Նոր սարքավորումը հնարավոր կդարձնի առ-ցանց հպումները. 1in.am

Շատ ճանապարհորդող մարդիկ հաճախ են համացանցով շփվում իրենց հարազատների հետ, սակայն, նույնիսկ այդպիսի շփումները չեն կարող հնարավորություն տալ մարդկանց՝ դիպչել միմյանց, գրում է Mail Online-ը:

Հասկանալով, թե ինչքան կարևոր է բռնել սիրելի մարդու ձեռքը, գիտնականները անթել աքսեսուար են ստեղծել, որը հնարավորություն է տալիս հպել զրուցակցի ձեռքին, որտեղ էլ նա լինի:

Գաջեթն օգտագործում է շոշափողական տեխնոլոգիան, որպեսզի ստեղծի այն զգացողությունը, որը տալիս է ձեռքսեղմումը: Frebble-ը հոլանդացի գործարար Ֆրեդերիկ Փեթրիջնանիի մտահաղացումն է, ով այժմ փորձում է Kickstarter-ում միջոցներ հավաքել սերիական արտադրություն ստեղծելու համար:

Bluetooth սարքավորումը նախատեսված է նրանց համար, ում բաժանում են հարյուրավոր կիլոմետրեր: Երբ այն սեղմում է զրուցակիցներից մեկը, ապա մյուսը զգում է ձեռքսեղմումը: Այն կարելի է օգտագործել այնպիսի ծառայությունների հետ, ինչպիսիք են Skype-ն ու Google Hangouts-ը:

Նորույթի գինը մոտավորապես 100 դոլար կկազմի:

Հարցեր, պատասխաններ, մեկնաբանություններ