Առողջության ի՞նչ ազդանշաններ է տալիս մազերի վաղ ճերմակելը

Վաղ ճերմակելը կարող է հուշել զարկերակների վնասման, սիրտ-անոթային հիվանդությունների մասին, կարծում են գիտնականները:  Մասնագետները 545 մարդկանց մասնակցությամբ հետազոտություններ են անցկացրել: Դրա ընթացքում բժիշկներն ուշադրություն են դարձրել այն բանին, որ հետազոտվողների մազերի գույնը և զարկերակների վիճակը որոշակի կերպով կապված են միմյանց հետ: Պարզվել է, որ ճերմակած մարդկանց մեծ մասն ունեցել են ավելորդ քաշի և սիրտ-անոթային համակարգի խնդիրներ:

Գիտնականներն ավելացրել են, որ մելանին պիգմենտի կորուստը կարող է վկայել նաև բորբոքային գործընթացների, ԴՆԹ-ի վերականգնողական ֆունկցիայի նվազման, հորմոնալ խանգարման, բջջային աճի պաշարման մասին:

Այսպիսով, փորձագետներն ապացուցել են, որ ճերմակ մազերը միայն կոսմետիկ դեֆեկտ չեն, այլ նաև տարիքային խանգարումների մասին ահազանգող ազդանշան:

Հարցեր, պատասխաններ, մեկնաբանություններ