Ֆինլանդիայում մարդու դեմքի փոխպատվաստում է իրականացվել. tert.am

Ֆինլանդիայում մարդու դեմքի փոխպատվաստում է իրականացվել՝ առաջին նման վիրահատությունը Հյուսիսային Եվրոպայում: «ՏԱՍՍ»-ը մանրամասնում է, որ Ֆինլանդիայի համար եզակի այս վիրահատությունն իրականացվել է Հելսինկիի և Ուուսիմաայի՝ HUS-ի հիվանդանոցում:

Աղբյուրը նշում է, որ, սովորաբար, նման վիրահատությունների կարիք են ունենում լուրջ այրվածքներ ստացած, կենդանիների կծելուց տուժած և այլ խոշոր վնասվածքներ ստացած մարդիկ:

Նման դեպքերում փոխպատվաստվում է դոնորի դեմքը, ում մոտ ուղեղի մահ է արձանագրվում:

Միաժամանակ, հարկավոր է, որպեսզի դոնորն ու նոր դեմքի տերը լինեն միևնույն սեռի ու տարիքի:

Ֆինլանդիայում անցկացված այս շատ բարդ վիրահատությունը թվով ընդամենը 35-րդն է ամբողջ աշխարհում:

Առաջին նման վիրահատությունն աշխարհում իրականացվել էր 2010-ի մարտին` Իսպանիայում:

Հարցեր, պատասխաններ, մեկնաբանություններ