարդու, ովքեր պետք է ասեին, թե որ լուսանկարներն են լավագույն ձևով արտացոլում մարդու իրական արտաքինը: «Անկախ փորձագետների» կատարած ընտրությունն էականորեն տարբերվել է փորձի մասնակիցների ընտրությունից: Հետազոտության հեղինակները կարծում են, որ ստացված արդյունքներն ապացուցում են՝ մարդիկ ունակ չեն օբյեկտիվորեն գնահատել իրենց արտաքինը:

Հարցեր, պատասխաններ, մեկնաբանություններ