Իսրայելում ուսուցիչներին արգելել են դասավանդել էվոլյուցիայի տեսություն

Բնական գիտությունների մասնագիտական որակավորման կուրսերին իսրայելցի ուսուցիչներին կոչ է արվել դպրոցներում չդասավանդել էվոլյուցիայի տեսություն և կենսաբանական տեսակների զարգացում` հաղորդում է MIGnews.com-ը: 

Ենթադրվում է, որ այդ թեմաները պետք է թողնել ինքնուրույն ուսումնասիրման, և սովորողներն իրենք պետք է որոշեն՝ ինչպես վերաբերվել Դարվինի ուսմունքին: 

Անանուն ինստրուկտորներից մեկը «Մաարիվ» թերթին տված հարցազրույցում խոստովանել է, որ հրամանը ստացվել Իսրայելի կրթության նախարարության ներկայացուցչից: 

Նրա խոսքով՝ առկա է լուրջ խնդիր՝ կապված պետական կրոնական դպրոցների հետ, քանի որ էվոլյուցիայի տեսությունը հակասում է աստվածաշնչյան տեսությանը, որն անցնում են ԹԱՆԱՀ-ի դասերին: 

Մեկ տարի առաջ «Մաարիվը» անցկացրել էր սեփական հետաքննություն, համաձայն որի` իսրայելցի 200 դպրոցականներից միայն 1-ն է հասունության վկայականի քննության ժամանակ ստացել էվոլյուցիայի տեսությանն առնչվող հարց՝ ավելի քան 90 հազարից միայն 515-ը:

Իսրայելի կրթության նախարարությունն ակտիվ քայլեր է ձեռնարկում տեսակների զարգացման տեսությունը դպրոցական ծրագրից հանելու ուղղությամբ:

Հարցեր, պատասխաններ, մեկնաբանություններ