Ուլտրամանուշակագույն ճառագայթներով տպագրություն. ankakh.com

Կալիֆոռնիական համալսարանի աշխատակիցները ստեղծել են թուղթ, որի վրա կարելի է տպագրել ուլտրամանուշակագույն ճառագայթների օգնությամբ:

Աշխատանքի սկզբունքը թթվա-վերականգնողական ռեակցիան է: Նոր սերնդի թուղթը ծածկված է ներկանյութով, որը սպիտակ է դառնում հատուկ պրինտերի ուլտրամանուշակագույն ճառագայթների ազդեցությամբ:

Թուղթը ստեղծողներն ասում են, որ պրինտերը «սպիտակեցնում» է մակերեսը` տառերն ու տեքստի նշանագրերը չծածկելով: Նրանք հավատացնում են, որ այդ թուղթը կարելի է նույնիսկ կրկին օգտագործել: Թղթի վրա «տպագրվածից» ազատվելու համար պետք է այն կրկին թթվեցման ենթարկել ու գունազրկված ներկանյութը նախկին տեսքը կստանա: Այսպես. եթե շերտը տաքացվի մինչև 115°C, ապա թղթի վերականգումն ընդամենը 10 րոպե կտևի:

Նրանք հավատացնում են, որ այդ տարբերակով, նույն թուղթը կարելի է մինչև 20 անգամ գործածել, առանց տպագրության որակի կորստի:

Ավելի վաղ չինացի գիտնականներն էին ստեղծել մի թուղթ, որի վրա կարելի էր գրել սովորական ջրով: Նրանք իրենց ստեղծած թուղթը տոգորել էին հատուկ նյութով. դրա վրա գրելու համար պետք էր հասարակ ջուր կիրառել:

Հարցեր, պատասխաններ, մեկնաբանություններ