Նոր թևնոցի միջոցով անկանխիկ վճարումների դեպքում մարդու ինքնությունը կհաստատվի նրա սրտխփոցով. tert.am

Կանադական Bionym սթարթափը թևնոց է մշակել, որը կսկանավորի կրողի սրտխփոցը` դրանով հաստատելով նրա ինքնությունը: Թևնոցը կօգտագործվի անկանխիկ վճարումներ կատարելու համար՝ PayPass-ի վճարային տերմինալներում։  

Ինչպես հայտնում է Rbc.ru-ն` օրինակ, խանութում Apple Pay համակարգով վճարումներ անելիս անհատական ծածկագրի (Pin-code) ներմուծման փոխարեն iPhone-ի Home ստեղնում ներկառուցված է մատնահետքերի հատուկ սկաներ։ Իսկ ահա այս թևնոցը մարդու ինքնության հաստատման համար կիրառում է մարդու սրտխփոցի ռիթմը։  

Nymi-ի գլխավոր առավելությունն այն է, որ այն անկախ գաջեթ է, որը կարելի է պարզապես հագցնել դաստակին. սմարթֆոն կամ այլ հավելյալ սարք անհրաժեշտ չէ։  

Տեխնոլոգիան կարող է կիրառվել ո՛չ միայն վճարումների, այլև ցանկացած էլեկտրոնային համակարգում ծածկագրի հավաքման համար:

Հարցեր, պատասխաններ, մեկնաբանություններ