Դեմքի միմիկան կարող է հուշել սրտի և թոքերի հիվանդության մասին

Սրտի և թոքերի լուրջ հիվանդություն ունեցող մարդկանց դեմքի միմիկան որոշակի ձեւափոխման է ենթարկվում: Դեմքի արտահայտությունը հիվանդների մոտ չի փոփոխվում, մասնավորապես, զարմանքի պահին:

Ինչպես գրում է Emergency Medicine Journal-ը, այս գործոնը կօգնի շտապօգնության բժիշկներին արագ որոշել, թե ում է անհրաժեշտ առաջնային ուշադրություն դարձնել: Բացի այդ, փորձերի օգնությամբ ապացուցվել է, որ բժիշկների մոտեցումը, ովքեր առաջին հայացքից կարողանում են գնահատել հիվանդի վիճակի սրությունը, կկարողանա կատարելագործվել՝ հիմնվելով տարբեր մեթոդների վրա:

Գիտնականները գնահատել են միմիկայի ձեւափոխման ախտորոշիչ արժեքը 50 հիվանդի մոտ, որոնց շտապօգնությունը հիվանդանոց է տեղափոխել կրծքավանդակի շրջանում ցավի և շնչահեղձության առկայությամբ: Հիվանդներին հուզումներ առաջացնող լուսանկարներ են ցուցադրել և համակարգչի միջոցով հետևել նրանց դեմքի արտահայտության փոփոխմանը: Վերլուծելով ստացված պատկերները՝ նրանք գնահատել են դիմագծերի և դեմքի մկանների ֆիզիկական ակտիվությունը, այսինքն՝ ինչպես է մարդը ժպտում, տխրում և զարմանում: Նրանցից 16-ի մոտ միմիկան կաշկանդված է եղել:

«Մեր նպատակն է բժիշկներին հնարավորություն տալ օրգանիզմի առողջական վիճակի գնահատման նոր չափանիշ մշակելու, որը կօգնի որոշ դեպքերում խուսափել թանկարժեք ախտորոշիչ հետազոտություններ անցնելուց»,- նշում են հոդվածի հեղինակները:

Հարցեր, պատասխաններ, մեկնաբանություններ