Բրիտանացի ինժեները յուրահատուկ տնտեսող կաթսա է ստեղծել

Օքսֆորդի համալսարանից ինժեներ Թոմաս Պոուվին, ով զբաղվում է հրթիռային շարժիչների սառեցման համակարգերով, որոշել է իր գիտելիքներն օգտագործել ջերմատեխնիկայում եւ էլեկտրականությունը տնտեսող կաթսա է ստեղծել:

Այն սնունդ պատրաստելիս 40%-ով ավելի քիչ ջերմություն է պահանջում, քան նույն ծավալի սովորական կաթսաները:

Պոուվին, ով նաեւ լեռնագնաց է, այդ խնդրի շուրջ մտածել է, երբ լեռներում չի կարողացել ջուր եռացնել, քանի որ ջերմության մեծ մասն օդ էր բարձրանում: Պոուվիի կաթսան հատուկ կողեր ունի, որոնք ջեռոցի գազին ստիպում են հոսել դեպի սպասքի կողային հատվածները եւ ավելի արդյունավետ փոխանցել ջերմությունը:

«Մենք օգտագործեցինք շարժիչների ստեղծման ժամանակ օգտագործվող մեր գիտելիքները՝ կաթսան էներգետիկ առումով արդյունավետ դարձնելու համար»,- պարզաբանել է ինժեները: Ըստ Газета.Ру-ի, կաթսան արժե 50 ֆունտ սթեռլինգ:

Հարցեր, պատասխաններ, մեկնաբանություններ