Ալերգիա ունեցող երեխաները 2 անգամ ավելի հաճախ են սրտի խնդիրներ ունենում. news.am

Ալերգիայով տառապող երեխաները երկու անգամ ավելի հաճախ են սրտի խնդիրներ ունենում: Այդ մասին տեղեկացնում են Northwestern University-ի հետազոտողները` Ջոնաթան Սիլվերբերգի ղեկավարությամբ:

Նրանք ուսումնասիրել են մինչեւ 17 տարեկան ավելի քան 13 000 երեխայի մասին տվյալներ: Գիտնականները պարզել են, որ ասթմայով եւ խոտի տենդով տառապող երեխաների մոտ բարձր է եղել խոլեսթերինի մակարդակը եւ մեծացել է հիպերտոնիայի զարգացման ռիսկը: Այդ ամենը, հետազոտության հեղինակների խոսքով, կարող է սրտի ավելի լուրջ խնդիրների հանգեցնել, երբ երեխաները մեծանան: 

Այսպես, սիրտ-անոթային հիվանդությունների զարգացման ռիսկի գործոն կարելի է համարել ո՛չ միայն ավելորդ քաշը, այլեւ ալերգիկ հիվանդությունները: Գիտնականները ենթադրում են, որ ասթման եւ խոտային տենդը մեծացնում են բորբոքման մակարդակը, ինչը բացասաբար է ազդում սիրտ-անոթային համակարգի վրա:

Հետազոտողները նշում են, որ դիտարկված փոխկապակցվածության հաստատման համար առավել լայնածավալ հետազոտություններ են անհրաժեշտ, սակայն այժմ արդեն մանկաբույժները պետք է իմանան, որ ալերգիկ հիվանդություններով երեխաների մոտ սրտի եւ անոթների հետ կապված խնդիրներ ի հայտ են գալիս ավելի հաճախ, քան ալերգիա չունեցողների:

Այդ հետազոտության մասին հաղորդվում է Journal of Allergy and Clinical Immunology-ում:

Հարցեր, պատասխաններ, մեկնաբանություններ