Լեհաստանում կարգելեն Ռեդ Բուլի վաճառքը մինչև 16 տարեկաններին

«Դեմոկրատական աջ ուժերի միություն» լեհական կուսակցությունը նորացնում է օրենսդրությունը, որը կարգելի էներգետիկ խմիչքների վաճառքը մինչև 16 տարեկան երեխաներին: Կուսակցության անդամ Վեցլավ Շեպանսկին նշում է, որ այնպիսի խմիչնեքում, ինչպիսին Ռեդ Բուլն է, կոֆեին և տաուրին է պարունակվում, որոնց մեծ քանակը վնասակար է երիտասարդ օրգանիզմի համար: Այս մասին հայտնում է Նյուզուիքը (Newsweek): Դեպուտատի խոսքերով էներգետիկ խմիչքները վնասակար են երեխաների առողջության համար, հատկապես նրանց համար, ովքեր շաքարային դիաբետ, սիրտ-անոթային հիվանդություններ  ունեն: Նյուզուիքը նշում է, որ առողջապահության նախարարությունը դեմ չէ նոր օրենքի կիրառմանը:

Ինչպես նախկինում հայտնել էր ИА REGNUM-ը, վերջերս Լեհաստանի Սեյմը փոփոխություններ է ընդունել Քրեական օրենսգրքում, որոնք վերացնում են պատիժը սեփական կիրառման համար փոքր քանակությամբ մարիխուանա պահելու համար: Ծրագրի համար քվեարկել է 258 պատգամավոր:  Նորարարությունը՝  թույլատրել մարիխուանան բժշկական հաստատություններում, պատկանում է «Դեմոկրատական աջ ուժերի միությանը»: Միության անդամ Մարեկ Բալիցկին հիշեցրեց, որ մարիխուանան օգտագործվում է քաղցկեղի և աթերոսկլերոզի բուժման համար: «Այժմ հնարավոր չէ կարգավորել դեղատներում առանց դեղատոմսի վաճառվող հակաբորբոքային և ցավազրկող դեղերը: Արդյունքում ստացվում է, որ այս դեղերի սխալ օգտագործումը տարեկան չորս հազար մահվան  է հանգեցնում: Մարիխուանան մահվան չի հասցնում», - նշեց նա:

Հարցեր, պատասխաններ, մեկնաբանություններ