Անզգայացման տակ գտնվող շատ պացիենտներ կարող են վիրահատության ընթացքում արթնանալ. med.news.am

Իրականում ավելի հաճախ են անզգայացման տակ գտնվող պացիենտները վիրահատության ընթացքում արթնանում, քան ընդունված է կարծել, զգուշացնում են Royal College Anaesthetists-ի մասնագետները:

Նրանց զեկույցի համաձայն` յուրաքանչյուր 19000 պացինետներից մեկը բախվում է այս խնդրի հետ, ինչը միայն Մեծ Բրիտանիայում տարեկան 160 մարդ է կազմում: Սակայն դանիացի մասնագետները կարծում են, որ այս տվյալները իրականությանը չեն համապատասխանում, և շատ ավելի դեպքերում է վիրահատության ընթացքում արթնացող հիվանդը ցավ ու սարսափ ապրում, որից անտեղյակ են մնում վիրահատողները:

Եթե անէստեզիոլոգներն արձանագրում են պացիենտի արթնանալը, ապա ավելացվում է անալգետիկների չափաբաժինն ու պացիենտը նորից քնում է: Սակայն որոշ պացիենտների մոտ արտաքին փոփոխություններ տեղի չեն ունենում և քնած են երեւում` չնայած նրան, որ իրականում ցավ ու սարսափ են ապրում՝ մասնակի պարալիզացման հետեւանքով չկարողանալով ի ցույց դնել:

Որոշ մարդիկ ավելի են հակված վիրահատության ընթացքում արթնանալուն: Նրանցից են հղի կանայք, մորբիդային ճարպակալում ունեցողները, որոշակի ինֆեկցիաներ ունեցող հիվանդները, զարգացման վերջին փուլերի քաղցկեղ ունեցողները:

Ինչպես նշում է պրոֆեսոր Ջենիֆեր Հանթերը, նյարդամկանային դեղորայքի ճիշտ մոնիտորինգը կարող է օգնել ռիսկի խմբում գտնվող մարդկանց:

Հարցեր, պատասխաններ, մեկնաբանություններ