Գիտնականները առաջարկել են երեխաների կեղտոտ տակդիրների վրա սունկ աճեցնել. 1in.am

Մեքսիկացի գիտնականները օգտագործված տակդիրները կիրառելու յուրահատուկ միջոց են գտել: Նրանք առաջարկում են դրանց վրա սունկ աճեցնել: Ուսումնասիրողները պարզել են, որ սնկերը սնվում են ցելյուլոզով, որը մտնում է ցանկացած տակդիրի բաղադրության մեջ: Մանրացնելով տակդիրները՝ նրանք հիմք են ստեղծել, որի վրա սկսել են սունկ աճեցնել:

Մեքսիկան միանգամյա տակդիրների օգտագործման քանակով աշխարհում երրորդ երկիրն է: Միջինում երեխան 8 հազար տակդիր է օգտագործում միչ այն պահը, երբ նա սովորում է գիտակցաբար և ինքնուրույն հոգալ բնական կարիքները: Իսկ այդ ընթացքում նրա օգտագործած տակդիրները 8 տոննա աղբ են կազմում:

Առաջին փուլում գիտնականները հավաքել են միայն մեզ պարունակող տակդիրները, դրանք ախտահանել են, ապա  մանրացրել և խառնել են լիգնին կոչվող նյութի հետ:

Երկու շաբաթ անհրաժեշտ խոնավություն և լուսավորություն ապահովելու դեպքում կարելի է հավաքել բերքը, գրում է Mail Online-ը:

Հավաքած բերքի անալիզները ցույց են տվել, որ նման մեթոդով աճեցված սնկերը նույն բաղադրությունն ունեն, ինչ և խանութներում վաճառվող սովորական սնկերը:

Հարցեր, պատասխաններ, մեկնաբանություններ