Ինչպես խուսափել քրոնիկ հիվանդությունների գարնանային սրացումից. 1in.am

Սովորաբար, գարնանը բնորոշ է քրոնիկ հիվանդությունների սրացում, գրում է healthyliving.com.ua-ը: Ավանդաբար ինքնազգացողության գարնանային վատացման հիմնական գործոնների թվում նշվում է.

• սեզոնային ավիտամինոզ,
• շարժողական ակտիվության նվազում,
• արևային բարձր ակտիվություն` կապված ցերեկային ժամերի երկարելու հետ,
• մթնոլորտային ճնշման հաճախակի տատանումներ,
• շրջակա միջավայրի ջերմաստիճանի անկայունություն, ինչը հանգեցնում է մերթ գերսառեցման, մերթ` գերտաքացման,
• օրգանիզմի բնական պաշտպանական ուժերի նվազում:

Գարնանը հաճախ սրվում են ստամոքսի, տասներկումատնյա աղիքի հիվանդությունները, հոգեկան և ալերգիկ հիվանդությունները, մաշկի, ներքին օրգանների քրոնիկ բորբոքային հիվանդությունները:

Այդ հիվանդությունների սրացումից խուսափելու համար պետք է նախ՝ լիարժեք սնվել, որը ցանկալի է դարձնել բազմազան՝ վիտամիններ և հանքանյութեր ընդունելով: Նախքան սեզոնին պատրաստվելուն ընդառաջ սննդակարգերի պահպանումը, կարևոր է հիշել, որ գործնականում բոլոր սննդակարգերը հանգեցնում են օրգանիզմին անհրաժեշտ վիտամինների և հանքանյութերի անբավարարության:

Պետք է սննդակարգում ներառել նաև կաթնամթերք, որոնք պարունակում են աղիների նորմալ աշխատանքի համար օգտակար մանրէներ:

Այդ շրջանում լավ կլինի առավելագույն ակտիվացնել շարժունակությունը: Գարնան գալու հետ հրաշալի հնարավորություն կա վազքի, քայլքի, հեծանվով զբոսնելու և մաքուր օդում այլ զբաղմունքների համար:

Միաժամանակ, կարևոր է ճիշտ հագուստ ընտրել՝ խուսափելու ինչպես շատ տաքանալուց, այնպես էլ՝ մրսելուց:

Հարցեր, պատասխաններ, մեկնաբանություններ