Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Պատմության էջերից

Գիտաբժշկական գրադարանը 80 տարեկան է. հարցազրույց փոխտնօրեն Աննա Շիրինյանի հետ

Գիտաբժշկական գրադարանը 80 տարեկան է. հարցազրույց փոխտնօրեն Աննա Շիրինյանի հետ

Այս տարի լրացավ Գիտաբժշկական գրադարանի հիմնադրման 80 տարին. բավականին պատկառելի «տարիք»:

 

Այս առիթով զրուցեցինք Գիտաբժշկական գրադարանի փոխտնօրեն Աննա Շիրինյանի հետ, ով պատմեց Գիտաբժշկական գրադարանի կայացման ճանապարհի և  սպասվելիք 80-ամյակին նվիրված առաջիկա միջոցառման մասին:


–   Սեպտեմբերի 26-ին կնշվի գրադարանի հիմնադրման 80-ամյակը, թեև արդեն տարեսկզբից տարին հայտարարվեց հոբելյանական: Պաշտոնական կայքում տեղադրվեց գրադարանի 80-ամյակին վերաբերող տեղեկատվություն: Տարվա ընթացքում գրադարանի անցած 80-ամյա ուղին ամփոփվեց ֆիլմի նկարահանմամբ, որտեղ ամեն բան հստակ ներկայացված է՝ և՛ դժվարությունները, և՛ ձեռքբերումները: Սեպտեմբերի 26-ի միջոցառումն սկսվելու է այդ ֆիլմի ցուցադրությամբ, որից հետո կլինեն ողջույնի խոսքեր, շնորհավորանքներ:


Միջոցառմանը հրավիրվել են մեր գործընկերները, բժշկական կենտրոնների տնօրեններ, ակտիվ ընթերցողներ, ստեղծագործող բժիշկներ, հյուրեր` Մոսկվայից և այլն: 80-ամյակի արարողությանը հյուր են լինելու նաև մեր բարերար դոկտոր Հովսեփյանի զավակները:

 

Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ

 

Թեև 80-ամյակի միջոցառումը սեպտեմբերի 26-ին է, 27-ին, 28-ին կլինի շարունակություն` Քվոտ լիբեթի տեսքով: Այն գալիս է միջնադարից, երբ մարդիկ հավաքվել են` ազատ բանավիճելու, կիսվելու միմյանց հետ: Այդ միջոցառումը սովորել ենք շատ հայտնի բժիշկ, համաշխարհային մեծություն Անատոլի Զիլբերից: Դա շատ հետաքրքիր բանավեճի հարթակ է, ինչը մի քանի տարի առաջ իրականացվել է Հայաստանում, և ներկայում երկրորդն է անցկացվելու, որի թեման արդիական է` «Դեղագործական հոգածության կազմակերպման կարգավիճակը Հայաստանում»:


Միջոցառմանն ակնկալվում է 50-ից ավելի մասնակիցներ:


Հաջորդիվ` սեպտեմբերի 29-ին կազմակերպվելու է և՛ բժշկական, և՛ գեղարվեստական գրքերի տոնավաճառ` խորհրդանշական գներով: Գրադարանում ունենք մեծաքանակ գրքեր, որոնց մեջ շատ են նաև ընթերցողների նվիրաբերումները: Ստացված գումարը կօգտագործվի գրադարանի կարիքների համար: Դա առաջին անգամ է մեզ մոտ կազմակերպվում:


Տարվա սկզբից հայտարարվել է նաև ֆոտոմրցույթ՝ «Գրադարանն իմ աչքերով» խորագրով: Ընթերցողներն այստեղ պետք է լուսանկարեն իրենց հետաքրքրած պահերը, կադրերը: Ցավոք, դեռ շատ քիչ մարդ է մասնակցել դրան: Որոշ ժամանակ անց ֆեյսբուքում ամենաշատ հավանում (լայք) ստացած ընթերցողը կհաղթի և կունենա իր անակնկալ մրցանակը:

 

 Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ


–   Ինչպիսի՞ն է 80-ամյա գրադարանի անցած ճանապարհը:


–   Գիտաբժշկական գրադարանն տեղակայված էր ԵՊԲՀ Անատոմիկումի մասնաշենքում, որտեղ գործում էր նաև ինստիտուտի գրադարանը: Այնուհետև, 1946-ի ջրհեղեղի ժամանակ` Գետառի ջրերը բարձրանալով, վնասեցին գրականության մեծ մասը: Մնացած շատ քիչ քանակությամբ գրքերով գրադարանը գործեց բժշկական ինստիտուտի գրադարանի հետ համատեղ մինչև 1949 թվականը:


Այնուհետև գիտաբժշկական գրադարանն առանձնացվել է և տեղափոխվել նախկին բժշկական ուսումնարանի հանրակացարանի մասնաշենք, իսկ հետագայում՝ Աբովյան 54-ում գտնվող Կուրորտոլոգիայի, ֆիզիոթերապիայի ինստիտուտ, որտեղ շատ վատ պայմաններում գործել է բավականին երկար ժամանակ: Եվ միայն 1987 թվականին, այդ ժամանակ Առողջապահության նախարար Էմիլ Սամսոնիչի հրամանով, գրադարանին տեղ հատկացվեց Թումանյան 8 հասցեում` նախկինում Ֆանարջյանի անվան ուռուցքաբանության Ինստիտուտը:

 

 Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ


Իսկ 2004 թ-ին, մի շարք նախարարությունների շենքեր օպտիմալացվեցին, գրադարանին նոր տեղ չհատկացվեց և բառիս բուն իմաստով հայտնվեց «փողոցում»: Միայն Գիտությունների Ազգային Ակադեմիայի նախագահ Ֆադեյ Տաճատի Սարգսյանը ձեռք մեկնեց: Նա առաջարկեց Ռուբինյան 29 հասցեում գտնվող ներկայիս շենքը: Սկզբում շենքը շատ անմխիթար վիճակում էր: Տարիների ընթացքում այն քիչ առ քիչ կարգի բերվեց:

–   Փաստորեն, գրադարանը շատ դժվարություններ է տարել, սակայն 80 տարի անց, այդքան կորուստների հետ միաժամանակ, այն, անշուշտ, իր ձեռքբերումներն ունի 


–   Իհարկե, գրադարանի ամեն տեղափոխությունից հետո ամեն բան սկսվել է գրեթե զրոյից: Բայց դա հաղթահարվել է: Ունեցել ենք և դժվարություններ, և հաջողություններ, կատարվել է հսկայական աշխատանք:


Ներկայում գրադարանը հարուստ է հիանալի դասագրքերով, կլինիկական ուղեցույցներով, գիտական նյութերով, սպասարկում է ուսանողների, կլինիկական օրդինատորների, պրակտիկ բժիշկների, դասախոսների, ասպիրանտների: Գրադարանում առկա է ժամանակակից ընթերցասրահ` լավագույն գրքերով, էլեկտրոնային շտեմարաններով, համակարգիչներով, ունենք երկու ուսումնական կենտրոն՝ դարձյալ համակարգիչներով հագեցած:

 

Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ


Գրադարանն այժմ մատենագիտության կենտրոն է և իրականացնում է շատ կարևոր մատենագիտական բացառիկ գործառույթ: Ամբողջ բժշկագիտական, մատենագիտական շտեմարանն արդեն առկա է էլեկտրոնային ցուցակներով` վաթսունականներից սկսած, որտեղ ընգրկված են Հայաստանում հրատարակված ամբողջ բժշկական գրականության տվյալները, և ընթերցողը շատ հեշտությամբ, մեկ կոճակ սեղմելով, կարող է այդ ամենի մասին տեղեկանալ:


Հայաստանում բժշկական գրադարանների ամբողջ ցանցի մեթոդական ղեկավարումը և համակարգումը դրված էր Գիտաբժշկական գրադարանի վրա:


–   Ունեցե՞լ եք աջակիցներ գրադարանի խնդիրների կարգավորման գործում


–   1988 թվականից, երկրաշարժից  հետո Երևանում սկսվեցին մարդասիրական  ծրագրեր իրականացվել: Այդ շրջանակներում գրադարանին շատ է օգնել  Հայ Օգնության Ֆոնդը: Ֆոնդը բազմաթիվ ձեռնարկների է աջակցել:


Գրադարանի մեծ բարերար էր դոկտոր էդգար Հովսեփյանը՝ անվանի բժիշկ, մեծ հումանիստ և Մեծ մարդ, նա Միացյալ նահանգներից էր, Կոլումբիայի համալսարանի հայտնի նյարդավիրաբույժ: Ցավոք, Էդգար Հովսեփյանն արդեն կենդանի չէ: Նրա համար գրադարանը ոտքի կանգնեցնելը գերխնդիր էր, որովհետև լավ հասկանում էր գրադարանի դերը և ամեն բան անում էր գրադարանը զարգացնելու համար: Ներկայում ընթերցասրահը անվանվել է Էդգար Հովսեփյանի անունով:

 

Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ


–   Ի՞նչ նոր, ժամանակակից կյանքի պահանջներին համապատասխանեցված աշխատանքներ է իրականացնում գրադարանը:


–   Գրադարանն այսօր նաև կրթական գործառույթ է կատարում: Մենք այսօր սովորեցնում ենք Երևանի, մարզերի և երիտասարդ բժշկին, և ուսանողին, և կլինիկական օրդինատորին, և ընդհանրապես բոլոր բժիշկներին, թե ինչպես օգտվել համացանցից: Սովորաբար, մարդկանց թվում է, թե շատ հեշտ է համացանցում տեղեկատվություն գտնելը: Մինչդեռ լավագույն, հավաստի, գիտական տեղեկատվությունը բնավ էլ պարզ կերպով տեղակայված չէ: Այդ շատ կարևոր գործառույթը կոչվում է տեղեկատվական գրագիտություն և այն իրականացվում է դասընթացների միջոցով:


Վերջին տարիներին իրականացվում են տեսա-կոնֆերանսներ, հեղինակների շնորհանդեսներ և այլն: Միջոցառումների մեջ իր կարևոր տեղն ունեն վերջին տարիներին բժիշկ-ստեղծագործողների պարբերական հանդիպումները:


Վերջին հաճելի միջոցառումը գրադարանի այգում կազմակերպված բժիշկ-նկարիչների ցուցահանդեսն էր: Մեծ վայելք էր բնության գրկում հիանալ բժիշկ-ստեղծագործողների մեկը մյուսից գեղեցիկ աշխատանքներով: Նման միջոցառումները շարունակական են լինելու: 

 

Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ Բժշկագիտական գրադարանն 80 տարեկան է. հարցազրույց փոխտնօրեն Աննա Շիրինյանի հետ


–   Նոր ժամանակներում շատ բան է փոխվել՝ քիչ է ժամանակը, մարդիկ ավելի քիչ են կարդում, դա անդրադարձե՞լ է գրադարանի հաճախելիության վրա


–   21-րդ դարի գրադարանն ունի այն առանձնահատկությունը, որ ընթերցողը կարող է ֆիզիկապես ներկա չլինել: Մենք մտածում ենք տեղեկատվությունն ավելի շատ էլեկտրոնային ձևով ներկայացնել:


Մեր աշխատանքներին բնականաբար շատ է օգնում գրադարանի կայքը: Կայքում շատ հեշտ է կոմնորոշվելը, և արդեն այցելուների քանակը բավականին շատ է: Գրադարանը միայն գիրք չէ: Այն նախ լուրջ աշխատանք է: Բայց ընթերցողը չի տեսնում իր վերցրած գրքի անցած ճանապարհը, այն հսկայական աշշխատանքը, որն անում են մի խումբ իրենց գործին նվիրյալ  մարդիկ:


–   Որքա՞ն է գրադարանում պահվող գրականությունը և ի՞նչ աղբյուրներ կան այն լրացնելու


–   Գրադարանն ունի կես միլիոնից ավելի միավոր գրականություն՝ ամսագրեր, գրքեր: Վերջին տարիներին բաժանորդագրում ենք նաև էլեկտրոնային լավագույն շտեմարաններ:


Չնայած ֆինանսական հատկացումները շատ սուղ են, բայց փորձում ենք մեր առաջարկով համապատասխանել ընթերցողի պահանջարկին: Նախապես վերլուծում ենք այդ պահանջարկը և դրան համապատասխան իրականացնում գրականության ձեռքբերումը:


Բացի թղթային և բաժանորդագրական էլեկտրոնային տեղեկատվությունից, գրականությունը ձեռք ենք բերում նաև նվիրատվությունների ձևով: ՎԻՎԱ բարեգործական հիմնադրամը ռուսաստանաբնակ բժիշկների կազմակերպություն է, որը մի քանի տարի շարունակ գրադարանին նվիրաբերում է մեծ քանակության վերջին հրատարակության ռուսալեզու գրականություն, որոնց մեջ կան նաև թարգմանական շատ լավ գրքեր: Եվ դա էլ է ավելացնում ընթերցողների քանակը:


–   Ի՞նչ ծրագրեր ունեք:


–   Մեծ ցանկություն ունենք գրադարանի ամբողջ հավաքածուն թվայնացնելու: Այդ ժամանակ արդեն կարող ենք ասել, որ ունենք իսկապես ժամանակակից գրադարան: Կարծում եմ, արդեն ուշացնում ենք, որովհետև աշխարհի շատ գրադարաններ արդեն թվայնացված են:

med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Հունիսի 30-ին ծնվել է անգլիացի բուսաբան և ճանապարհորդ Ջոզեֆ Հուկերը
Հունիսի 30-ին ծնվել է անգլիացի բուսաբան և ճանապարհորդ Ջոզեֆ Հուկերը

Ջոզեֆ Դոլթոն Հուկերը ծնվել է 1817 թ. հունիսի 30-ին՝ Հեյլսուորտում: Նրա առաջին ուսուցիչը հենց իր հայրը՝ Վիլյամ Հուկերը դարձավ: Ջոզեֆը՝ 7 տարեկանից սկսած, Գլազգոյի համալսարանում նրա դասախոսություններն էր լսում...

Հիշարժան օրեր, տարեթվեր, տոներ
1868 թ. հունիսի 23-ին արտոնագրվեց գրամեքենան
1868 թ. հունիսի 23-ին արտոնագրվեց գրամեքենան

Տեղային արհեստանոցում աշխատելով՝ Կրիստոֆեր Շոուլզը և նրա գործընկեր Կարլոս Գիդդենը գրքի էջերի հաջորդաբար համարակալման համար սարքավորում հնարեցին: Այս հասարակ հարմարանքից էլ սկիզբ է առել...

Հիշարժան օրեր, տարեթվեր, տոներ
1981 թ. հունիսի 5-ին Հիվանդությունների վերահսկման ամերիկյան կենտրոնը նոր հիվանդություն՝ ՁԻԱՀ գրանցեց
1981 թ. հունիսի 5-ին Հիվանդությունների վերահսկման ամերիկյան կենտրոնը նոր հիվանդություն՝ ՁԻԱՀ գրանցեց

«20-րդ դարի ժանտախտ» համարվող հիվանդությունն առաջին անգամ հայտնաբերվել է 1981 թ. ԱՄՆ-ում: Բժիշկներին շատ անհանգստացրեց թոքաբորբով հիվանդացող երիտասարդների թվի խիստ աճը, ինչը...

Հիշարժան օրեր, տարեթվեր, տոներ
Մայիսի 15-ին ծնվել է ռուս և ֆրանսիացի կենսաբան, Նոբելյան մրցանակի դափնեկիր Իլյա Մեչնիկովը
Մայիսի 15-ին ծնվել է ռուս և ֆրանսիացի կենսաբան, Նոբելյան մրցանակի դափնեկիր Իլյա Մեչնիկովը

Իլյա Իլյայի Մեչնիկովը ծնվել է 1845թ. մայիսի (3) 15-ին Խարկովի Իվանովկա գյուղում, կալվածատիրոջ ընտանիքում: 1864թ. Մեչնիկովն ավարտել է Խարկովի համալսարանը...

Հիշարժան օրեր, տարեթվեր, տոներ
Մայիսի 10-ին ծնվել է իռլանդացի գործարար, թեյի մագնատ, հայտնի թեյի ընկերության հիմնադիր Թոմաս Լիփթոնը
Մայիսի 10-ին ծնվել է իռլանդացի գործարար, թեյի մագնատ, հայտնի թեյի ընկերության հիմնադիր Թոմաս Լիփթոնը

Թոմաս Ջոնստոն Լիփթոնը ծնվել է 1850թ. մայիսի 10-ին Գլազգոյում (Շոտլանդիա): Արդեն հինգ տարեկան հասակում նա օգնում էր իր հորը նպարեղենի խանութում, իսկ երբ նրա եղբայրը և քույրը մահացան,  նա ստիպված...

Հիշարժան օրեր, տարեթվեր, տոներ
1755թ. մայիսի 7-ին տեղի ունեցավ Մ. Վ. Լոմոնոսովի անվան Մոսկվայի պետական համալսարանի հանդիսավոր բացումը
1755թ. մայիսի 7-ին տեղի ունեցավ Մ. Վ. Լոմոնոսովի անվան Մոսկվայի պետական համալսարանի հանդիսավոր բացումը

Ռուսաստանի ամենահին և ամենահայտնի համալսարանը Մոսկվայի Մ. Վ. Լոմոնոսովի անվան ռուսական համալսարանն է: Այն հիմնադրվել է 1755թ., նշանավոր գիտնական-հանրագիտարանագետ, առաջին ռուս ակադեմիկոս...

Հիշարժան օրեր, տարեթվեր, տոներ
1965 թ. ապրիլի 27-ին ԱՄՆ-ում արտոնագրվել են ՓԱՄՊԵՐՍ մանկական տակաշորերը
1965 թ. ապրիլի 27-ին ԱՄՆ-ում արտոնագրվել են ՓԱՄՊԵՐՍ մանկական տակաշորերը

Փամպերսները մարդկության օգտակար հայտնագործություններից են։ 1965 թ. ապրիլի 27-ին ԱՄՆ-ում արտոնագրվել են միանվագ օգտագործման տակաշորերը՝ «Փամպերս» առևտրային ապրանքանիշով...

Հիշարժան օրեր, տարեթվեր, տոներ
1833 թ. ապրիլի 24-ին ԱՄՆ-ում արտոնագրվեց գազավորված ջուրը
1833 թ. ապրիլի 24-ին ԱՄՆ-ում արտոնագրվեց գազավորված ջուրը

Այսօր գազավորված ջուրը հայտնի է ամբողջ աշխարհում։ 1833 թ. ապրիլի 24-ին ԱՄՆ-ում արտոնագրվեց գազավորված ջուրը: Այդ «հայտագործությամբ» աշխարհը պարտական է բրիտանացի քիմիկոս, աստվածաբան և փիլիսոփա Ժոզեֆ Պրիստլիի, ով...

Հիշարժան օրեր, տարեթվեր, տոներ
1902 թ. ապրիլի 18-ին աշխարհում առաջին անգամ հանցագործի ճանաչման համար կիրառվել է դակտիլոսկոպիա
1902 թ. ապրիլի 18-ին աշխարհում առաջին անգամ հանցագործի ճանաչման համար կիրառվել է դակտիլոսկոպիա

Քրեագիտությունը  դակտիլոսկոպիայի կիրառման առաջին և ամենակարևոր ոլորտն է: Դակտիլոսկոպիան մարդ-անհատի նույնականացման մեթոդ է մատնահետքերով, որը հիմնված է մաշկի նկարի յուրահատկության վրա...

Հիշարժան օրեր, տարեթվեր, տոներ
1618 թ. ապրիլի 16-ին Ուիլյամ Հարվեյն առաջինն է նորովի շարադրել մարդու օրգանիզմում արյան շրջանառության համակարգը
1618 թ. ապրիլի 16-ին Ուիլյամ Հարվեյն առաջինն է նորովի շարադրել մարդու օրգանիզմում արյան շրջանառության  համակարգը

1618 թ. ապրիլի 16-ին Ուիլյամ Հարվեյը՝ հայտնի անգլիացի գիտնականը և բժիշկը, կազմակերպեց հրապարակային դասախոսություն Լոնդոնում: Այդ դասախոսությանը նա առաջին անգամ շարադրեց մարդու օրգանիզմում (նաև այլ տաքարյուն կենդանիների) արյան...

Հիշարժան օրեր, տարեթվեր, տոներ
1827 թ. ապրիլի 7-ին անգլիացի դեղագործ Ջոն Ուոկերը վաճառեց առաջին լուցկիները իրավաբան Նիկսոնին
1827 թ. ապրիլի 7-ին անգլիացի դեղագործ Ջոն Ուոկերը վաճառեց առաջին լուցկիները  իրավաբան Նիկսոնին

Առաջին հայացքից  չկա ավելի հեշտ բան, քան լուցկիների տուփը: Բայց իրականում լուցկու ստեղծման պատմությունը բավականաչափ հետաքրքիր է: Ընդունված է, որ լուցկիների նախատիպերը չոր ճյուղերն են համարվում...

Հիշարժան օրեր, տարեթվեր, տոներ
1932 թ. ապրիլի 4-ին ամերիկացի գիտնական Կինգը առաջին անգամ առանձնացրել է վիտամին C (ասկորբինաթթու)
1932 թ. ապրիլի 4-ին ամերիկացի գիտնական Կինգը առաջին անգամ առանձնացրել է վիտամին C (ասկորբինաթթու)

 Վիտամին  С-ն շատ կարևոր է մարդկային օրգանիզմի կենսագործունեության համար։ 1932 թ. ապրիլի 4-ին ամերիկացի կենսաքիմիկոս Չարլզ Գլեն Կինգը առաջին անգամ առանձնացրել է վիտամին C: Նշյալ վիտամինը շատ...

Հիշարժան օրեր, տարեթվեր, տոներ
Ապրիլի 3-ին` 1933 թ., ռուս վիրաբույժ Յուրի Վորոնոյը աշխարհում առաջին անգամ մարդու երիկամի փոխպատվաստում իրականացրեց
Ապրիլի 3-ին` 1933 թ., ռուս վիրաբույժ Յուրի Վորոնոյը աշխարհում առաջին անգամ մարդու երիկամի փոխպատվաստում իրականացրեց

Այսօր երիկամի փոխպատվաստման վիրահատությունները կանոնավոր կերպով անց են կացվում աշխարհի շատ երկրներում: Երիկամի փոխպատվաստման փորձարկումները, ի տարբերություն այլ օրգանների փոխպատվաստման...

Հիշարժան օրեր, տարեթվեր, տոներ
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը
Ապրիլի 3-ին ծնվել է ռուս բժիշկ, ծանր ատլետ, ողնուղեղային վնասվածքներով հիվանդների ռեաբիլիտացիայի մեթոդիկայի հեղինակ Վալենտին Դիկուլը

Վալենտին Իվանովիչ Դիկուլը ծնվել է 1948 թ. ապրիլի 3-ին Կաունաս (Լիտվա) քաղաքում: Ծնողների մահվան պատճառով տղան ապրել է մանկատանը: Այնտեղ նա սովորել է ձեռնածություն և ակրոբատիկա...

Բժիշկներ Հիշարժան օրեր, տարեթվեր, տոներ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ