Ինչու՞ ենք մենք ավելի հազվադեպ հիվանդանում ամռանը. news.am

Տարվա շոգ եղանակին մենք հիմնականում ավելի լավ ենք զգում՝ ձմռան համեմատ: Քեմբրիջի համալսարանի գիտնականների խոսքով՝  դա կապված է այն հանգամանքի հետ, որ ամառվա ընթացքում մեր իմունիտետը շատ ավելի ամուր է:

Նրանք ուսումնասիրել են 16 հազար կնոջ եւ տղամարդու գեները ու եկել այն եզրակացության, որ տարվա տարբեր եղանակներին մեր իմունային համակարգը տարբեր կերպ է դրսեւորում իրեն: Այսպես, հիվանդությունների կասեցման համար պատասխանատու գեներն առավել ակտիվ են տարվա շոգ եղանակին: Հավանաբար, գեները եւս ենթարկվում են արտաքին գործոնների ազդեցության:

Ավելի վաղ անցկացրած հետազոտությունները ցույց են տվել, որ մի շարք լուրջ հիվանդություններ, ինպես ինֆարկտն ու ինսուլտը, տեղի են ունենում հիմնականում ձմռան ամիսներին:

Տարվա եղանակն ազդում է ո՛չ միայն գեների, այլ նաեւ արյան կազմի եւ ճարպային հյուսվածքների վրա: Եվ, չնայած նրան, որ գոյություն չունի մեխանիզմ, որը կարող է բացատրել այս փոփոխությունները, գիտնականները կարծում են, որ այս բացահայտումը բժիշկներին հնարավորություն է տալիս ավելի արդյունավետ բուժում իրականացրել տարվա շոգ եղանակին: 

Հարցեր, պատասխաններ, մեկնաբանություններ