Մթնոլորտային ճնշման ազդեցությունն օրգանիզմի վրա. armeniamedicalcenter.am

Մթնոլորտային ճնշման տատանումները որոշ ազդեցություն ունեն մարդու ինքնազգացողության և օրգանիզմի վրա, որը հաճախ արտահայտվում է զարկերակային ճնշման փոփոխությամբ: Այդ տատանումները կարող են լինել եղանակային փոփոխության արդյունք. օդի տաքացման ժամանակ տաք օդը բարձրանում է վերև և մթնոլորտային ճնշումն իջնում է, և հակառակը՝ ցուրտ եղանակին օդն իջնում է ներքև և մթնոլորտային ճնշումը բարձրանում է: Ազդում են այլ գործոններ ևս. օրինակ, լեռներում մթնոլորտային ճնշումը ցածր է, իսկ ցածր տարածքներում՝ բարձր:

Մթնոլորտային շատ ցածր ճնշում բնության մեջ հաճախակի չի հանդիպում, սակայն որոշ պայմաններում (բարձր լեռներ և այլն) կարող է բավականին լուրջ հետևանքներ ունենալ, ինչը ստացել է «բարձրության հիվանդություն» անվանումը, որի հիմքում հյուսվածքների թթվածնային քաղցն է, ինչից օրգանիզմում խիստ բարձրանում է ածխաթթու գազի մակարդակն: Բոլոր օրգանները (սրտից և գլխուղեղից բացի) դրան պատասխանում են սպազմով, որի արդյունքում բարձրանում է արյան ճնշումը:

Մթնոլորտային բարձր ճնշումը երբեմն կարող է վտանգել օրգանիզմի հետագա կենսագործունեությունը: Այն հաճախ հանդիպում է մարդու այնպիսի գործունեության ժամանակ, որն իրականացվում է արտաքին աշխարհից մեկուսացած խիստ փակ տարածքում (ջրային թունելներ, մետրոյի շինարարություն, ջրասուզակների աշխատանք և այլն): Մթնոլորտային ճնշումն, ինքնին, վտանգավոր չէ, և անվտանգային միջոցառումների պահպանման դեպքում չի զգացվում, բայց կարող է սրացնել որոշ հիվանդություններ՝ զարկերակային գերճնշում, սրտի հաղորդչականության և ռիթմի խանգարում:

Օդի մթնոլորտային ճնշման կտրուկ տատանումները կարող են առաջացնել գլխուղեղի արյան շրջանառության խանգարում, հիպերտոնիկ կրիզ, ինֆարկտ:

Հարցեր, պատասխաններ, մեկնաբանություններ