Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Էսթետիկ բժշկություն

Մազերի փոխպատվաստում Դա Վինչի կլինիկայում. անդրոգեն մազաթափության բուժման միակ եղանակը. doctors.am

Մազերի փոխպատվաստում Դա Վինչի կլինիկայում. անդրոգեն մազաթափության բուժման միակ եղանակը. doctors.am

Մարդու մազերն աճում ու թափվում են ամբողջ կյանքի ընթացքում: Մազի նորմալ աճին համապատասխան` մարդն ամեն օր կարող է կորցնել 50-150 մազ, որն անընդհատ ժամանակի ընթացքում վերականգնվում է: Սակայն ախտաբանական մազաթափության դեպքում ինքնավերականգնում տեղի չի ունենում: Էսթետիկ բժշկության մեջ, ներկայում, կարևոր և ինտենսիվ զարգացող ուղղություն է մազերի փոխպատվաստումը, որն իրականացվում է նաև Հայաստանում:

Թեման՝ Doctors.am-ի հետ զրույցում մանրամասնում է Դա Վինչի կլինիկայի տնօրեն, պլաստիկ վիրաբույժ, բ.գ.թ. Արմեն Ռաֆայելի Հովհաննիսյանը:

Մազաթափությունն, այսօր, թերևս ամենաարդիական խնդիրներից է ամբողջ աշխարհում: Ասացե՛ք, խնդրեմ, մազաթափության ի՞նչ տեսակներ գոյություն ունեն և ո՞ր դեպքերում է, որ խնդիրը կարելի է լուծել միայն մազերի փոխպատվաստման միջոցով:

Մազերի փոխպատվաստում Դա Վինչի կլինիկայումՄազաթափության խնդիրն, այո, իսկապես լայնորեն տարածված է աշխարհում: Ամենից հաճախ (ըստ վիճակագրության՝ աշխարհի տղամարդկային բնակչության 1/3- մոտ հանդիպում է անդրոգեն կամ հորմոնալ տիպի մազաթափությունը: Այս դեպքում  մարդը ժառանգում է մի հատկանիշ, որի  համաձայն գլխի մազերը՝ հատկապես ճակատային և գագաթային շրջանում, խիստ զգայուն են տղամարդկային անդրոգեն հորմոնի նկատմամբ: Արդյունքում, այս հորմոնը քայքայում է մազարմատները, և մազերը`կարելի է ասել, հենց սկզբից «դատապարտված» են թափվելու:

Քունքային, ծոծորակային շրջաններում, ինչպես նաև մարմնի այլ հատվածներում  մազարմատները զգայուն չեն այս հորմոնի նկատմամբ:

Մազաթափության մյուս տեսակները չեն պահանջում վիրահատական միջամտություն. Խնդիրը կարելի է լուծել դեղորայքային բուժման միջոցով:Այս խնդիրը, ինչպես հասկացանք, մեծամասամբ հանդիպում է տղամարդկա՞նց մոտ:

Այո:  հազվադեպ՝ նաև կանանց մոտ:  Մազերի խտությունը նրանց մոտ այդ հատվածներում  կարող է պակասել մինչև 5-7 անգամ:

Ընդունված է կարծել, որ մազաթափություն նկատվում է որոշակի տարիքից հետո: Սա համապատասխանու՞մ է իրականությանը:

Մազաթափությունը սկսվում է բավական վաղ տարիքում, սակայն քանի որ երիտասարդների մոտ մազերի խտությունը մեծ է, այն ընթանում է աննկատ: Մազաթափությունը կարող է սկսվել 16-18 տարեկանից: Առաջին նշաններն ի հայտ են գալիս ճակատային հատվածում, երբ խորանում են ճակատային անկյունները: Սխալ է նաև մազաթափությունը կապել որոշակի գործոնների հետ՝ բանակում ծառայելու, սթրեսների… : Սննդակարգի, ջրի, միջավայրի փոփոխությունն ընդամենը գործոններ են, որ նպաստում են մազաթափությանը, իսկ պատճառը լիովին այլ է:

Մազերի տրանսպլանտացիան անդրոգեն մազաթափության բուժման միա՞կ եղանակն է:

Այո, սա միակ ռեալ և արդյունավետ եղանակն է, որ հնարավորություն է տալիս վերականգնել մազերը և ստանալ էսթետիկ լավ արդյունք:

Մարդը, ով ունի անդրոգեն տիպի մազաթափություն, ունի երկու ճանապարհ.  հաշտվել և համակերպվել այդ մտքի հետ կամ դիմել վիրահատական բուժման:

Մազերի փոխպատվաստում Դա Վինչի կլինիկայումՎաղու՞ց է աշխարհում իրականացվում մազերի տրանսպլանտացիա: Ո՞րն է վիրահատության էությունը:

Մեթոդը հայտնաբերվել է դեռևս երկրորդ համաշխարհային պատերազմից առաջ՝ ճապոնացի գիտնականների կողմից: Այնուհետ, 60-70-ական թվականներից այս հարցը կրկին աշխարհի ուշադրության կենտրոնում էր: Վիրահատության էությունը շատ պարզ է: Տեղի է ունենում գլխի մազածածկույթի վերաբաշխում, կամ այլ կերպ ասած առողջ ու կայուն մազարմատների   տեղափոխություն այն հատված, որտեղ առկա է մազաթափություն: Դոնոր հատվածի հնարավորություններն, իհարկե, պետք է համապատասխանեն վիրահատության ծավալին:

Դա Վինչի կլինիկայում մազերի փոխպատվաստման մե՞ծ փորձ ունեք:

Մենք առաջինն ենք սկսել իրականացնել մազերի տրանսպլանտացիան Հայաստանում և վերջին, շուրջ 15 տարիների ընթացքում կուտակել ենք ավելի քան 700 պացիենտի հաջող բուժման փորձ:

Մազարմատներ կարելի է վերցնել միայն գլխի՞ մակերեսից:

Սկզբունքորեն, կարելի է տեղափոխել մազարմատ մարմնի ցանկացած հատվածից: Հարցն այն է, որ մազերի մեծ խտություն կա միայն գլխի մազածածկ մակերեսին, իսկ մարմնի այլ հատվածներում խտությունը բավարար չէ մեծ քանակներ տեղափոխելու պարագայում: Երբեմն՝ փոքրիկ կորեկցիաների դեպքում, կատարում ենք դոնորական մազերի տեղափոխություն մարմնի այլ հատվածներից:

Փոխպատվաստման վիրահատությունը բաղկացած է 3 փուլից. դոնորական մազարմատների կամ, այսպես կոչված, գրաֆթերի նախապատրաստում, ռեցիպիենտ կամ ընդունող հատվածում փոքրիկ անցքերի ձևավորում և  գրաֆթերի ներդրում այդ հատված:

Ի՞նչ անզգայացման պայմաններում է իրականացվում միջամտությունը:

Անկախ միջամտության տևողությունից և ծավալից, վիրահատությունը կատարվում է տեղային անզգայացմամբ: Ողջ ըթացքը անցավ է, պացիենտը գտնվում է հարմարավետ պայմաններում, կարող է հեռուստացույց դիտել, սնունդ և հեղուկներ ընդունել կամ քնել:

Մազերի փոխպատվաստում Դա Վինչի կլինիկայումՎիրահատության ընթացքում կարեր լինու՞մ են:

Մազարմատների տեղափոխման 2 եղանակ գոյություն ունի՝ FUE (follicular unit extraction) և FUT (follicular unit transplantation): Մենք կիրառում ենք երկուսն էլ: Առաջինի դեպքում ծոծրակային հատվածից վերցվում է մաշկալաթ, վերքը կարվում է կոսմետիկ կարերով և ծոծրակային հատվածում մնում է բարակ սպի, որը, շատ հեշտությամբ քողարկվում է նույնիսկ կարճ կտրած մազերի տակ: Այս մեթոդի գլխավոր առավելությունն այն է, որ նվազագույն քանակով մազարմատներ են վնասվում, քանի որ աշխատանքը կատարվում է օպտիկական խոշորացման պայմաններում, հատուկ միկրովիրաբուժական գործիքներով:

Մյուս տարբերակում մազարմատները վերցվում են հատ-հատ՝ էլեկտրական սարքի միջոցով և անհրաժեշտ է ընդգրկել համեմատաբար ավելի մեծ դոնորական մակերես:

Դա Վինչի կլինիկայում մենք նախընտրում ենք ծավալուն տրանսպլանտացիան կատարել FUT (follicular unit transplantation) եղանակով: Ավելի քիչ քանակի գրաֆթեր կիրառելիս նախնտրելի է համարվում FUE եղանակը:

Որքա՞ն մազարմատ կարելի է տեղափոխել 1 վիրահատության ընթացքում:

Այժմ, մեր կլինիկայում, մեկ վիրահատության ընթացքում հնարավորություն ունենք տեղափոխել 3500-4000 մազափունջ: Սա բավական մեծ քանակ է: Նման ծավալի վիրահատությունը պահանջում է արհեստավարժ թիմի մանրակրկիտ և փոխհամաձայնեցված աշխատանք, որի արդյունքում այսօր միջամտությունը կատարվում է շատ ավելի արագ և օպերատիվ:

Ինչպե՞ս է ընթանում հետվիրահատական ընթացքը: Կա՞ արդյոք հատուկ խնամքի անհրաժեշտություն:

Հետվիրահատական շրջանը ընթանում է բավական հարթ, հետվիրահատական երեք օրերի ընթացքում հիվանդը ընդունում է հակաբակտերիալ, իսկ անհրաժեշտության դեպքում, ցավազրկող դեղահաբեր:  Առաջին 3 օրվա ընթացքում, պարզապես, չի կարելի լվանալ գլուխը: Վիրահատությունից հետո որևէ հատուկ խնամքի կարիք չկա: Շուրջ 2 ամիս հետո սկսում է տեղափոխված մազերի բնական աճը: Նրանք պահպանում են իրենց առաջնային կառուցվածքը, աճի տեմպերը, գույնը և որակը:

Այսպիսով, հետագայում բացառվում է նաև տեղափոխված մազերի մազաթափությունը, այդպես չէ՞:

Իհարկե: Տեղափոխված մազերն արդեն կայուն են անդրոգեն հորմոնի նկատմամբ: Սակայն նույնը չեմ կարող ասել այդ հատվածում եղած մազերի մասին: Նրանք առաջվա պես խոցելի են անդրոգեն հորմոնից և կարող են շարունակել թափվել: Սակայն դա չի վերաբերվում տեղափոխված մազերին: Սա է պատճառը, որ երբեմն հերթական նմանատիպ միջամտության անհրաժեշտություն է առաջանում:

Նախկինում փոխպատվաստում էին կատարում նույնիսկ արհեստական մազերով: Հնարավո՞ր է արդյոք, որ ամբողջական ճաղատության դեպքում մազերի փոխպատվաստման համար դոնոր հանդիսանա  այլ անձ:

Ոչ, դա բացառվում է: Մենք խոսում ենք աուտո-տրանսպլանտացիայի մասին, այսինքն այս դեպքում հենց մարդու սեփական ռեսուրսներն են դառնում դոնոր իր իսկ համար: Իսկ արհեստական մազեր փոխպատվաստելու եղանակը չարդարացրեց իրեն, քանի որ բազմաթիվ բացասական հետևանքներ ունեցավ, որոնցից թերևս ամենատհաճը մաշկաբորբն է իր առաջացրած անզուսպ քորով:

Մազերի փոխպատվաստում Դա Վինչի կլինիկայումԻ՞նչ կասեք հոնքերի վերականգնման մասին:

Հաճախ, երիտասարդ աղջիկները՝ հոնքերի սխալ խնամքի պատճառով կորցնում են հոնքերի մազարմատները: Նրանք ստիպված դիմում են տատուաժի, ինչը  հաճախ չի ապահովում հոնքերի բնական տեսք:  Այս պարագայում սեփական մազարմատների տեղափոխությունը ևս լավագույն միջոցն է հանդիսանում հոնքերի բնական տեսքը վերականգնելու համար:

 

 Դա Վինչի կլինիկա
 Հեռ.՝ +374 10 54 82 73,  +374 55 54 82 73
 Վեբ կայք.՝ www.maz.am

 

Սկզբնաղբյուր. doctors.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում

 Էսթետիկ բժշկության ծառայություներ Հայաստանում

Դա Վինչի կլինիկա

Երևան, Ամիրյան փող., 4/6 շենք  

+374 10 54 82 73 ,

+374 55 54 82 73 

+374 96 54 82 73

davinci-clinic@yandex.com

davinciclinic.am

 

Share |

Հարցեր, պատասխաններ, մեկնաբանություններ

Naira

18.01.2016

Բարև Ձեզ Ինչ կարելի է անել երբ երեխայի մաշկին աճուկային հատվածներին և ոտքերին մեծ կարմրավուն բշտիկներ են հայտնվել :Մոտ 3 ամիսա է ինչ այդպես է սկզբում այտուցված էր հետո կարմրավուն ցան Элоком ից հետո անցավ 2 օր հետո կրկնվեց: Դրանք ցավ չեն պատճառում երեխային : Օգտագործել եմ Bubchen creme,Мазь борная 5%,Синтомицин,Ցինկի Օքսիդ 10%,псило-бальзам Бепантен,Элоком ,АЕВИТ,Супрастин,Օսլա դեղամիջոցները տարբեր բժիշկների խորհրդատվությամբ սակայն անարդյունք :

Կարդացեք նաև

Պլաստիկ վիրահատության կարևոր նրբություններ. մեկնաբանում է Կարեն Մուրադյանը
Պլաստիկ վիրահատության կարևոր նրբություններ. մեկնաբանում է Կարեն Մուրադյանը

Ավելի պատասխանատու՝ ավելի արդյունավետ: Այդպես է իր աշխատանքին վերաբերվում Վնասվածքաբանության և օրթոպեդիայի գիտական կենտրոնի քիթ-կոկորդ-ականջաբանության և պլաստիկ վիրաբուժության բաժանմունքի...

Պլաստիկ վիրաբուժություն
Պլաստիկ վիրաբույժին հաճախ տրվող հարցեր. izmirlianmedicalcenter.com
Պլաստիկ վիրաբույժին հաճախ տրվող հարցեր. izmirlianmedicalcenter.com

1.  Ո՞րն  է կոսմետիկ վիրաբուժության և պլաստիկ վիրաբուժության տարբերությունը:

Կոսմետիկ և պլաստիկ վիրաբուժությունների մեջև տարբերություն չկա. դրանք նույնն են...

Պլաստիկ վիրաբուժություն
Ազատվել առկա արատից` այդ կերպ ձերբազատվելով նաեւ հոգեբանական խնդիրներից. պլաստիկ վիրաբուժությունն այդ հնարավորությունը տալիս է, սակայն այդքանով չի սահմանափակվում. arabkirjmc.am
Ազատվել առկա արատից` այդ կերպ ձերբազատվելով նաեւ հոգեբանական խնդիրներից. պլաստիկ վիրաբուժությունն այդ հնարավորությունը տալիս է, սակայն այդքանով չի սահմանափակվում. arabkirjmc.am

Պլաստիկ վիրաբուժության ստեղծման, զարգացման, արդի վիճակի, կենտրոնում առաջարկվող ծառայությունների, ցուցաբերվող մոտեցման եւ այլ հարցերի շուրջ զրուցեցինք «Արաբկիր» ԲՀ քիթ-կոկորդ-ականջաբանության եւ պլաստիկ վիրաբուժության բաժանմունքի...

Բժշկի ընդունարանում Պլաստիկ վիրաբուժություն
Ի՞նչ է պետք է իմանա քթի պլաստիկ վիրահատություն պլանավորող մարդը
Ի՞նչ է պետք է իմանա քթի պլաստիկ վիրահատություն պլանավորող մարդը

Ժամանակակից աշխարհի ռիթմն ու մրցակցությունը պահանջում է անընդհատ կատարելագործվել ու ընդլայնել արդեն ձեռք բերած կարողություններն ու մասնագիտական որակը: Բժշկության ոլորտում երբեմն նեղ մասնագետների...

Քիթ-կոկորդ-ականջ հիվանդություններ Պլաստիկ վիրաբուժություն
Միշտ հաշվի եմ առնում դեմքի առանձնահատկությունները. Աշոտ Հարությունյան
Միշտ հաշվի եմ առնում դեմքի առանձնահատկությունները. Աշոտ Հարությունյան

Պլաստիկ վիրահատությունից հետո հայելու մեջ իր արտացոլումը տեսնելով՝ պացիենտը խանդավառվում է: Նա այլևս ազատ է այն բարդույթներից ու խնդիրներից, որոնք ուղեկցել են նրան ամբողջ կյանքում...

Բժշկի ընդունարանում Պլաստիկ վիրաբուժություն
Hallux valgus. ինչպե՞ս վերականգնել ոտնաթաթի էսթետիկ տեսքը
Hallux valgus. ինչպե՞ս վերականգնել ոտնաթաթի էսթետիկ տեսքը

Ոտնաթաթի առաջին մատի ծռվածություն. հատկապես կանանց շրջանում մեծ տարածում ունեցող խնդիր, որը ոչ միայն  էսթետիկ խնդիրներ է առաջացնում,այլ հետագայում նաև ավելի լուրջ բարդությունների պատճառ...

Վնասվածքաբանություն և օրթոպեդիա Բժշկի ընդունարանում
Երկար մազերի փոխպատվաստման բացառիկ վիրահատությունը կատարվեց նաև Հայաստանում. avanta.am
Երկար մազերի փոխպատվաստման բացառիկ վիրահատությունը կատարվեց նաև Հայաստանում.  avanta.am

Առաջին անգամ Հայաստանում աշխարհի առաջատար վիրաբույժ, ամերիկյան էսթետիկ բժշկության ակադեմիայի պրոֆեսոր Ակակի Թիլոսանին կատարեց  երկար մազերի փոխպատվաստման բացառիկ վիրահատությունը, որը դեռևս չի կատարվում...

Մազերի խնամք
«Գրասենյակային վիրաբուժությունը» նվաճում է պլաստիկ վիրաբուժությանը. 1in.am
«Գրասենյակային վիրաբուժությունը» նվաճում է պլաստիկ վիրաբուժությանը. 1in.am

MEDdaily-ի փոխանցմամբ՝ «գրասենյակային վիրաբուժությունը» նվաճում է պլաստիկ վիրաբուժությանը: Մշակվում և ներդրվում են փոքր միջամտությամբ նոր...

ԼՈՒՐԵՐ։ Առողջ և գեղեցիկ
Ինչ է պետք իմանալ կրծքի իմպլանտների մասին 40 տարեկանից հետո. med.news.am
Ինչ է պետք իմանալ կրծքի իմպլանտների մասին 40 տարեկանից հետո. med.news.am

40-անց շատ կանայք մտածում են կուրծքը մեծացնելու մասին: Երեխաների նրանք արդեն լույս աշխարհ բերել եւ կերակրել են, իսկ առջեւում դաշտանադադարն է: Պլաստիկ վիրաբույժ...

Առողջ կին Պլաստիկ վիրաբուժություն
Լազերային երիտասարդացման գերժամանակակից տեխնոլոգիա. բժիշկ-մաշկաբան Գոհար Չոբանյան
Լազերային երիտասարդացման գերժամանակակից տեխնոլոգիա.  բժիշկ-մաշկաբան Գոհար Չոբանյան

Լազերային երիտասարդացման գերժամանակակից տեխնոլոգիա, որն արդեն կիրառվում է նաև Հայաստանում: Այս մեթոդի իրականացման, առավելությունների, առանձնահատկությունների, սահմանափակումների...

Բժիշկներ
«LUMENIS M22» IPL ԵՎ Nd: Yag (նեոդիմային լազեր). ՈՍԿԵ ՍՏԱՆԴԱՐՏ ԷՍԹԵՏԻԿ ԲԺՇԿՈՒԹՅԱՆ ՈԼՈՐՏՈՒՄ
«LUMENIS M22» IPL ԵՎ  Nd: Yag (նեոդիմային լազեր). ՈՍԿԵ ՍՏԱՆԴԱՐՏ ԷՍԹԵՏԻԿ ԲԺՇԿՈՒԹՅԱՆ ՈԼՈՐՏՈՒՄ

«LUMENIS M22» IPL ԵՎ  Nd:Yag  նորամուծություն է Հայաստանում և առկա է միայն ԳԱԼԱԹԵԱ գեղագիտական բժշկության կենտրոնում: Այն իրականացնում է...

Բժշկական կազմակերպություններ և կենտրոններ
Ասիայում նոր թրենդ է հայտնվել պլաստիկ վիրաբուժության ոլորտում. 1in.am
Ասիայում նոր թրենդ է հայտնվել պլաստիկ վիրաբուժության ոլորտում. 1in.am

Ասիայում մեծ ճանաչում է ձեռք բերում ձայնի փոփոխման վիրահատությունը: Այն հնարավոր է ավելի առնական կամ կանացի դարձնել: Ավելի վաղ նման վիրահատության են ենթարկվել միայն...

ԼՈՒՐԵՐ: Պլաստիկ վիրաբուժություն
Դեղերի եւ հարդարանքի միջոցների փորձարկման համար ցողունային բջիջներից մաշկ են ստեղծել
Դեղերի եւ հարդարանքի միջոցների փորձարկման համար ցողունային բջիջներից մաշկ են ստեղծել

Լաբորատորիայում ցողունային բջիջներից աճեցված մաշկը կենդանիների փոխարեն կարող է օգտագործվել դեղերի եւ հարդարման միջոցների փորձարկման ու մաշկային հիվանդությունների բուժման նոր մեթոդների մշակման համար...

ԼՈՒՐԵՐ: Մաշկաբանություն ԼՈՒՐԵՐ: Գիտաբժշկական լրահոս
Բոտոքսի հնարավոր վտանգները
Բոտոքսի հնարավոր վտանգները

Բոտոքս դեղամիջոցը, որը կիրառվում է դեմքի մաշկը ձգելու համար, կարող է անուղղելի վնաս հասցնել առողջությանը: Համաձայն վերջին հետազոտությունների՝ դրա օգտագործումը վնասակար է տեսողության ու գլխուղեղի համար...

ԼՈՒՐԵՐ։ Առողջ և գեղեցիկ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ