Ընդհանուր անզգայացումը խախտում է կենսաբանական ժամերը. tert.am

Գիտնականները հաստատել են, որ վիրահատական միջամտությունների ժամանակ կիրառվող ընդհանուր անզգայացումը հանգեցնում է մարդկային օրգանիզմի կենսաբանական ժամերի խախտմանը: Այս մասին հաղորդում է Meddaily.ru-ն՝ հղում կատարելով HealthVesti-ին:

Բացի այդ՝ մի շարք փորձեր իրականացրած կենսաբանները եկել են այն եզրահանգման, որ կենտրոնական նյարդային համակարգի արհեստականորեն առաջացրած արգելակումը հանգեցնում է քնի ռեժիմի խանգարմանը:

Լաբորատոր փորձարկումների հեղինակները վստահեցնում են, որ մարդու քունն ու կենսաբանակն ռիթմերը խանգարվում են օրգանիզմում ցիրկադային ռիթմերի վրա անզգայացման ուղիղ ազդեցության հետևանքով:

Նոր Զելանդիայի Օկլանդի համալսարանի կենսաբաններն ապացուցել են, որ փորձարկումներին մասնակցած կամավորների մոտ ժամանակային գոտու փոփոխության համախտանիշ է նկատվել այն ժամանակ, երբ վերջիններս ընդհանուր անզգայացումով վիրահատական միջամտության են ենթարկվել:

Հարցեր, պատասխաններ, մեկնաբանություններ