«Աստված խոսում է սրտի լռության մեջ». Մայր Թերեզա. crossnews.am

Մեր աղոթքները պետք է լինեն մեր սրտի կրակից, բառերը այդ կրակով այրված սիրուց Մեր աղոթքները պետք է  լինեն մեր սրտի կրակից, բառերը՝ այդ կրակով այրված սիրուց:

• Ողջ սրտից և հոգուց փառքը պետք է տանք Նրա կատարելությանը:
  
  
• Մենք չենք կարող կանգնել Աստծո առջև, եթե չապրենք ներքին և արտաքին լռություն:
  
  
• Աստված խոսում է սրտի լռության մեջ: Եթե կանգնես Աստծո առջև լռության և  աղոթքի մեջ, Նա կխոսի քեզ հետ:
  
  
• Երբ հասկանաս, որ ոչինչ ես, դատարկ մի անոթ, Աստված քեզ կլցնի Իրենով:
  
  
• Լռությունը թույլ է տալիս, որ ամեն բան տեսնենք այլ կերպ :
  
  
• Մեզ լռություն է պետք, որ կարողանանք հպվել մարդկանց սրտերին:
  
  
• Լռության մեջ մենք հասկանում ենք, որ կարևորը ոչ թե մեր խոսքն է, այլ Աստծո:
  
  
• Աստծուն անհնար է գտնել աղմուկի և ունայնության մեջ: Նայիր բնությանը՝ ծառերը, ծաղիկները աճում են լռության մեջ:
  
  
• Արևը, Լուսինը, աստղերը շարժվում են լռության մեջ:
  
  
• Կարևորը այն չէ, թե մենք ինչ կարող ենք ասել Աստծուն, այլ այն, թե Նա ինչ է ասում մեզ մարդկանց միջոցով:
  
  
• Լռության մեջ մենք պարգև ունենք՝ Նրան լսել:
  
  
• Աչքերի, ականջների, շուրթերի, սրտի և մտքի լռության մեջ Աստված կխոսի:
  
  
• Սրտի լռությունը քեզ պետք է, որ լսես Աստծո ձայնն ամենուրեք, անգամ փակ դռների առջև և երգող թռչունների ձայնի մեջ:

Հարցեր, պատասխաններ, մեկնաբանություններ