Գիտնականներն ապացուցել են շների ու կատուների մոտ «վեցերորդ զգայարանի» գոյությունը

Գիտնականները հաստատել են այն ենթադրությունը, որ ընտանի կենդանիներն ունեն «վեցերորդ զգայարան», որի մասին արդեն հարյուրամյակներ ասում են նրանց տերերը, ովքեր նկատել են, որ կենդանիները շատ լավ զգում են վտանգը:

Սակայն հնարավոր է, որ գիտնականներն այժմ գտել են նրանց տարօրինակ պահվածքի բացատրությունը: Նրանք կարծում են, որ շներն ու կատուներն ունեն ուլտրամանուշակագույն տեսողություն, որը նրանց թույլ է տալիս տեսնել այն, ինչը չեն կարող տեսնել մարդիկ: Սակայն նրանք դեռեւս մինչեւ վերջ չեն պարզել այդ ֆենոմենի առանձնահատկությունները:

Գիտնականները պարզել են, որ մարդը տեսնում է աշխարհը գունային սպեկտրի կարմիր գույնից մանուշակագույնն ընկած հատվածում, մինչդեռ բազմաթիվ կենդանիներ կարող են տեսնել նաեւ ուլտրամանուշակագույն սպեկտրը, որը մարդու աչքի համար անտեսանելի է:  Դրա պատճառը աչքի կառուցվածքային առանձնահատկությունն է: Այս մասին հաղորդում է FederalPost-ը:

Հարցեր, պատասխաններ, մեկնաբանություններ