1889 թ. հունիսի18-ին ամերիկացի Ուիլիամ Ռիչարդսոնն արտոնագրեց մանկասայլակը

Այդ ժամանակներից մինչև օրս մանկասայլակը մի ամբողջ էվոլյուցիա է անցել և դեռ այն ժամանակներից մանկաբույժների քննադատությանն արժանացած ծանր կառույցից վերածվել է փոխադրման հարմարավետ միջոցի:

Մանկասայլակների իսկական նորաձևությունն առաջացավ՝ սկսած 1840 թվականից, երբ անգլիական Վիկտորիա թագուհին, ով ինը երեխաների մայր էր, իր երեխաների հետ ցանկացավ ինքն անձամբ զբոսնել թագավորական այգում: Շուտով մանկասայլակների նորաձևությունը տարածվեց Եվրոպայի ազնվականների բոլոր շրջաններում:

Նեղ անիվներով բարձր մանկասայլակներ կային, որոնք նախատեսված էին վատ ճանապարհի վրա հեշտությամբ քշելու համար, կային նաև փոքր անիվներով ցածր մանկասայլակներ, որոնք նախատեսված էին ավելի հարթ մակերևույթներով քշելու համար: Մանկասայլակները պատվերների հիման վրա էին պատրաստվում, և իրենց ձևով դրանք կառքերի և դիլիժանսների էին նման:

1889 թ. հունիսի 18-ին Բալտիմորի արտոնագրային գրասենյակ եկավ Ուիլիամ Ռիչարդսոնը՝ մանկասայլակների պատմության մեջ հերթական հեղաշրջման մտքով: Նա մանկասայլակի շրջելի մոդելը հնարեց, որում երեխան կարող էր քշողին ինչպես դեմքով, այնպես էլ մեջքով նստել: Բացի այդ, Ուիլյամն իր մոդելում առանցքներ էր մտցրել, որոնք մանկասայլակին ճկունություն հաղորդեցին:

Մինչ այդ առանցքներն ու անիվները միասնական էին, ինչը թույլ չէր տալիս դրանց առանձին-առանձին պտտել: Ռիչարդսոնի մանկասայլակի անիվները կարող էին 360 աստիճանով շարժվել՝ իրարից բոլորովին անկախ:

Այդ ժամանակներից մինչև օրս մանկասայլակը մի ամբողջ էվոլյուցիա է անցել և դեռ այն ժամանակներից մանկաբույժների քննադատությանն արժանացած ծանր կառույցից վերածվել է փոխադրման հարմարավետ միջոցի:

Հարցեր, պատասխաններ, մեկնաբանություններ