Մարդ, ով «չի շնչում». ռեկորդակիր դանիացին կարողանում է ջրի տակ շունչը պահել 22 րոպե (լուսանկարներ)

Դանիացի Ստիգ Սևերինսենը (Stig Severinsen), ում շատ հաճախ անվանում են «մարդ, ով չի շնչում», ունի բացառիկ տաղանդ. նա կարողանում է ջրի տակ շունչը պահել 22 րոպե։ Իր յուրահատկության շնորհիվ տղամարդը բազմաթիվ ռեկորդներ է սահմանել. դրանցից վերջինը գրանցվել է 2012թ. հոկտեմբերին՝ Լոնդոնի լողավազաններից մեկում։
 
Ինչպես նշում է The Daily Mail-ը, նա նաև ռեկորդ է սահմանել կարճ ժամանակում ջրի տակ լողալով երկար տարածություն անցնելու համար՝ 2 րոպե 11 վայրկյանում անցնելով 152 մ 40 սմ տարածք։

Քառասունմեկամյա Սևերինսենը սկսել է ֆրիդայվինգով զբաղվել 2003թ.։ Դրանից 1 տարի անց նա արդեն 3 ռեկորդ է սահմանել։ Նա նաև գիրք է գրել, որն օգնում է մարդկանց բացահայտել իրենց մեջ ապրող «ձկանն» ու կարողանալ ջրի մեջ կառավարել շնչառությունը։

Դանիացին պատմել է, որ ներկայում որևէ մտադրություն չունի հերթական ռեկորդը սահմանել ու զբաղվում է իր գիտելիքները մյուս մարդկանց, այդ թվում նաև երեխաներին փոխանցելով։

Հարցեր, պատասխաններ, մեկնաբանություններ