Մեծ քիթ ունեցողներն ավելի քիչ են ալերգիկ հիվանդություններով տառապում...

ԱՄՆ Այովա նահանգի համալսարանի (University of Iowa) գիտնականների համոզմամբ` մեծ քիթն օգտակար է առողջության համար: Որքան մեծ է քիթը, այնքան դժվար են բացիլները եւ փոշին ներթափանցում օրգանիզմ:

Ավելին, մեծ քիթ ունեցողներն ավելի քիչ են ալերգիկ:

հիվանդություններով տառապում: Գիտնականները 2 արհեստական քիթ են ստեղծել, մեկը` 2,3 անգամ մեծ մյուսից: Ապա դրանք ամրացրել են արհեստական դեմքերի վրա: Նաեւ նույն տարբերությամբ 2 շրթունք են ստեղծել, որոնք հատուկ խողովակների օգնությամբ օդն են ներքաշել: Արդյունքում, մեծ քիթը ներքաշել է 6,5%-ով ավելի քիչ բացիլներ, փոշի, քան սովորական քիթը:

Նույն պատկերն է եղել նաեւ շրթունքների դեպքում, մեծը` 3,2 %-ով ավելի քիչ փոշի է կուլ տվել: Գիտնականների խմբի ղեկավար Ռենե Էնթոնին ասել է, որ մեծ քիթը ավելի է պաշտպանում բերանը, որի շնորհիվ նվազում է ալերգիկ ռեակցիաների եւ բացիլների ներթափանցման ռիսկը:

Հարցեր, պատասխաններ, մեկնաբանություններ