Ինչի՞ մասին է վկայում անհանգիստ ոտքերի համախտանիշը. 1in.am

Շատ մարդկանց հայտնի է այդ վիճակը, թեև ոչ բոլորը գիտեն, որ ոտքերը շարժելու անհաղթահարելի ցանկությունը կոչվում է անհանգիստ ոտքերի համախտանիշ, հայտնում է newsyou.info-ն:

Առավել հաճախ դա մարդկանց անհանգստացնում է քնած ժամանակ և քնելուց առաջ` մեծ մասամբ հանգեցնելով քնի խանգարման: Սակայն մարդիկ հազվադեպ են դիմում բժշկի` դա չհամարելով հիվանդություն:

Նոր հետազոտությունը ցույց է տվել, որ որոշ մարդկանց դեպքում դա կարող է կապված լինել սրտի խնդիրների հետ: Ամերկայի Մայո կլինիկայի գիտնականների կողմից կատարված հետազոտությանը մասնակցել են անհանգիստ ոտքերի համախտանիշ ունեցող 584 մարդ: Գիտնականները նրանց հետևել են 3 տարի և պարզել, որ հիվանդների մեծ մասի մոտ սիրտը մեծացած է եղել: Նրանք 2 անգամ ավելի շատ են տառապել և մահացել սրտի հիվանդություններից:

Բժիշկներն այդ համախտանիշն ունեցող մարդկանց խորհուրդ են տալիս խուճապի չմատնվել, բայց անպայման հետազոտվել:

Հարցեր, պատասխաններ, մեկնաբանություններ