Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Միզային համակարգ

Անմիզապահությունը` հրատապ խնդիր. izmirlianmedicalcenter.com

Անմիզապահությունը` հրատապ խնդիր. izmirlianmedicalcenter.com

Անմիզապահության խնդիրներին վերաբերող հարցերի շուրջ զրուցեցինք «Իզմիրլյան» բժշկական կենտրոնի ուրոլոգիական կլինիկայի ղեկավար ուրոլոգ, դոցենտ, բ.գ.թ. Արթուր Գրաբսկու և բաժանմունքի ուրոլոգ Գոռ Շադյանի հետ:

Անմիզապահությունը հիվանդությո՞ւն է, թե՞ ախտանիշ:

Անմիզապահությունը հիվանդություն է, որը բնորոշվում է մեզի ակամա արտահոսքով: Անմիզապահությունը կյանքին սպառնացող խնդիր չէ, այն կարող է իջեցնել կյանքի որակը:

Որո՞նք են անմիզապահության տեսակները:

Տարբերակում ենք անմիզապահության 3 հիմնական տեսակներ: Առաջինը կոչվում է սթրեսային, երկրորդը՝ ուրգենտ, իմպերատիվ կամ հրամայողական, երրորդը` խառը տեսակն է, երբ երկու բաղադրիչներն էլ առկա են: Կան այլ տեսակներ ևս՝ պարադոքսալ իշուրիա, շարունակական, սիտուացիոն:

Ի՞նչ է սթրեսային անմիզապահությունը:

Սթրեսային անմիզապահությունը սթրեսի, վախենալու հետ որևէ ընդհանուր կապ չունի: Այն բնորոշում է անմիզապահության բոլոր այն տեսակները, որոնք առաջանում են ներորովայնային ճնշման բարձրացման հետևանքով՝ հազալիս, փռշտալիս, ծանրություն բարձրացնելիս, պառկած դիրքից նստած դիրք ընդունելիս, ծիծաղելիս, երեխային գրկելիս, քայլելիս և այլն: Այս դեպքում խնդիրը կապված է փականային համակարգի ոչ ադեկվատ աշխատանքի հետ:

Ուրգենտ անմիզապահություն

Ուրգենտ, իմպերատիվ կամ հրամայողական անմիզապահությունը կապված չէ փականային համակարգի թուլության հետ, այլ կապված է միզապարկի գերակտիվության հետ: Այս դեպքում միզապարկը, հաճախ անհայտ պատճառներով, ինքնուրույն կծկվում է և առաջանում է մեզի ակամա արտահոսք:

Ինչպե՞ս է դրսևորվում խառը անմիզապահությունը:

Այս դեպքում կա ինչպես փականային համակարգի, այնպես էլ միզապարկի կծկողականության հետ կապված խնդիր` առկա է միզապարկի գերակտիվություն: Պացիենտը նշում է, որ հանգիստ նստած ժամանակ, կամ ինչ-որ գործողություն անելիս հանկարծակի առաջանում է միզելու անզուսպ ցանկություն, որին հաջորդում է մեզի ակամա արտահոսի առաջացումը: Պացիենտները հաճախ նշում են, որ մեզի ակամա արտահոսք առաջանում է նաև թափվող ջրի ձայն լսելիս: Խառն անմիզապահության դեպքում պացիենտն ունենում է անմիզապահության երկու ձևերին բնորոշ գանգատներ:

Անմիզապահության այլ տեսակներ

Պարադոքսալ անմիզապահությունը կամ պարադոքսալ իշուրիան առավել բնորոշ է տղամարդկանց: Այս դեպքում կա գերլցված միզապարկ, բայց նաև առկա է մեզի արտահոսքին խանգարող գործոն, որի պատճառը հաճախ կարող է լինել շագանակագեղձի գերաճը:

Թվում է, եթե կա մեզի հոսքին խանգարող գործոն, մեզը չպետք է թափվի: Այս պարագայում, մեզը երիկամներից հավաքվելով միզապարկում, առաջացնում է ճնշում գերլցված միզապարկում, և այդ ճնշման տակ մեզը կաթիլներով արտահոսում է:

Սիտուացիոն անմիզապահությունն առավել բնորոշ է երեխաներին, երբ, օրինակ, դասի ժամանակ ամաչում են ուսուցչից դուրս գալու թույլտվություն խնդրել:

Շարունակական տեսակն առաջանում է խուղակների առկայության դեպքում, երբ կա երկու խոռոչավոր օրգանների միջև ախտաբանական կապ, օրինակ, միզապարկի և հեշտոցի միջև: Այս դեպքում մեզը արտահոսում է հեշտոցից:

Անմիզապահությունը կանանց և տղամարդկանց մոտ

Անմիզապահությունն ավելի բնորոշ է կանանց, քանի որ փականային համակարգը ավելի թույլ է զարգացած: Ռիսկի գործոններից են հղիությունը, ծննդաբերությունը, հորմոնալ խանգարումները, բոլոր այն իրավիճակները, որոնք բերում են ներորովայնային ճնշման բարձրացման, օրինակ, քրոնիկ փորկապություն, քրոնիկ հազով ընթացող շնչառական խնդիրներ, ծանր աշխատանքը և այլն:

Տղամարդկանց մոտ անմիզապահության հաճախ հանդիպող պատճառ է շագանակագեղձի հեռացումը:  Այս դեպքում առաջանում է սթրեսային տեսակը՝ հազալիս, փռշտալիս, քայլելիս: Տղամարդկանց մոտ ուրգենտային տեսակն առավել հաճախ է հանդիպում:

Անմիզապահության առանձնահատկությունները ծերերի մոտ

Տարիքի հետ փականային համակարգի խնդիրներն ավելի են արտահայտվում և մեծ տարիքին ավելի բնորոշ է անմիզապահությունը:

Ծերերի մոտ նպաստող գործոններն ավելի շատ են՝ մկանային, կապանային համակարգի թուլություն, հորմոնալ խանգարումներ և այլն: Այնուամենայինիվ չկա տարիք, որում անմիզապահության առկայությունը նորմալ է: Քանի որ անմիզապահությունը կյանքին սպառնացող վիճակ չէ, ցավոք, հաճախ բժշկի չեն դիմում:

Գիշերային անմիզապահություն, պատճառները

Գիշերային անմիզապահությունը կոչվում է էնուրեզ: Պատճառը հստակ հայտնի չէ: Սովորաբար, դա լինում է երեխաների մոտ: Այն նորմալ է համարվում մինչև 5 տարեկանը, որից հետո պետք է դիտարկել որպես խնդիր և դիմել մասնագետի:

Պատճառները տարբեր են: Պատճառ կարող է լինել խորը քունը, երբ լցված միզապարկից գրգիռները հասնում են գլխուղեղի համապատասխան կենտրոններ, սակայն չեն ընկալվում և օրգանիզմը հարցին իր լուծումն է տալիս:

Ենթադրվող պատճառներից է ցերեկային և գիշերային ժամերին միզագոյացման ծավալային հարաբերակցության խախտումը, ինչը նորմայում 70:30 տոկոս է: Պատճառներից է նաև քնած ժամանակ միզապարկի գերակտիվությունը՝ նյարդային և այլ պատճառներով:

Անմիզապահության ախտորոշման մեթոդները

Հետազոտությունը սկսվում է անամնեզից` ե՞րբ, ինչպե՞ս, ի՞նչ ընթացքով և այլն: Իրականացվում է գործիքային քննություն` ուրոֆլոումետրիա, որի ժամանակ պացիենտը միզում է սարքի մեջ, գնահատվում են միզարձակության միշարք ցուցանիշներ` մաքսիմալ արագություն, ժամանակահատված, իսկ վերջում` մնացորդային մեզի ծավալ:

Ուտրաձայնային հետազոտությամբ պարզում են առկա ախտաբանական փոփոխությունները:

Որո՞նք են բժշկին դիմելու ցուցումները:

Անմիզապահության առաջին իսկ նշանների դեպքում նախընտրելի է դիմել բժշկի`բարդություններից խուսափելու և առավել լավ արդյունք ստանալու համար:

Անմիզապահության բուժման մեթոդները

Անմիզապահության բուժման եղանակներն են՝ վարքագծային թերապիան, դեղորայքային և վիրաբուժական եղանակները:
Հարցի լուծումը, թեթև ստադիաներում հաճախ տրվում է վարքագծային թերապիայով (կոնքի մկաններն ամրացնող վարժություններ, միզապարկի վարժանք, հեղուկի ընդունման ռեժիմի կարգավորում), ինչպես նաև դեղորայքային բուժմամբ:

Կան ֆիզիոթերապևտիկ միջոցներ ևս, որոնք ուղղված են սթրեսայինի դեպքում կոնքի մկանների ամրացմանը, իսկ ուրգենտայինի ժամանակ՝ միզապարկի ակտիվությունը թուլացնելուն:

Վիրահատական միջամտությունները բազմազան են և ունեն իրենց բնորոշ նրբությունները: Առաջին կարևոր պայմաններից է ճիշտ ցուցումով վիրահատելը:

Կանխարգելումը

Կանխարգելուման համար պետք է հնարավորինս զերծ մնալ վերոնշյալ ռիսկի գործոններից:

Հիգիենայի կազմակերպումը

Անմիզապահության ժամանակ մեզի ակամա արտահոսքը մանրէների համար նպաստավոր միջավայր է ստեղծում` առաջացնելով բորբոքային տարբեր խնդիրներ: Հիգիենային հետևելու լավագույն միջոցը անմիզապահության բուժումն է:

Խորհուրդներ պացիենտներին

Պացիենտները հաճախ կարծում են, որ անմիզապահությունը կանանց մոտ նորմալ երևույթ է, քանի որ շատերի մոտ է այն հանդիպում: Անմիզապահությունը նորմալ չէ, և վերջինիս առկայության դեպքում պետք է դիմել մասնագետի օգնությանը:

Սկզբնաղբյուր. izmirlianmedicalcenter.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Միզաքարային հիվանդություն. izmirlianmedicalcenter.com
Միզաքարային հիվանդություն. izmirlianmedicalcenter.com

Միզաքարային հիվանդությունը (ՄՔՀ) լայն տարածում ունի ամբողջ աշխարհում: Կյանքի ընթացքում երիկամներում քարագոյացման հավանականությունը գնահատվում է 1%-15%` կախված սեռից, տարիքից, ռասսայից և աշխարհագրական դիրքից...

Անցանկալի հյուրը. ցիստիտ. izmirlianmedicalcenter.com
Անցանկալի հյուրը. ցիստիտ. izmirlianmedicalcenter.com

Յուրաքանչյուր ոք գեթ մեկ անգամ կյանքում ունեցել է միզապարկի հետ կապված խնդիր` ցիստիտ, որի ստեղծած անհարմարությունն, ինքնին պահանջում է շուտափույթ լուծում: Խնդրին վերաբերող ամենահաճախ տրվող հարցերի...

Ալկոհոլային նեֆրոպաթիա (Alcoholic nephropathy). urolog.am
Ալկոհոլային նեֆրոպաթիա (Alcoholic nephropathy). urolog.am

Ալկոհոլային նեֆրոպաթիան երիկամների բորբոքային բնույթի քրոնիկական ախտահարումն է, որի հիմքում օրգանիզմի վրա էթիլ սպիրտի և նրա նյութափոխանակության արգասիքների ազդեցությամբ առաջացած աուտոիմուն մեխանիզմներն են...

Վնասակար սովորություններ
Հղիությունը միակ երիկամի դեպքում (Pregnancy with one kidney). urolog.am
Հղիությունը միակ երիկամի դեպքում (Pregnancy with one kidney). urolog.am

Հղիությունը միակ երիկամի դեպքում տեղի է ունենում թերզարգացած կամ հեռացված երիկամով կանանց մոտ: Միակ գործող օրգանի նորմալ աշխատանքի դեպքում հատուկ ախտանիշները բացակայում են...

Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա
Միզապարկի քաղցկեղի ախտանիշներ, որոնք չի կարելի անտեսել. oncology.am
Միզապարկի քաղցկեղի ախտանիշներ, որոնք չի կարելի անտեսել. oncology.am

Միզապարկն իրենից պարկ ներկայացնող մկանային օրգան է, որը կարող է  լայնանալ և կրճատվել: Այն նախատեսված է երիկամների կողմից արտադրված մեզը պահելու համար:  Միզապարկի քաղցկեղի զարգացման...

Ուռուցքաբանություն
Երիկամի քաղցկեղ. urolog.am
Երիկամի քաղցկեղ. urolog.am

Երիկամի քաղցկեղը բնորոշվում է երիկամային հյուսվածքում չարորակ բջիջների առաջացմամբ: Երիկամները զույգ օրգաններ են, այդ պատճառով ուռուցքը կարող է զարգանալ մեկում (աջում կամ ձախում), կամ` միաժամանակ երկուսում...

Ուռուցքաբանություն
Ինտերստիցիալ ցիստիտ. urolog.am
Ինտերստիցիալ ցիստիտ. urolog.am

Ինտերստիցիալ ցիստիտը միզապարկի ոչ վարակիչ բորբոքումն է: Այն կանանց մոտ առնվազն տասն անգամ ավելի հաճախ է հանդիպում քան տղամարդկանց մոտ, և հազվադեպ է հայտնաբերվում երեխաների և ծերերի մոտ...

Գոտկային ցավ (flank pain). urolog.am
Գոտկային ցավ (flank pain). urolog.am

Գոտկային ցավերի պատճառները բազմազան են։ Սակայն կարելի է այն բաժանել հիմնական 3 պատճառի...

Ուրո-անդրոլոգիա Ցավ
Ի՞նչ անել, երբ միզապարկն ամբողջովին չի դատարկվում. urolog.am
Ի՞նչ անել, երբ միզապարկն ամբողջովին չի դատարկվում. urolog.am

Միզապարկի մինչև վերջ չդատարկվելու զգացողությունը հիմնականում առաջանում է շագանակագեղձը մեծանալու կամ նրա ախտահարումների դեպքում, ինչպիսիք են ադենոման, շագանակագեղձի քաղցկեղը, ինչպես նաև...

Միզաքարային հիվանդություն. հարցերին պատասխանում է Արամ Զոհրաբյանը. armeniamedicalcenter.am
Միզաքարային հիվանդություն. հարցերին պատասխանում է Արամ Զոհրաբյանը. armeniamedicalcenter.am

Ի՞նչ է միզաքարային հիվանդությունը:

Միզաքարային հիվանդությունը (ՄՔՀ) միզասեռական համակարգի ամենատարածված հիվանդություններից է` իր...

Երիկամի փոխպատվաստում. arabkirjmc.am
Երիկամի փոխպատվաստում. arabkirjmc.am

Տարբեր երկրների վիճակագրական տվյալներից ելնելով տարեկան 1 մլն բնակչության հաշվարկով 600-1000 հիվանդներ ստանում են հեմոդիալիզ, որոնցից մոտավորապես կեսը պատրաստ են և ունեն ցուցում երիկամի փոխպատվաստման...

Միզապարկի խուղակ. urolog.am
Միզապարկի խուղակ. urolog.am

Ի՞նչ է տեղի ունենում, երբ միզապարկի  և այլ օրգանների կամ մաշկի միջև ախտաբանական կապ է առաջանում: Ստորև բերված տեղեկատվությունը կօգնի Ձեզ լուծել տվյալ խնդիրը մինչև լուրջ բարդությունների առաջացումը...

Միզուկում` օտար մարմիններ. urolog.am
Միզուկում` օտար մարմիններ. urolog.am

Միզուկում (միզատար խողովակում) օտար մարմիններ հիմնականում հանդիպում են տղամարդկանց մոտ (ինչպես երեխաների, այնպես էլ մեծահասակների մոտ): Դրանց ներթափանցումը միզուկ իրականացվում է արտաքին բացվածքի կամ, ընդհակառակը...

Նեյրոգեն միզապարկ. urolog.am
Նեյրոգեն միզապարկ. urolog.am

Ընդհանուր նկարագրություն

Գլխուղեղի, ողնուղեղի կամ ծայրամասային նյարդերի ֆունկցիայի խանգարումը կարող է բերել նեյրոգեն միզապարկի առաջացման...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ