Մայիսի 17, 153 տարի առաջ 1-ին անգամ հրապարակայնորեն ցուցադրվեց ֆիզիկոս Ջեյմս Մաքսվելիի մեթոդով կատարված գունավոր լուսանկարը

Լոնդոնի Քինգզ-քոլեջում 1861թ. մայիսի 17-ին առաջին անգամ հրապարակայնորեն ցուցադրվեց շոտլանդացի ֆիզիկոս Ջեյմս Մաքսվելիի (1831–1879) մեթոդով կատարված գունավոր լուսանկարը:

Որպես լուսանկարվող առարկա Մաքսվելին ընտրեց սև թավշյա ֆոնի վրա շոտլանդական վանդակավոր ժապավենը:

Մեթոդի էությունը հետևյալն էր. կարմիր, կանաչ և կապույտ հեղուկներով լցված ապակյա անոթների միջոցով Էկրանի վրա միաժամանակ հայտնվում էին երեք ապակե պոզիտիվներ, որոնցից յուրաքանչյուրը տպվում էր համապատասխան զտիչի միջոցով: Տվյալ փորձում զտիչի դերը խաղում էր անոթը: Այնուհետև, նկարները իրար վրա էին դրվում, և լուսանկարը ստացվում էր:

Մաքսվելի ժամանակակիցների կարծիքները նրա ցուցադրության վերաբերյալ միանշանակ չէին: Բայց կարելի է հաստատ ասել, որ այն լուսանկարչության զարգացման համար ևս մեկ քայլ դարձավ:

Այսօր հայտնի է, որ նկարահանվող վանդակավոր ժապավենի վրայի կարմիր գույներն արտացոլում էին ուլտրամանուշակագույն ճառագայթները, որոնք և գրանցվում էին նկարելու ընթացքում, իսկ կանաչ լուսազտիչը խիստ  տեղային չէր և բաց էր թողնում կապույտ ճառագայթներ:

Հարցեր, պատասխաններ, մեկնաբանություններ