British Airways-ը փորձարկում է «երջանկության» ծածկոց, որը ստուգում է ուղևորի տրամադրությունը (լուսանկարներ)

Բրիտանական British Airways ավիաընկերությունը փորձարկում է բավական ուշագրավ ծածկոց, որը փոխելով գույնը, ցույց է տալիս, թե որքանով է տվյալ ուղևորը բավարարված չվերթի ժամանակ սպասարկման որակից։

Ինչպես նշում է The Daily Mail-ը, «հայ-թեք» ծածկոցը, որն անվանում են նաև «երջանկության» ծածկոց, նյարդային զգայունության միջոցով գնահատում է ուղևորի բավարարվածության աստիճանը, որից  կախված էլ ծածկոցը փոխում է իր գույնը։

Օրինակ, եթե ուղևորը գոհ չէ սպասարկման որակից կամ ինչ-որ այլ բանից, ապա ծածկոցը կարմրում է, իսկ եթե ամեն ինչ կարգին է, ապա դրա գույնը կարող է տատանվել կապույտից մինչև մանուշակագույն։
 
Ուշագրավ նորույթն առաջին անգամ փորձարկվել է BA189 Dreamliner ինքնաթիռում, որը Լոնդոնից Նյու Յորք է մեկնել։
 

Հարցեր, պատասխաններ, մեկնաբանություններ