1894 թ. հունիսի 23-ին Միջազգային մարմնամարզական կոնգրեսը հավանության արժանացրեց Պյեր դե Կուբերտենի՝ հին հունական օլիմպիադաների ավանդույթը վերականգնելու վերաբերյալ առաջարկությունը

1896 թ. ապրիլի 6-ին Աթենքում ազդարարվեց Առաջին ժամանակակից Օլիմպիական խաղերի բացումը: Դրանց հաջողությունից հետո որոշվեց Օլիմպիական խաղեր անցկացնել պարբերաբար՝ չորս տարին մեկ, նահանջ տարում:

1894 թ. հունիսի 23-ին Փարիզի Սորբոնի համալսարանում կայացած Միջազգային մարմնամարզական կոնգրեսում ելույթ ունեցավ ֆրանսիացի հասարակական գործիչ և սպորտով խանդավառված բարոն Պյեր դե Կուբերտենը: Նա այնտեղ հավաքվածներին ծանոթացրեց Օլիմպիական խաղերի՝ իր կողմից մշակված կազմակերպչական հիմունքների հետ:

Դե Կուբերտենի առաջարկությունը ծափահարություններով ընդունվեց, և բարոնի՝ հին հունական օլիմպիադաների ավանդույթը վերականգնելու վերաբերյալ առաջարկությունը կոնգրեսը հավանության արժանացրեց, որպեսզի չորս տարին մեկ «մրցակցային խաղեր անցկացվեն՝ բոլոր ազգերի ներկայացուցիչների մասնակցությամբ»:

Օլիմպիական խաղերի ավանդույթը վերականգնելուց բացի, այդ նույն օրը նաև կոնգրեսի որոշումներն իրագործելու համար հանձնաժողով ստեղծվեց (Միջազգային օլիմպիական կոմիտե), ինչի կազմում մտան տասներկու երկիր-մասնակիցների ներկայացուցիչները, այդ թվում Ռուսաստանի, Հունաստանի, Ֆրանսիայի, Դանիայի, Իսպանիայի, Իտալիայի, Անգլիայի, ԱՄՆ ներկայացուցիչները:

Կոմիտեի առաջին նախագահը հույն Դեմետրիուս Վիկելասը դարձավ, իսկ գլխավոր քարտուղարը՝ բարոն Պյեր դե Կուբերտենը: Կոնգրեսը 1896 թ. այս խաղերի անցկացման նախահայր Հունաստանում առաջին օլիմպիական խաղերի անցկացման վերաբերյալ որոշում կայացրեց:

1896 թ. ապրիլի 6-ին Աթենքում ազդարարվեց Առաջին ժամանակակից Օլիմպիական խաղերի բացումը: Դրանց հաջողությունից հետո որոշվեց Օլիմպիական խաղեր անցկացնել պարբերաբար՝ չորս տարին մեկ, նահանջ տարում:

Հարցեր, պատասխաններ, մեկնաբանություններ