Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Պլաստիկ վիրաբուժություն

Հայ էսթետիկ վիրաբույժները գիտությունն ու արվեստը կարողանում են համադրել. hhpress.am

Հայ էսթետիկ վիրաբույժները գիտությունն ու արվեստը կարողանում են համադրել. hhpress.am

Բնությանն էլ հնարավոր է ուղղել։ Էսթետիկ բժշկության շնորհիվ բնության թերացումը կամ գեների դրսեւորումներն այլեւս «ճակատագիր» չեն։ Գիտության հնարավորություններից օգտվելով, այսօր իրենց «ճակատագիրը» շատերն են շտկում։

 

Ըստ վիճակագրության՝ ողջ աշխարհում տարեկան կատարվում է շուրջ 17 մլն պլաստիկ վիրահատություն։ Պլաստիկ վիրաբույժների միջազգային ասոցիացիայի մասնագետները, հիմնվելով ամբողջ աշխարհի վիրաբույժների հաշվետվությունների վրա, կազմել են ամենապահանջված վիրահատությունների վարկանիշային ցանկը։

 

Աշխարհում առաջին տեղում կրծքի մեծացումն է՝ իմպլանտների միջոցով։ Այս վիրահատության գծով առաջատար են Չինաստանը, Իտալիան, Մեքսիկան, Բրազիլիան, ԱՄՆ-ը (ըստ աճման կարգի)։ Իսկ Հարավային Կորեայում յուրաքանչյուր 77-րդ բնակիչը դիմում է մասնագետներին՝ աչքերի բացվածքի վիրահատության համար։

 

Իսկ ահա ավելի վաղ ժամանակներում հնարավոր է եղել կատարել քթի «վիրահատություններ»։ Մ.թ.ա. VI դարի բժշկող Սուշատա Սամհիթը քիթը վերականգնելու բարդ՝ մեր օրերի վիրահատություններին նման վիրահատություններ էր կատարում։ Այս կամ այն բախման կամ խնդրի հետեւանքով բացակայող քթի համար մաշկը վերցնում էր ճակատից կամ այտից ու դրանից քիթ ձեւավորում։ Այնուհետ դա պատվաստում էր պահանջվող տեղում։

 

1814-ին էլ Լոնդոնում Ջոզեֆ Կարպյուն ճակատից վերցված մաշկից լիարժեք քիթ ստացավ։ Դրանից հետո էր, որ պլաստիկ վիրաբուժությունը բոլորովին նոր փուլ թեւակոխեց։ Տարբեր մեթոդներ մշակվեցին, ու պլաստիկ վիրաբուժությունը վերածվեց հասարակության մեծագույն ձեռքբերման։

 

Հայաստանում առաջին պլաստիկ վիրաբուժությունը սկսվել է 1984թ. վերականգնողական վիրաբուժությունից՝ Միքայելյան վիրաբուժության ինստիտուտում։ Առաջին անգամ բութ մատի պլաստիկ վիրահատություն է արվել։ Այնուհետեւ՝ Սպիտակի երկրաշարժը, ապա՝ ղարաբաղյան պատերազմը, որոնք ստիպեցին գործ ունենալ մեծաքանակ վնասվածքով պացիենտների հետ, ինչն անխուսափելի դարձրեց պլաստիկ վիրաբուժության զարգացումը Հայաստանում։

 

Նման գործոնների արդյունքում այսօր պլաստիկ վիրաբուժությունն ընդանրապես աշխարհում մեծ զարգացում է արձանագրել։ Հայաստանը չէր կարող հետ մնալ աշխարհից։

 

Այսօր Հայաստանում իրականացվում են պլաստիկ ամենատարբեր միջամտություններ, ինչպես նաեւ՝ գեղեցիկ մարմին, անթերի դեմք, գրավիչ ատամնաշար, երիտասարդ մաշկ… 

 

Եվրոպական էսթետիկ վիրաբուժության ասոցիացիայի նախագահ Ռուբեն Օդդենինոն վերջերս ասուլիսի ժամանակ՝ խոսելով մեր երկրում պլաստիկ վիրաբուժության զարգացման մասին, նշեց, որ Հայաստանը փոքր քայլերով առաջ է գնում. «Ինչպես գիտեք, էսթետիկ վիրաբուժությունն այն ճյուղն է, որը ներառում է ո՛չ միայն գիտությունը, այլեւ՝ արվեստը։ Եվ եթե մարդը չունի արվեստի զգացողություն՝ չի կարող պլաստիկ վիրաբուժություն կատարել։ Իսկ հայերն ունեն այդ արվեստի զգացողությունը»։

 

Հայ մասնագետների արվեստի զգացողությունը նկատում են նաեւ դրսում։ Եվ դա էլ նպաստում է այստեղ էսթետիկ բժշկական տուրիզմի զարգացմանը։

 

Հայաստանի պլաստիկ վիրաբույժների ասոցիացիայի նախագահ, «Էրեբունի» բժշկական կենտրոնի պլաստիկ վիրաբուժության ծառայության ղեկավար, «Դա Վինչի» կլինիկայի տնօրեն Արմեն Հովհաննիսյանը «ՀՀ»-ի հետ զրույցում նշեց, որ աստիճանաբար ավելանում է դրսից եկող հաճախորդների թիվը. «Մեզ մոտ ծառայությունները բավականին էժան են, բայց ոչ ի հաշիվ որակի։ Սա է, որ մարդկանց գրավում է մեր երկրում բժշկական ծառայություններին դիմելը»։

 

Ասոցիացիայի նախագահի խոսքերով, Հայաստանում պլաստիկ միջամտության համար գալիս են Եվրոպայից, Ռուսաստանից, ԱՄՆ-ից։ Օրինակ՝ ԱՄՆ-ից այստեղ գալիս են բարեկամներին այցելության ե,ւ միաժամանակ, վիրահատվում են, քանիոր իրենց մոտ այդ վիրահատությունը կարող է արժենալ 10-15 անգամ ավելի թանկ։

 

Համեմատության համար նշենք, որ, օրինակ, Իտալիայում քթի վիրահատությունն արժե միջինը 8500 եվրո, իսկ Հայաստանում՝ 400-ից 800 հազար դրամ։ Իսկ ահա դրսի եւ ներսի մասնագետների առումով որեւէ տարբերություն չկա։ Մենք էլ պլաստիկ վիրաբույժների որակյալ «բանակ» ունենք, որոնք պահանջարկ ունեն նաեւ օտարազգի պացիենտների շրջանում։

 

Ի դեպ՝ օտարազգի այցելուները համապատասխան մասնագետին գրեթե նույն խնդիրներով են դիմում, ինչ հայերը։ Հովհաննիսյանն այդ առումով ոչ մի տարբերություն չի տեսնում. «Մարդը նույնն է՝ նույն խնդիրներով, նույն կերպ է ծերանում թե՛ այստեղ, թե՛ Անտարկտիդայում։ Բայց մեր երկրում առաջնայինը քթի վիրահատությունն է։»։

 

Կեսկատակ-կեսլուրջ կարող ենք ասել նաեւ, որ մեր այդ ազգային առանձնահատկության շնորհիվ հայ մասնագետները քթի վիրահատության մասով առավել արհեստավարժ են, քան արտասահմանցիները։

 

Արտասահմանում Հայաստանի էսթետիկ բժշկության ոլորտի վերաբերյալ հատուկ PR չի արվում։ Բժիշկները կայքեր ունեն, որոնց միջոցով իրենց աշխատանքներն են ներկայացնում։ Շատ այցելուներ մեկը մյուսից լսելով են տեղեկանում ու գալիս։

 

Մեզ հետ զրույցի պահին Հովհաննիսյանը Շվեդիայից երկու հիվանդ ուներ՝ հայ եւ ռուս։ Նրանք մեկ անգամ այստեղ վիրահատվել են։ Հիմա էլ այլ վիրահատության համար են դիմել։ Մասնագետն ասում է, որ իրենք դրսից տարեկան մի քանի տասնյակ պացիենտ են ունենում. «Կարող է լինել 50, 60։ Շատ են՝ քիչ չեն»։

 

Ի պատասխան հարցին, թե ընդհանուր առմամբ ինչ-որ ժամանակահատվածի կտրվածքով մոտավորապես քանի՞ այցելու են ունենում, ասոցիացիայի նախագահն ասաց. «Չեմ կարող ասել։ Այդ վիճակագրությունը չունեմ։ Մոտավորապես գիտեմ մեր կլինիկա ինչքան են գալիս, բայց ամբողջ քաղաքի համար չեմ կարող ասել. չենք ուսումնասիրել երբեւիցե»։

 

Էսթետիկ բժշկության ոլորտում մրցակից ենք մեր կարգավիճակում գտնվող երկրների հետ։ Հովհաննիսյանի դիտարկմամբ, երբեւիցե չենք կարողանա մրցակցել ո՛չ Ֆրանսիայի, ո՛չ Գերմանիայի հետ. «Բայց, կամենանք, թե՝ ոչ, պարտադրված ենք զարգանալու։ Չի՛ կարելի չզարգանալ։ Առաջ չգնալ նշանակում է հետ ընկնել։ Ամենայն պատասխանատվությամբ հայտարարում եմ՝ ասոցիացիայի նախագահն եմ, դրսի աշխարհի հետ կապ ունեմ. մեզ մոտ են գալիս դրսից, մենք ենք մեկնում՝ մեր վիրաբույժները բավականին բանիմաց են։ Չեմ կարող ասել բոլորի մասին, բայց, ընդհանուր առմամբ, մեր մասնագետները շատ լավն են։ Շփումը ցույց է տալիս, որ մեր բժիշկներն իրենց աշխատանքի արդյունքներով ոչնչով չեն զիջում։ Իսկ խնդիրներ, բարդություններ լինում են բոլոր երկրներում, բոլոր վիրաբույժների մոտ»։

 

Ընդհանուր ոլորտի մասով, նույնիսկ ամենազարգացած եվրոպական երկրներում, Հովհաննիսյանը հավատացնում է, որ նույն խնդիրներն ունեն, ինչ որ մենք՝ կազմակերպչական, երբեմն նաեւ ֆինանսական բնույթի։ Նա մեր առաջնային խնդիրներից առանձնացրեց սոցիալ-տնտեսական վիճակը։ Դա թույլ չի տալիս դրսից նոր տեխնոլոգիաներ արագ ներկրել ու ներդնել։ Իսկ նոր տեխնոլոգիաներն արդյունավետ են, հեռանկարային, սակայն՝ թանկարժեք։

 

Հեղինակ. Թամարա ՄՈՒՐԱԴՅԱՆ
Սկզբնաղբյուր. hhpress.am
Լուսանկարը. hhpress.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում

 

 

Share |

Հարցեր, պատասխաններ, մեկնաբանություններ

Կարդացեք նաև

Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան

Արարատ Լևոնի Հեքիմյանը պլաստիկ վիրաբույժ է՝ մասնագիտացած էսթետիկ վիրաբուժության, միկրովիրաբուժության, դեմքի,  մարմնի էսթետիկ և վերականգնողական  վիրաբուժության մեջ: Աշխատում է «ՆյուՄեդ», «ԱրտՄեդ» և «Վեդի»...

Բժշկի ընդունարանում
Գեղեցիկ է շնչող քիթը. Արայիկ Ղարիբյան. «Արթմեդ» ԲՎԿ
Գեղեցիկ է շնչող քիթը. Արայիկ Ղարիբյան. «Արթմեդ» ԲՎԿ

«Արթմեդ» բժշկական և վերականգնողական կենտրոնի ԼՕՌ բաժանմունքում իրականացվում են քթի պլաստիկ վիրահատություններ թե՛ բաց, թե՛ փակ եղանակով։ ԼՕՌ բժշկի միջամտությունները կատարվում են այնպես, որ գեղեցիկ քիթը նաև...

Քիթ-կոկորդ-ականջ հիվանդություններ Բժշկի ընդունարանում
Ռինոպլաստիկա. հարցազրույց ՔԿԱ վիրաբույժ, ռինոպլաստիկ վիրաբույժ Խաչատուր Բարսեղյանի հետ. armeniamedicalcenter.am
Ռինոպլաստիկա. հարցազրույց ՔԿԱ վիրաբույժ, ռինոպլաստիկ վիրաբույժ Խաչատուր Բարսեղյանի հետ. armeniamedicalcenter.am

Ռինոպլաստիկան արտաքին քթի վերաձևավորումն է, որի նպատակն է էսթետիկ դեֆեկտի շտկումը և քթի ֆունկցիայի վերականգնումը...

Քիթ-կոկորդ-ականջ հիվանդություններ Բժշկի ընդունարանում Էսթետիկ բժշկություն
Լազերային բլեֆարոպլաստիկա՝ հաճախ տրվող հարցեր. nairimed.com
Լազերային բլեֆարոպլաստիկա՝ հաճախ տրվող հարցեր. nairimed.com

Ինչպե՞ս նախապատրաստվել լազերային բլեֆարոպլաստիկայի:

Լազերային բլեֆարոպլաստիկայից առաջ հատուկ նախապատրաստական միջոցառումներ չկան...

Էսթետիկ բժշկություն
Ի՞նչ է դեմքի ձգումը` ֆեյսլիֆտինգը. drtehmine.com
Ի՞նչ է դեմքի ձգումը` ֆեյսլիֆտինգը. drtehmine.com

Դեմքի փափուկ հյուսվածքների, մաշկի և ենթամաշկային հյուսվածքների տարիքային փոփոխության հետևանքով առաջացած պտոզի կորեկցիան է։  Մաշկի թուլացած հատվածի ձգումն իրականացվում է հատուկ կտրվածքների միջոցով...

Էսթետիկ բժշկություն
Մրճանման մատներ. drtehmine.com
Մրճանման մատներ. drtehmine.com

Մրճանման մատն առաջին գարշապարաֆալանգային հոդում կորացած մատն է։ Նման ձևախախտում կարող է զարգանալ ոտքի բոլոր մատներում, բացի առաջին մատից։ Մշտապես ծալված մատը, որտեղ, որպես կանոն...

Վնասվածքաբանություն և օրթոպեդիա
Ինչո՞ ւ ընտրել լազերային բլեֆարոպլաստիկա. nairimed.com
Ինչո՞ ւ ընտրել լազերային բլեֆարոպլաստիկա. nairimed.com

Բլեֆարոպլաստիկան վերին կամ ստորին կոպերի էսթետիկ վիրահատությունների շարք է, որոնք  կոպերին և դեմքին տալիս են ավելի երիտասարդ տեսք...

Էսթետիկ բժշկություն
Ո՞ր վիրահատություններից խուսափել ամռանը. drtehmine.com
Ո՞ր վիրահատություններից խուսափել ամռանը. drtehmine.com

Ամռանը, որպես կանոն, շատերն արձակուրդ են վերցնում: Մի մասը մեկնում է հանգստավայր, մյուս մասը՝ ամառանոց, մի որոշ մասն էլ որոշում է տունը վերանորոգել: Իսկ կան նաև մարդիկ, ովքեր որոշում են հենց ամռանն...

Արդյո՞ք վտանգավոր են խալերը. drtehmine.com
Արդյո՞ք վտանգավոր են խալերը. drtehmine.com

Հավանաբար, աշխարհում չկա մարդ, ով խալեր չունենա: Խալերը կարող են տեղակայվել մարմնի ցանկացած մասում: Դրանք կարող են լինել բնածին, և առաջանալ կյանքի ընթացքում...

Մաշկաբանություն Ուռուցքաբանություն
Դաստակի ջլերի վնասվածքներ. drtehmine.com
Դաստակի ջլերի վնասվածքներ. drtehmine.com

Դաստակի ջլերի վնասումները, որպես կանոն, առաջանում են բաց վնասվածքների ժամանակ (կտրած, ծակած վերքեր, ձեռքերը շարժվող մեխանիզմների և սարքերի կիրառման ժամանակ` վնասումներից): Ընդ որում, խանգարվում է...

Վնասվածքաբանություն և օրթոպեդիա
Որովայնի առաջային պատի էսթետիկ ձևախախտումներ. ե՞րբ դիմել աբդոմինոպլաստիկայի. drtehmine.com
Որովայնի առաջային պատի էսթետիկ ձևախախտումներ. ե՞րբ դիմել աբդոմինոպլաստիկայի. drtehmine.com

Որո՞նք են որովայնի առաջային պատի ձևախախտումների ուղղակի և անուղղակի պատճառները:  


Որովայնի առաջնային պատի ձևախախտումները հանդիպում են՝ անկախ տարիքից ու սեռից...

Ինչպե՞ս նախապատրաստվել պլաստիկ վիրահատությանը. drtehmine.com
Ինչպե՞ս նախապատրաստվել պլաստիկ վիրահատությանը. drtehmine.com

Ցանկացած պլաստիկ վիրահատության (լինի դա ֆեյսլիֆտինգ, ազդրերի ձգում, աբդոմինոպլաստիկա, թե` բլեֆարոպլաստիկա) անհրաժեշտ է նախապատրաստվել բժշկի կողմից կազմված մանրամակրկիտ պլանի համաձայն...

Ի՞նչ պետք է իմանալ` նախքան պլաստիկ վիրահատության դիմելը. drtehmine.com
Ի՞նչ պետք է իմանալ` նախքան պլաստիկ վիրահատության դիմելը. drtehmine.com

Պլաստիկ վիրահատության արդյունքում վստահ լինելու համար խորհուրդ է տրվում նախքան վիրահատությունը տիրապետել որոշ տեղեկատվության...

Էսթետիկ բժշկություն
Մարմնի պլաստիկա. drtehmine.com
Մարմնի պլաստիկա. drtehmine.com

Ժամանակակից վիրաբուժության մեջ գոյություն ունեն հսկայական քանակությամբ մարմնի պլաստիկ վիրահատության տարատեսակներ, որոնցից յուրաքանչյուրն ունի իր ցուցումներն ու առավելությունները...

Էսթետիկ բժշկություն
Ֆիլեր. drtehmine.com
Ֆիլեր. drtehmine.com

Ֆիլերները ներարկումային լցանյութեր են, որոնք կիրառվում են տարիքային փոփոխությունների կամ էսթետիկ դեֆեկտների շտկման նպատակով: Մաշկի խոր շերտեր ներմուծվող պրեպարատի հատուկ բաղադրությունը...

Էսթետիկ բժշկություն

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ