Ամերիկացի գիտնականին հաջողվել է կենդանի պահել անշնչացած մարդուն` արյան մեջ թթվածին ներարկելով

Բոսթոնի մանկական հիվանդանոցի բժիշկ Ջոն Քեյրը բացահայտել է մի տարբերակ, որով հնարավոր է անշնչացած մարդուն կանդանի պահել, գրում է Science Daily -ն:

Գործընթացը կայանում է նրանում, որ ճարպային մոլեկուլների (լիպիդներ) մեջ պատսպարված թթվածնային մոլեկուլները ներարկվում են միանգամից հիվանդի արյան մեջ և այդպես երկարացնում նրա կյանքը մոտ 30 րոպեով, այն դեպքում, եթե տվյալ անձն այլևս չի շնչում: Ճարպային և թթվածնային մոլեկուլներն այնքան փոքր են, որ դրանք կարելի է տեսնել միայն մանրադիտակի միջոցով: Իսկ ճարպային մոլեկուլներից յուրաքանչյուրում առկա թթվածնի քանակը 3-4 անգամ գերազանցում է արյան բջիջներում առկա թթվածնի քանակին:

Նախապես այս մեթոդը փորձարկվել է կենդանիների վրա, որոնց արյան մեջ թթվածնի պարունակությունը շատ ցածր է եղել և նրանք չեն կարողացել շնչել: Ներարկումից հետո կենդանիների կյանքը երկարել է 15 րոպեով: Սակայն մարդկանց դեպքում ներարկման ազդեցությունն ավելի երկար է եղել` 30 րոպե:

Գիտնականը կարծում է , որ իր «բացահայտումը շրջադարձային կարող է լինել բժշկության համար, քանի որ հնարավորություն կտա բժիշկներին պահպանել հիվանդի կյանքը արտակարգ իրավիճակներում: Ուստի թթվածնով լի ներարկիչները պարտադիր պետք է պահվեն բոլոր բուժհաստատություններում, շտապօգնության մեքենաներում և ուղղաթիռներում` շնչառության հետ խնդիրներ ունեցողներին օգնելու համար»:

Science Daily-ն նաև նշում է, որ այս փորձարկումն արվել է դեռևս 100 տարի առաջ, սակայն այն ժամանակ գիտնակնները դրական արդյունքի չեն հասել, քանի որ թթվածնի ներարկումից հետո երակներում վտանգավոր պղպղջակներ են առաջացել:

Հարցեր, պատասխաններ, մեկնաբանություններ