1964 թ. հունիսի 23-ին Արթուր Մերլինն ու Ռիչարդ Կնեռը արտոնագրեցին մարմնամարզական օղակը (հուլա-հուպը)՝ Hula-Hoop-ը

1985 թ. Ռիչարդ Ջոնսոնն իր գրքում գրել էր. «Ոչ մի սենսացիա չէր գրավել երկիրն այնպես, ինչպես Hula-Hoop-ը»:

Առաջին Hula-Hoop-երը սկսել են պատրաստել խաղալիքագործներ Արթուր Մերլինն ու Ռիչարդ Կնեռը, ովքեր Wham-O կալիֆորնիական ընկերության հիմնադիրներն են: Անսովոր Wham-O անունը նշանակում էր նրանց առաջին խաղալիք ճեղապարսատիկի հանած ձայնը: Hula-Hoop-ի միտքը Ավստրալիայից եկած մի մարդ էր տվել, ով ասաց, որ իր երկրում ֆիզկուլտուրայի դասին երեխաները գոտկատեղի շուրջը բամբուկե օղակներ են պտտեցնում:

Երկար չմտածելով՝ Արթուր Մերլինն ու Ռիչարդ Կնեռն օղակի իրենց սեփական տարբերակը մշակեցին և առաջին փորձերը Պասադենա քաղաքի տարրական դպրոցում անցկացրեցին: Օղակն արտոնագրվեց 1964 թ. հունիսի 23-ին: Ստեղծողները երեխաներին խոստացան, որ նրանց օղակներ կնվիրեն, եթե նրանք դրանք լավ պտտեցնել սովորեն:

Օղակի միտքն այնքան էլ նոր բան չէր: Դրանցից հայտնաբերվել են հին Եգիպտոսում, որոնք եգիպտական բարձրաստիճան պաշտոնյաների գերեզմաններում էին դրվում, իսկ Բրիտանական թանգարանում օղակ պտտող ատլետի պատկերով ծաղկաման կա:

Օղակը Hula-Hoop անվանեցին: Այն արագ հայտնի դարձավ և գրավեց շուկան: 1985 թ. Ռիչարդ Ջոնսոնն իր գրքում գրել էր. «Ոչ մի սենսացիա չէր գրավել երկիրն այնպես, ինչպես Hula-Hoop-ը»:

Ընկերության գործերը կտրուկ լավացան և սկսեցին օրական 20 հազար Hula-Hoop արտադրել՝ յոթ երկրների գործարաններում: Շատ ընկերություններ ևս սկսեցին իրենց մոդիֆիկացված Hula-Hoop-երն արտադրել: Չորս ամսվա ընթացքում 25 մլն. Hula-Hoop վաճառվեց:

Հարցեր, պատասխաններ, մեկնաբանություններ