Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժիշկ-արվեստագետ

Բժիշկ-նկարիչ` Պավել Անանիկյան

Բժիշկ-նկարիչ` Պավել Անանիկյան

Մեր հյուրն է բժշկական գիտությունների դոկտոր, պրոֆեսոր, գիտության վաստակավոր գործիչ, Հայաստանի վիրաբուժական գիտությունների ակադեմիայի նախագահ, Ռուսաստանի բժշկատեխնիկական ակադեմիայի ակադեմիկոս, Հայաստանի վիրաբույժների միության նախագահության պատվավոր անդամ Պավել Անանիկյանը:

 

- Պարոն Անանիկյան, ասում են Դուք լավ գիտեք Ձեր տոհմածառը, չսկսե՞նք այդտեղից:

- Ծնվել եմ տոհմիկ մտավորականի ընտանիքում: Համենայն դեպս, վստահ գիտեմ, որ վերջին 300 տարում իմ նախնիները եղել են մտավորականներ, հիմնականում բժիշկներ, նաև նկարիչներ, գրողներ...

 

- Վաղո՞ւց եք նկարում և երազե՞լ եք դառնալ իսկական նկարիչ:


Նկարել եմ փոքր հասակից, սակայն երբեք նկարչություն չեմ սովորել ու երբեք էլ չեմ երազել նկարիչ դառնալու մասին: Փոխարենը երազել եմ վիրաբուժության մասին ու կարող եմ ասել, որ իմ ամենամեծ երազանքն իրականացրել եմ: Քիչ մարդիկ կան, որ կարող են այսպես արտահայտվել իրենց մասին, բայց ես, կարծում եմ, դրա իրավունքն ունեմ, որովհետև ոչ բոլոր վիրաբույժներին է բախտ վիճակվում իրենց կատարած վիրահատությունների թիվը հասցնելու տասնյակ հազարների... Իսկ ավելի լրջորեն սկսել եմ նկարել 50 տարեկանից: Մի անգամ ընկերներով գնացել էինք Ուրցաձոր: Բնական է, որ բոլորի պես որոշեցինք խորոված պատրաստել: Իսկ դա որոշակի ժամանակ է պահանջում: Ու մինչ ընկերներս զբաղված էին կրակ վառելով, ես մի քիչ զբոսնեցի ու մեզանից ոչ հեռու հանդիպեցի մի մարդու, որը նստած նկարում էր: Այդ նկարիչը Լևոն Թադևոսյանն էր, որի հետ անմիջապես ծանոթացա ու սկսեցի դիտել նրա աշխատանքը: Որոշ ժամանակ անց նա ինձ առաջարկեց նույնպես փորձել նկարել: Լևոնն ինձ համոզում էր, որ դա այդքան էլ դժվար բան չէ, և կյանքում առաջին անգամ համարձակվեցի յուղաներկով նկարել: Այդ բնանկարը մինչև օրս էլ իմ աշխատասենյակում է: Նկարելն ինձ այնքան դուր եկավ, որ Երևան վերադառնալուց հետո Լևոնի օգնությամբ գնեցի անհրաժեշտ բոլոր պարագաներն ու ողջ ազատ ժամանակս սկսեցի նվիրել նկարչությանը: Իհարկե, ազատ ժամանակ քիչ ունեի, բայց հարազատներս այնքան էին ոգևորում ինձ, որ ստիպված էի անվերջ աշխատել: Հետաքրքիրն այն է, որ ինձ հետ միաժամանակ նկարել սկսեց նաև թոռնիկս:

 

- Ի՞նչ եք սիրում նկարել:


Եթե բավարար մասնագիտական գիտելիքներ ունենայի, գուցե դիմանկարներ նկարեի: Սակայն դիմանկարներ կերտելու համար նախ և առաջ պետք է պրոֆեսիոնալ արվեստագետ լինել, իսկ ես ընդամենը ինքնուս նկարիչ եմ: Սիրում եմ նկարել բնանկարներ, հատկապես Արարատը:

 

- Իսկ ի՞նչ եք անում Ձեր նկարները:


- Իմ նկարները հիմնականում ինձ հետ են: Շատ հազվադեպ նաև նվիրում եմ` իհարկե շատ մեծ դժվարությամբ: Բնական է, որ վաճառելու մասին խոսք անգամ լինել չի կարող:

 

- Ե՞րբ եք նկարում:


Հատկապես սիրում եմ նկարել բարդ վիրահատություններից հետո, երբ ամեն ինչ հաջողվում է, և բարձր տրամադրությամբ փորձում եմ ստեղծագործել: Երբեմն այդ նկարների էսքիզները ուրվագծվում են հենց վիրահատության ժամանակ (իհարկե մտքիս մեջ): Նկարելու ընթացքում սովորաբար չեմ խոսում. լռում եմ ու մտածում: Երբեմն էլ մտքումս ծնված խոհերը ցանկություն եմ ունենում թղթին հանձնելու: Այդպես սկսեցի նաևգրել...

 

Հիմնականում նկարում եմ բավականին արագ: Կան գործեր, որոնք նկարելեմ մի քանի րոպեների ընթացքում:Սակայն լինում են դեպքեր, երբ տարիներով չի հաջողվում ավարտել կտավը: Երբեմն էլ նկարը մտքում պատկերացնում եմ, բայց չեմ կարողանում վերարտադրել. կյանք է, այդպես էլ է լինում...



- Ո՞ւմ կարծիքն է Ձեզ համար ամենակարևորը:


Միանշանակ կարող եմ ասել` կնոջս: Եթե նրան դուր է գալիս, ես ուրախանում եմ: Ճիշտ է` նկարում եմ ինձ համար, սակայն շատ թանկ է նաև կնոջս կարծիքը:

 

- Մասնակցե՞լ եք որևէ ցուցահանդեսի:


Այո', իհարկե' մասնակցել եմ, այն էլ բազմիցս և արժանացել եմ նաև բազմաթիվ մրցանակների: Նշեմ, որ առաջին իսկ ցուցահանդեսից հետո ինձ ընդունեցին նկարիչների միության անդամ: Կան բազմաթիվ նկարիչներ, որոնք տիրապետում են նկարչական հրաշալի տեխնիկայի, սակայն նրանց անունները աշխարհին հայտնի չեն: Կարծում եմ, որ լավ նկարելու համար պետք է ոչ միայն լավ տեխնիկա ունենալ, այլև վառ երևակայություն: Պետք է կարողանալ նաև արժեքավոր կոմպոզիցիաներ ստեղծել: Ինձ հաճախ են ասում, որ կոմպոզիցիաներս ինքնատիպ են, բայց միաժամանակ նրբանկատորեն լռում են ոչ կատարյալ տեխնիկայիս մասին...

 

- Այնուամենայնիվ երբեք չե՞ք մտածել միայն նկարչությանը նվիրվելու մասին:


Ո'չ, արդեն ասացի, որ այդ գայթակղությանը չեմ տրվում. ես ինձ դասում եմ այն երջանիկ մարդկանց թվին, որոնք զբաղվում են իրենց սիրած մասնագիտությամբ: Ես իրոք շատ եմ սիրում վիրաբուժությունը և կրկնում եմ` երջանիկ եմ, որ վիրահատում եմ, որ օգնում եմ մարդկանց. դա ինձ համար ամենամեծ հաճույքն է, ու երազանքս է, որ դեռ երկար տարիներ կարողանամ շարունակել իմ մասնագիտական ուղին: Առանց վիրաբուժության ես ինձ չեմ պատկերացնում: Կարծում եմ, որ վիրաբուժությունը նույնպես արվեստ է, ու քանի դեռ վիրահատում եմ, ուրեմն նաև ստեղծագործում եմ, ուրեմն նաև... երջանիկ եմ...

Հեղինակ. Հարցազրույցը վարեց Վահե Տեր-Մինասյանը Վահե Տեր-Մինասյանը
Սկզբնաղբյուր. ՀՀ - Ամսագիր ''Ֆարմացևտ պրակտիկ'' 3-2008 (11)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

«ՍՊԻՏԱԿԻ ԵՐԿՐԱՇԱՐԺ» ՕՊԵՐԱՑԻԱՆ
«ՍՊԻՏԱԿԻ ԵՐԿՐԱՇԱՐԺ» ՕՊԵՐԱՑԻԱՆ

Այսօրվա զենքերի հնարավորություններն արդեն ասես կտրել-հատել են մարդկային երևակայության սահմաններն անգամ, կամ էլ, դրանց վրա կենտրոնացածները մոռացել են, որ այդ զենքերը այս միամորիկ, չափ ու սահմաններով...

Պատմության էջերից Հիշարժան տարեթվեր
2015-ը … Հարության և շարունակության տարի. ՆԱՆԵ
2015-ը … Հարության և շարունակության տարի. ՆԱՆԵ

Արդեն մեկ դար է, որ, իհարկե, ոչ բավարար չափով, բայց միևնույն է` մեր երկրի և սփյուռքի հայության ջանքերի գնով, փորձում ենք աշխարհին համոզել, որ մարդկություն բառի արմատը մարդն է` Աստծո պատկերով ու նմանությամբ...

ՆԱՆԵ. Նոստալգիա
ՆԱՆԵ. Նոստալգիա

Ես քեզ որոնեցի երեկ գիշեր նորից,
Թեկուզ մեր այն վերջին...

ՆԱՆԵ. Երկնագույն ծաղիկների ամիսը
ՆԱՆԵ. Երկնագույն ծաղիկների ամիսը

–   Զինվորը կգա, զինվորը չի գա, - Երկնագույն ծաղիկների նրբին թերթերը հատ-հատ պոկելով մրմնջում էր Արփին: Հետո գլուխը բարձրացեց ու հայացքը սահեցրեց երկնագույն ծաղիկներով ծփացող դաշտին...

ՆԱՆԵ. Դեպի քո անհասկանալին, Երկի՛ր
ՆԱՆԵ. Դեպի քո անհասկանալին, Երկի՛ր

 Ես հանելուկներ չեմ սիրում. լավ է, երբ ամեն ինչ պարզ է, ու ես ամեն բան գիտեմ։ Հանելուկն անպայման` ուզեմ, թե չուզեմ, մտքերս խճճելու է իր հանգույցների մեջ, լուծեցի` կարող եմ թեթևացած շունչ քաշել, չլուծեցի...

ՆԱՆԵ. Վերադառնամ...
ՆԱՆԵ. Վերադառնամ...

…Վերադառնամ դաշտը այն բաց .

Բաղեղները հյուսած ծամիս`

Սպասեմ քույր մուսաներին...

ՆԱՆԵ. Երկուսը
ՆԱՆԵ. Երկուսը

Հակոբն ամբողջ գիշեր աչք չփակեց… Եվ դա վերջին ամիսներին առաջին անքուն գիշերը չէր։ Անքուն ժամերն անցնում էին ինչ-որ ելքի փնտրտուքով…Վարկից վարկ պարտքերը  տոկոսների հետ աճում  ու աճում էին։ Եվ հիմա ինքը նման էր ճահճի...

ՆԱՆԵ. Երկիրս
ՆԱՆԵ. Երկիրս

Ինչ էլ լինի`  ծաղկելու է ծիրանենիդ.

Ծիծեռնակը ծանոթ քիվին –              

                   նորոգելու բույնը իր հին,

Պայթելու է հունդը հողում...

Մենք բոլորս ենք տեսնում, թե ինչպես արդեն մոլորակով մեկ ծավալվում ու տիրաբար իշխում են ստորը, դաժանը, ցածրը, գարշելին
Մենք բոլորս ենք տեսնում, թե ինչպես արդեն մոլորակով մեկ ծավալվում ու տիրաբար իշխում են ստորը, դաժանը, ցածրը, գարշելին

Ձեզ ենք ներկայացնում Արթուր Հովհաննիսյանի հարցազրույցը բանաստեղծ և հրապարակագիր, Հայաստանի գրողների միության անդամ, Հայաստանի նկարիչների միության պատվավոր անդամ Նանեի հետ, ով մասնագիտությամբ...

Լևոն Անդրանիկի Ճաղարյան. բարձրակարգ վիրաբույժ
Լևոն Անդրանիկի Ճաղարյան. բարձրակարգ վիրաբույժ

Մարդ, ահա' թե ինչն է ինձ հետաքրքրում:

Մարդկային դեմքը բնության բարձրագույն ստեղծագործությունն է,

և այն ինձ համար անսպառ աղբյուր է:

Ամադեո Մոդիլյանի...

Ֆարմացևտ պրակտիկ 3-4.2009 (15)
Բժիշկ-նկարչի հոգու աշխարհը - Աշոտ Եղոյան
Բժիշկ-նկարչի հոգու աշխարհը - Աշոտ Եղոյան

- Զարմանալի բան է բժշկությունը, և արդյոք կապ ունի՞ արվեստի հետ, թե՞ ոչ` դժվար է ասել։ Բայց եթե Բուլգակովը, Շիլլերը, Կոնան Դոյլը, Չեխովը բժիշկներ էին, ուրեմն` արվեստի հետ բժշկությունն իսկապե՛ս...

Ֆարմացևտ պրակտիկ 9-10.2008 (14)
Հրանտ Սապոնջյան
Հրանտ Սապոնջյան

Մեր հյուրն է «Քանաքեռ-Զեյթուն» բժշկական կենտրոնի գինեկոլոգիական բաժանմունքի ավագ օրդինատոր, բ.գ.դ. Հրանտ Սապոնջյանը, ով տարիներ շարունակ իր հիմնական աշխատանքին զուգահեռ զբաղվում է նաև նկարչությամբ...

Ֆարմացևտ պրակտիկ 6-7.2008 (13)
Մեկ դար... Մեկ կյանք...
Մեկ դար... Մեկ կյանք...

Օրեցօր վերափոխվում է Երևանը։ Նոր սերնդի համար այն վիթխարի, բարձրահարկ շինություններով, անթիվ-անհամար գովազդային վահանակներով ու գունավոր ցուցափեղկերով մի քաղաք է, որի հատուկենտ...

Ֆարմացևտ պրակտիկ 4-5.2008 (12)
Բժիշկ-արվեստագետ - Տաթևիկ Շահյան
Բժիշկ-արվեստագետ - Տաթևիկ Շահյան

- Նկարել սիրել եմ միշտ։ Միշտ ասելով` նկատի ունեմ դպրոցական տարիքից, երբ գրադարանից գրքեր էի վերցնում ու դրանց մեջ եղած պատկերները արտանկարում։ Վերջերս ձեռքս ընկավ «Մյունհաուզենի արկածները» գրքի մի հին...

Ֆարմացևտ պրակտիկ 1-2.2008 (10)

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ